ჟუსელინუ კუბიჩეკი

	ჟუსელინუ კუბიჩეკი ; Juscelino Kubitschek de Oliveira
	;
ბრაზილიის 21-ე პრეზიდენტი
თანამდებობაზე ყოფნის დრო
	31 იანვარი, 1956 – 31 იანვარი, 1961
წინამორბედი	ნერეუ რამოსი
მემკვიდრე	ჟანიუ კუადროსი
დაბადებული	12 სექტემბერი, 1902; დიამანტინა, მინას-ჟერაისი
გარდაცვლილი	22 აგვისტო, 1976; რეზენდი, რიო-დე-ჟანეირო
პროფესია	ექიმი

ჟუსელინუ კუბიჩეკ დე ოლივიერა (პორტ. Juscelino Kubitschek de Oliveira; დ. 12 სექტემბერი, 1902, დიამანტინა — გ. 22 აგვისტო, 1976, რეზენდი, რიო-დე-ჟანეირო) — ბრაზილიელი სახელმწიფო და პოლიტიკური მოღვაწე. ბრაზილიის პრეზიდენტი 1956-1961 წწ.

დაიბადა კომოვოიაჟერი მამისა (რომელიც გარდაიცვალა მაშინ როდესაც კუბიჩეკი 2 წლის იყო) და ჩეხური წარმოშობის მასწავლებელი დედის ოჯახში.

განათლებით ექიმმა. პოლიტიკური კარიერა დაიწყო 1934 წელს, როდესაც აირჩიეს მინას-ჟერაისის საკანონმდებლო კრების წევრად. 1950-1955 წწ. იყო ამ შტატის გუბერნატორი, ხოლო 1956 წელს აირჩიეს ქვეყნის პრეზიდენტად. განახორციელა ეკონომიკაში სწრაფი ნახტომის პოლიტიკა, შეამცირა გადასახადები უცხოურ კაპიტალზე. ბრაზილიაში დაიწყო საინჟინრო, საავტომობილი და სხვა მაღალი ტექნოლოგიების დარგების სწრაფი ტემპით განვითარება. 1960 წელს მისი ბრძანებულებით დედაქალაქი გადაიტანეს რიო-დე-ჟანეიროდან ბრაზილიაში, რაც ქვეყანას დაეხმარებოდა შიდა რესურსების ათვისებაში. 1961 წელს საკონსტიტუციო ვადის გასვლის შემდეგ გადადგა თანამდებობიდან. პრეზიდენტი გახდა ჟანიუ კუადროსი. 1964 წლის სამხედრო გადატრიალების შემდეგ კუბიჩეკს ისევე, როგორც კუადროსს პოლიტიკური საქმიანობა 10 წლით აეკრძალათ.

კუბიჩეკი დაიღუპა საავტომობილო კატასტროფაში 1976 წლის 22 აგვისტოს.

იხილეთ აგრეთვე

რესურსები ინტერნეტში

წინამორბედი: ნერეუ რამოსი	ბრაზილიის პრეზიდენტი 1956 – 1961	შემდეგი: ჟანიუ კუადროსი