ლეონარდო დიკაპრიო

ლეონარდო დიკაპრიო
დიკაპრიო 2016 წლის ოქტომბერში
დაბადების სახელი	ლეონარდო ვილჰელმ დიკაპრიო
დაბადების თარიღი	11 ნოემბერი, 1974 (1974-11-11) ლოს-ანჯელესი, კალიფორნია,  აშშ
საქმიანობა	მსახიობი, კინოპროდიუსერი
აქტიური	1989 - დღემდე
ოქროს გლობუსი	საუკეთესო მსახიობი კაცი დრამაში (2004) საუკეთესო მსახიობი კაცი მიუზიკლსა ან კომედიაში (2013) საუკეთესო მსახიობი კაცი დრამაში (2015)
ოსკარი	საუკეთესო მსახიობი კაცი გადარჩენილი (2015)
საიტი	leonardodicaprio.com

ლეონარდო ვილჰელმ დიკაპრიო (ინგლ. Leonardo DiCaprio; დ. 11 ნოემბერი, 1974) — ამერიკელი მსახიობი და კინოპროდიუსერი.

ბიოგრაფია

ლეონარდო დაიბადა და აღიზარდა კალიფორნიის შტატის ქალაქ ლოს-ანჯელესში. დიკაპრიოს მამა წარმოშობით იტალო-გერმანული ფესვების ოჯახიდანაა, ხოლო დედა, ირმელინ დიკაპრიო (ქალიშვილობაში ინდენბირკენი), დასავლეთ გერმანიაში, ორ-ერკენშვიკეში დაიბადა. მისი მამა იყო ვილჰელმ ინდენბირკენი, ხოლო დედა — რუსი ელენა სმირნოვა, რომელმაც რუსეთიდან გერმანიაში გადასვლის შემდგომ იქორწინა და ქმრის გვარი მიიღო. თვითონ დიკაპრიომ, ვლადიმერ პუტინთან საუბარში, განაცხადა, რომ მისი ბაბუაც ასევე რუსი იყო, და დაამატა: „ასე რომ მე არა მეოთხედით, არამედ ნახევრად ვარ რუსი“.

სამსახიობო კარიერა დაიწყო 1990-იან წლებში გადაღებულ საპნის ოპერებსა და სიტკომებში. მათ შორისაა ტელესერიალი „სანტა-ბარბარა“. ჰოლივუდში მისი პირველი მნიშვნელოვანი ფილმი იყო „ამ ბიჭის ცხოვრება“, რომელშიც მთავარი როლი შეასრულა. მას მალევე მოყვა ფილმი „რა აწუხებს გილბერტ გრეიპს“, რომლისთვისაც ის ნომინირებული იყო ოსკარსა და ოქროს გლობუსზე საუკეთესო მეორეხარისხოვანი მსახიობი მამაკაცის ნომინაციაში. დიკაპრიო ასევე ორჯერ იყო ნომინირებული BAFTA-ზე, სამჯერ SAGs-ზე და შვიდჯერ ოქროს გლობუსზე. ის არის ოქროს გლობუსისა და ვერცხლის დათვის მფლობელი.

მან სახელი გაითქვა ჯეკ დოუსონის როლის შესრულებისთვის ფილმში „ტიტანიკი“. ამას მოჰყვა როლები ფილმებში „დამიჭირე, თუ შეძლებ“, „ავიატორი“, „სისხლიანი ალმასი“, და „დასაწყისი“. მარტინ სკორსეზეს „ავიატორით“ მან ოსკარის მეორე ნომინაცია დაიმსახურა. დიკაპრიო ასევე თამაშობს სკორსეზეს სხვა ფილმებში, „ნიუ-იორკის ბანდები“, „მიცვალებულები“ და „ჩაკეტილი კუნძული“, „უოლ-სტრიტის მგელი“.

