ფედერიკო მარკეტი

ფედერიკო მარკეტი

პირადი მონაცემები
სრული სახელი	ფედერიკო მარკეტი
დაბადების თარიღი	7 თებერვალი, 1983 (1983-02-07)
დაბადების ადგილი	ბასანო-დელ-გრაპა
სიმაღლე	1.90 მ
სათამაშო პოზიცია	მეკარე
საკლუბო ინფორმაცია
მიმდინარე კლუბი	ჯენოა
ნომერი	22
ახალგაზრდული კარიერა
	ბესიკა
	ტორინო
პროფესიონალური კარიერა*
წლები	გუნდი	მატჩი	(გოლი)
2002–2005	ტორინო	1	(0)
2002–2003	→  პრო ვერჩელი	34	(0)
2003–2004	→  კროტონე	0	(0)
2004	→  ტრევიზო	0	(0)
2004–2005	→  პრო ვერჩელი	13	(0)
2005–2006	ბიელესე	28	(0)
2006–2009	ალბინოლეფე	45	(0)
2009–2011	კალიარი	68	(0)
2011–2018	ლაციო	194	(0)
2018–	ჯენოა	4	(0)
ეროვნული ნაკრები‡
2009–	იტალია	11	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 23 სექტემბერი, 2018 ‡ ეროვნული ნაკრების მატჩი და გოლი ბოლოს განახლდა: 15 ოქტომბერი, 2013

ფედერიკო მარკეტი (იტალ. Federico Marchetti); დ. 7 თებერვალი, 1983, ბასანო დელ გრაპა, იტალია) — იტალიელი მეკარე, რომელიც ამჟამად თამაშობს იტალიის სერია A-ს კლუბ „ჯენოასა“ და იტალიის ეროვნულ ნაკრებში.

საკლუბო კარიერა

მარკეტიმ პროფესიონალური კარიერა დაიწყო საფეხბურთო კლუბ ტორინოში, თუმცა აქ ადგილი ვერ დაიმკვიდრა და იჯარით თამაშობდა სხვადასხვა კლუბებში.

2006/07 სეზონის დასაწყისში იგი სერია B-ს კლუბ ალბინოლეფეში გადავიდა, სადაც გუნდის მთავარი მეკარე გახდა. სამი სეზონი მარკეტიმ კარგად ჩაატარა ბერგამოს კლუბში, თუმცა 2009 წელს იგი ჯერ იჯარით გაუშვეს „კალიარიში“, შემდეგ კი 5 მილიონ ევროდ მიყიდეს. სარდინიულ კლუბში მარკეტი წამყვან მეკარედ იქცა და დიდ წილად მისი დამსახურებაა, რომ გუნდი ქვედა დივიზიონში არ დაქვეითებულა, ეს შეუმჩნელი არც ნაკრების ხელმძღვანელობას დარჩა და ნაკრებშიც მიიწვიეს.

2011-12 სეზონში „კალიარიმ“ მარკეტი მე-3 მეკარედ გადაიყვანა, რადგან მას სარდინიიდან წასვლა სურდა. იმავე სეზონში, ფერნანდო მუსლერას წასვლის შემდეგ „ლაციო“ ახალ მეკარეს ეძებდა. არჩევანი მარკეტიზე შეჩერდა. ფედერიკო ლაციომ 5.2 მილიონი ევროს სანაცვლოდ შეიძინა. პირველი სეზონში ლაციოში ფედერიკომ დამაჯერებლად იმეკარევა.

2012-13 სეზონი მარკეტიმ კარგად დაიწყო, თუმცა ტრავმის გამო დროებით ჩამოშორდა ფეხბურთს. დაბრუნებისთანავე მარკეტიმ განაგრძო მეკარეობა. აღსანიშნავია 17 ნოემბერს გამართული მატჩი „იუვენტუსის“ წინააღმდეგ.

სანაკრებო კარიერა

2009 წელს „კალიარიში“ გამორჩეული სეზონის ფონზე ის მარჩელო ლიპიმ გამოიძახა ნაკრებში ჩრდილოეთ ირლანდიასთან ამხანაგურ შეხვედრაში.

მსოფლიო ჩემპიონატი 2010-ზე ჯანლუიჯი ბუფონის ტრავმის გამო ძირითადში მოხვდა. მიუხედავად იმისა, რომ პირველი ორი შეხვედრა დამაჯერებლად ჩაატარა, სლოვაკეთის ნაკრებთან წინააღმდეგ მატჩში მან ბევრი შეცდომა დაუშვა, რაც ნაკრებს ძვირად დაუჯდა.

რესურსები ინტერნეტში

• სტატისტიკა football.it-ზე
• პროფილი დაარქივებული 2016-03-04 საიტზე Wayback Machine. championat.com-ზე (რუსული)
• ფედერიკო მარკეტი Twitter-ზე