ელგუჯა ამაშუკელი
ელგუჯა ამაშუკელი | |
---|---|
![]() | |
დაიბადა | 22 ივნისი, 1928[1] |
დაბადების ადგილი | თბილისი |
გარდაიცვალა | 16 მარტი, 2002[2] [3] (73 წლის) |
გარდაცვალების ადგილი | თბილისი |
ეროვნება | ქართველი |
სფერო | ქანდაკება |
მასზე გავლენა მოახდინა | ნიკოლოზ კანდელაკი |
ჯილდოები |
![]() ![]() ![]() ![]() |
ელგუჯა დავითის ძე ამაშუკელი (დ. 22 ივნისი, 1928, თბილისი ― გ. 16 მარტი, 2002) — ქართველი მოქანდაკე, საქართველოს დამსახურებული მხატვარი (1965). საქართველოს მხატვართა კავშირის თავმჯდომარე (1981-1996 წწ.). თბილისის საპატიო მოქალაქე (1981).
ბიოგრაფია
[რედაქტირება | წყაროს რედაქტირება]საშუალო განათლების მიღების შემდეგ, 1946 წელს შევიდა თბილისის სამხატვრო აკადემიაში ქანდაკების ფაკულტეტზე. აკადემიის დამთავრების შემდეგ სწავლა განაგრძო ასპირანტურაში, სადაც სამუშაო თემად ჰქონდა ვახტანგ გორგასლის ძეგლის პროექტი. 1955 წელს დაამთავრა თბილისის სამხატვრო აკადემია. 1958 წელს მონაწილეობა მიიღო თბილისის დამაარსებლის, ვახტანგ გორგასლის შესაქმნელად გამოცხადებულ კონკურსში და მიიღო პირველი პრემია. ძეგლი დაიდგა თბილისში, მეტეხის მოედანზე.
იყო ნიკოლოზ კანდელაკის მოწაფე. ამაშუკელი, რომლის შემოქმედება ჟანრობრივად მრავალფეროვანია, ძირითადად მონუმენტალისტია, წარმატებით მუშაობდა დაზგურ ქანდაკებაში, ქმნიდა რელიეფებს. ამაშუკელის შემოქმედებისათვის დამახასიათებელია აქტუალობა, მოქალაქეობრივი და პატრიოტული პათოსი, სივრცისა და რიტმის უნაკლო გრძნობა, ნათელი და ცხადი სილუეტი, მონუმენტურობა, შინაგანი დინამიკა, ზოგჯერ – მკვეთრი ექსპრესია, მასალის ფაქტურის შეგრძნების უტყუარი ალღო, განწყობილების შექმნის უნარი; ხშირად მიმართავდა სიმბოლოებსა და ალეგორიებს.
![](http://upload.wikimedia.org/wikipedia/ka/thumb/a/a4/%E1%83%9A%E1%83%98%E1%83%90_%E1%83%A1%E1%83%A2%E1%83%A3%E1%83%A0%E1%83%A3%E1%83%90_%E1%83%94%E1%83%9A%E1%83%92%E1%83%A3%E1%83%AF%E1%83%90_%E1%83%90%E1%83%9B%E1%83%90%E1%83%A8%E1%83%A3%E1%83%99%E1%83%94%E1%83%9A%E1%83%98_%E1%83%96%E1%83%98%E1%83%9C%E1%83%90_%E1%83%99%E1%83%95%E1%83%94%E1%83%A0%E1%83%94%E1%83%9C%E1%83%A9%E1%83%AE%E1%83%98%E1%83%9A%E1%83%90%E1%83%AB%E1%83%94.png/250px-%E1%83%9A%E1%83%98%E1%83%90_%E1%83%A1%E1%83%A2%E1%83%A3%E1%83%A0%E1%83%A3%E1%83%90_%E1%83%94%E1%83%9A%E1%83%92%E1%83%A3%E1%83%AF%E1%83%90_%E1%83%90%E1%83%9B%E1%83%90%E1%83%A8%E1%83%A3%E1%83%99%E1%83%94%E1%83%9A%E1%83%98_%E1%83%96%E1%83%98%E1%83%9C%E1%83%90_%E1%83%99%E1%83%95%E1%83%94%E1%83%A0%E1%83%94%E1%83%9C%E1%83%A9%E1%83%AE%E1%83%98%E1%83%9A%E1%83%90%E1%83%AB%E1%83%94.png)
იქორწინა პოეტ ლია სტურუაზე, ეყოლა ერთი ქალიშვილი — ეკა ამაშუკელი.
