მოქალაქეები
| მოქალაქეები | |
|---|---|
 | |
| ქვეყანა |
 საქართველო |
| ხელმძღვანელობა | |
| თავმჯდომარე | ალეკო ელისაშვილი |
| ისტორია | |
| დაფუძნდა | 4 აგვისტო, 2020 |
| წინამორბედი | საქართველოს სამოქალაქო მოძრაობა |
| პოზიციები | |
| იდეოლოგია |
პოპულიზმი პროევროპულობა |
| პოლიტიკური პოზიცია | ცენტრიზმი |
| წარმომადგენლობითობა | |
| პარლამენტი |
1 / 150 |
| საკრებულოები |
1 / 2 068 |
| თბილისის საკრებულო |
0 / 50 |
| ფერები | |
| https://citizens.ge/index.php/ka | |
ალეკო ელისაშვილი – მოქალაქეები — პოლიტიკური პარტია საქართველოში, რომლის პრეზენტაციაც გაიმართა 2020 წლის 4 აგვისტოს. პარტიამ მონაწილეობა მიიღო 2020 წლის საპარლამენტო არჩევნებზე. პარტიის ლიდერია ალეკო ელისაშვილი.
ისტორია
[რედაქტირება | წყაროს რედაქტირება]2018 წლის 7 დეკემბერს ალეკო ელისაშვილმა დააფუძნა „საქართველოს სამოქალაქო მოძრაობა“. მოძრაობის თანადამფუძნებლები იყვნენ: ლევან იოსელიანი და ვატო სურგულაძე. მაშინ ალეკო ელისაშვილი არ გამორიცხავდა, რომ მოგვიანებით მოძრაობის პარტიად ფორმირება მომხდარიყო.[1] 2020 წლის 4 აგვისტოს ელისაშილმა პარტია „მოქალაქეები“ წარადგინა და ჩაერთო საარჩევნო კამპანიაში.[2]
2024 წლის 3 ივნისს ცნობილი გახდა, რომ პარტიამ ხელი მოაწერა საქართველოს პრეზიდენტის, სალომე ზურაბიშვილის მიერ შექმნილ „ქართულ ქარტიას“.[3]
2020 წლის საპარლამენტო არჩევნები
[რედაქტირება | წყაროს რედაქტირება]2020 წლის საპარლამენტო არჩევნებში პარტიამ 25 508 ხმა მოიპოვა და მოახერხა პარლამენტში შესვლა. პარტიიდან პარლამენტის წევრებად პარტიული სიით არჩეულნი იქნენ: ალეკო ელისაშვილი და ლევან იოსელიანი.[4] პარტიას ჰყავდა საკუთარი მაჟორიტარობის კანდიდატები, მათ შორის იყო პარტიის თავმჯდომარე ალეკო ელისაშვილი რომელიც კენჭს საბურთალოს მაჟორიტარულ ოლქში იყრიდა, სადაც პირველ ტურში ხმების 19,38% (14 181 ხმა) მიიღო. მეორე ტურს ელისაშვილმა, მთლიან ოპოზიციასთან ერთად გაყალბებული არჩევნების მოტივით გამოუცხადა ბოიკოტი, მიუხედავად ამისა მისი სახელი და გვარი დატანილი იყო ბიულეტენზე, მეორე ტურში მიიღო ხმების 10,08% (2770 ხმა).[5] გარდა ამისა პარტიას მაჟორიტარობის კანდიდატები წარდგენილი ჰყავდა #22 (ინდიკო ბერძენაძე, 469 ხმა, 0,57%), #24 (ოთარ ქერქაძე, 625 ხმა, 0,99%), #28 (გენრი დოლიძე, 1038 ხმა, 1,34%), #30 (გიორგი გაბაიძე, 349 ხმა, 0,59%) და #21 (დავით გიორგაძე, 541 ხმა, 0,7%) მაჟორიტარულ ოლქებში.
შედეგები არჩევნებში
[რედაქტირება | წყაროს რედაქტირება]საპარლამენტო
[რედაქტირება | წყაროს რედაქტირება]| არჩევნები | ხმები | % | მანდატები | +/– | სტატუსი | კოალიცია |
|---|---|---|---|---|---|---|
| 2020 | 25 508 | 1,33 | 2 / 150 |
ახალი | ოპოზიცია | დამოუკიდებელი |
| 2024 | 182 922 | 8,81 | 1 / 150 |
 1
|
ოპოზიცია | ძლიერი საქართველო |
ადგილობრივი
[რედაქტირება | წყაროს რედაქტირება]| არჩევნები | ხმები | % | მანდატები | +/– |
|---|---|---|---|---|
| 2021 | 14 669 | 0,83 | 1 / 2 068 |
ახალი |
რესურსები ინტერნეტში
[რედაქტირება | წყაროს რედაქტირება]- პარტიის ოფიციალური საიტი დაარქივებული 2020-10-31 საიტზე Wayback Machine.
სქოლიო
[რედაქტირება | წყაროს რედაქტირება]- ↑ ალეკო ელისაშვილმა პარტია „საქართველოს სამოქალაქო მოძრაობა“ დააფუძნა. დაარქივებულია ორიგინალიდან — 2019-06-21. ციტირების თარიღი: 2021-03-03.
- ↑ ალეკო ელისაშვილმა ახალი პოლიტიკური პარტია „მოქალაქეები“ წარადგინა
- ↑ 17 პარტია და 5 დამოუკიდებელი დეპუტატი | "ქართულ ქარტიაზე" ხელმოწერები დასრულდა
- ↑ results.cec.gov.ge. დაარქივებულია ორიგინალიდან — 2021-01-04. ციტირების თარიღი: 2020-12-19.
- ↑ მეორე ტური. დაარქივებულია ორიგინალიდან — 2021-01-04. ციტირების თარიღი: 2020-12-19.
| ||||||||