დღეს დღეობით, მას „შვებულება“ აქვს აღებული კინოკარიერიდან რადგან 2013 წელს, ზედიზედ სამ ფილმზე იმუშავა. მათ შორის იყო „უოლ-სტრიტის მგელი“, რომელიც დაფუძნებულია ჯორდან ბელფორტის ბიოგრაფიულ წიგნზე. დიკაპრიო იყო ამ ფილმის თანაპროდიუსერი და ასრულებდა მთავარ, ჯორდან ბელფორტის როლს. ფილმისთვის მან მიიღო ოქროს გლობუსის ჯილდო და ოსკარის კიდევ ერთი ნომინაცია, თუმცა ოსკარის ჯილდო მან ამჯერადაც ვერ მიიღო და ის დათმო მეთიუ მაკ-კონეჰისთან. დიკაპრიომ თქვა, რომ „უოლ-სტრიტის მგელი“, განსაკუთრებით დამღლელი იყო და ამ ფილმმა მისი ადრენალინი ბოლომდე დახარჯა, ამიტომ იგი ცოტა ხნით კინოკარიერისგან ისვენებს და ყურადღება გამახვილებული აქვს მის ქველმოქმედებით კარიერაზე.

ფილმოგრაფია

წელი		ქართულად	მშობლიური სახელწოდება	როლი
1991	ფ	კბილოსნები 3	Critters 3	ჯოში
1992	ფ	შხამიანი სურო	Poison Ivy	გაი
1993	ფ	ამ ბიჭის ცხოვრება	This Boy's Life	ტობიას 'ტობი' ვულფი
1993	ფ	რა აწუხებს გილბერტ გრეიპს	What's Eating Gilbert Grape	არნი გრეიპი
1995	ფ	სწრაფი და მკვდარი	The Quick and the Dead	ბიჭი
1995	ფ	კალათბურთელის დღიური	The Basketball Diaries	ჯიმ კეროლი
1995	ფ	სრული დაბნელება	Total Eclipse	ართურ რიმბადი
1996	ფ	რომეო+ჯულიეტა	Romeo + Juliet	რომეო მონტეგი
1996	ფ	მარვინის ოთახი	Marvin's Room	ჰენკი
1997	ფ	ტიტანიკი	Titanic	ჯეკ დოუსონი
1998	ფ	რკინის ნიღაბი	The Man in the Iron Mask	ლუი XIV
1998	ფ	პოპულარობა	Celebrity	ბრენდონ დეროუ
2000	ფ	სანაპირო	The Beach	რიჩარდი
2001	ფ	კაფე დონს პლამ	Don's Plum	დერეკი
2002	ფ	დამიჭირე, თუ შეძლებ	Catch Me If You Can	ფრენკ ეიბიგნეილ უმცროსი
2002	ფ	ნიუ-იორკის ბანდები	Gangs of New York	ამსტერდამ ვალონი
2004	ფ	ავიატორი	The Aviator	ჰოვარდ ჰიუზი
2006	ფ	მიცვალებულები	The Departed	ბილი კოსტიგანი
2006	ფ	სისხლიანი ალმასი	Blood Diamond	დენი არჩერი
2008	ფ	სიცრუის ერთობლიობა	Body of Lies	როჯერ ფერისი
2008	ფ	რევოლუციური გზა	Revolutionary Road	ფრენკ ვილერი
2010	ფ	ჩაკეტილი კუნძული	Shutter Island	ტედი დენიელსი
2010	ფ	დასაწყისი	Inception	დომ კობი
2010	ფ	ტელესკოპი ჰაბლი	Hubble	საკუთარი თავი
2011	ფ	ჯ. ედგარი	J. Edgar	ედგარ ჰუვერი
2012	ფ	ჯანგო გათავისუფლებული	Django Unchained	კელვინ კენდი
2013	ფ	დიდი გეტსბი	The Great Gatsby	ჯეი გეტსბი
2013	ფ	უოლ-სტრიტის მგელი	The Wolf of Wall Street	ჯორდან ბელფორტი
2015	ფ	გადარჩენილი	The Revenant	ჰიუ გლასი
2016	ფ	წყალდიდობამდე	Before the Flood	მთხრობელი
2019	ფ	ერთხელ ჰოლივუდში	Once Upon a Time in Hollywood	რიკ დალტონი

რესურსები ინტერნეტში

ვიკისაწყობში არის გვერდი თემაზე:

ლეონარდო დიკაპრიო

• ოფიციალური საიტი
• ლეონარდო დიკაპრიო კინოფილმების ინტერნეტ-მონაცემთა ბაზაში
• ლეონარდო დიკაპრიო Twitter-ზე
• ლეონარდო დიკაპრიო Facebook-ზე