მნიშვნელოვანი ნამუშევრებია: „ქართვლის დედა“ (ხე, 1958; ალუმინი, 1963, თბილისი, შ. რუსთაველის სახელმწიფო პრემია, 1966), ვახტანგ გორგასლის ძეგლი (1959, დაიდგა 1967, ბრინჯაო, თბილისი), დიდების მემორიალი (1965, დაიდგა 1967, ბრინჯაო, ფოთი), რაფიელ ერისთავი (1974, ბრინჯაო, თბილისი), ნიკო ფიროსმანაშვილი (1975, ბრინჯაო, თბილისი), გამარჯვების მემორიალი მალთაყვაში (1979, ბრინჯაო), გამარჯვების მემორიალი გორში (1979, ბრინჯაო, სსრკ სახელმწიფო პრემია, 1986), „დედა ენა“ (ცოდნის ზარი, 1981–83, ბრინჯაო, თბილისი, ი. გოგებაშვილის სახელობის პრემია, 1984), „ვეფხი და მოყმე“ (1985, ბრინჯაო, თბილისი), მემედ აბაშიძე (1998, ბრინჯაო, თბილისი), გიორგი ლეონიძე (2000, ბრინჯაო, თბილისი, მთაწმინდის პანთეონი), ფარნავაზ I (2000, ბრინჯაო, თბილისი), ი. ჭავჭავაძე (1987, ბრიჯაო, ბათუმი), დავით აღმაშენებლის მონუმენტი (1995, ბრინჯაო, ქუთაისი) და სხვ. რელიეფური კომპოზიციები: თბილისის მეტროპოლიტენის სადგურ „რუსთაველის“ პორტალის რელიეფი (1965), რელიეფები თბილისის შემოსასვლელებთან (1957-1958), ბარელიეფი „თბილისის 1500 წელი“ (1958), ქანდაკება „რევოლუცია“ (1966, ბრინჯაო).
აღსანიშნავია მისი ნამუშევრები ფერწერის, გრაფიკის და წიგნის მხატვრობის დარგში. ავტორია წიგნებისა: „წერილები ხელოვნებაზე“ (1984), „მეექვსე გრძნობა“ (1987), „დრო შემოქმედი“ (2000).
მინიჭებული აქვს საქართველოს სსრ დამსახურებული მხატვრის (1965), საქართველოს სახალხო მხატვრის (1984-89) წოდებები, იყო სსრკ მხატვართა კავშირის მდივანი (1984-89). რუსეთის სამხატვრო აკადემიის წევრ-კორესპონდენტი (1988), „საპატიო ნიშნის“, შრომის წითელი დროშის, ხალხთა მეგობრობის ორდენის კავალერი, საბჭოთა კავშირისა და ბულგარეთის სახალხო რესპუბლიკის სახელმწიფო პრემიების ლაურეატი.
დაკრძალულია მწერალთა და საზოგადო მოღვაწეთა დიდუბის პანთეონში.
რესურსები ინტერნეტში
[რედაქტირება | წყაროს რედაქტირება]ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 1, თბ., 1975. — გვ. 350.
- ჩხარტიშვილი ა., ენციკლოპედია „საქართველო“, ტ. 1, თბ., 1997. — გვ. 119.
სქოლიო
[რედაქტირება | წყაროს რედაქტირება]- ↑ ენციკლოპედია საქართველო — ქართული საბჭოთა ენციკლოპედიის მთავარი სამეცნიერო რედაქცია, 1997. — ტ. 1. — გვ. 119.
- ↑ Visuotinė lietuvių enciklopedija
- ↑ საქართველოს ბიოგრაფიული ლექსიკონი — 2001.
- დაბადებული 22 ივნისი
- დაბადებული 1928
- გარდაცვლილი 16 მარტი
- გარდაცვლილი 2002
- შრომის წითელი დროშის ორდენის კავალრები
- საპატიო ნიშნის ორდენის კავალრები
- ხალხთა მეგობრობის ორდენის კავალრები
- სსრკ-ის სახელმწიფო პრემიის ლაურეატები
- საქართველოს მეცნიერებათა ეროვნული აკადემიის წევრ-კორესპონდენტები
- ქართველი მოქანდაკეები
- თბილისის საპატიო მოქალაქეები (1981)
- თბილისის სახელმწიფო სამხატვრო აკადემიის კურსდამთავრებულები
- შოთა რუსთაველის სახელობის პრემიის ლაურეატები
- საქართველოს სსრ-ის დამსახურებული მხატვრები
- საქართველოს სსრ-ის სახალხო მხატვრები
- დიდუბის პანთეონში დაკრძალულები
- იაკობ გოგებაშვილის სახელობის პრემიის ლაურეატები