დელის სასულთნო
დელის სასულთნო — XIII საუკუნეში წარმოქმნილი ინდური მუსულმანური სახელმწიფო. სახელმწიფოს სახელი მისი ცენტრის, დელის მიხედვით დაერქვა. დელის სასულთნო ინდოეთის ისტორიაში პირველი დიდი სახელმწიფო იყო, რომელსაც უცხო, მაჰმადიანური ხელისუფლება მართავდა. მაჰმადიანი დიდებულები თავიანთი პოზიციების განსამტკიცებლად დაპყრობილ ტერიტორიაზე ყველანაირად ხელს უწყობდნენ ისლამის გავრცელებას. ისინი სამხედრო და სამოქალაქო თანამდებობის დასაკავებლად უპირატესობას მუსულმანებს ანიჭებდნენ. გარდა ამისა, უწესებდნენ შეღავათებს გადასახადებში და სხვა.
დელის სასულთნოში ისლამის, როგორც სახელმწიფო რელიგიის განმტკიცებამ, ახალი ტიპის შენობა-ნაგებობების, მეჩეთების, მინარეთების, მავზოლეუმების გაჩენა განაპირობა. ამასთანავე, დაქვეითდა ქანდაკება და ფერწერა, რადგან ისლამი კრძალავს ცოცხალი არსებების გამოსახვას.
XIII საუკუნის ბოლოს და XIV საუკუნის დასაწყისში ინდოეთის დიდი ნაწილი დელის სასულთნოს დაემორჩილა. მაგრამ სასულთნოს გაფართოებას არამყარი ხასიათი ჰქონდა, რადგან დიდებულთა ცალკეულ ჯგუფეფს შორის განუწყვეტელი ბრძოლა მიმდინარეობდა პირველობისათვის.
ლიტერატურა
[რედაქტირება | წყაროს რედაქტირება]- Srivastava, Ashirvadi Lal (1929). The Sultanate Of Delhi 711-1526 A D. Shiva Lal Agarwala & Company.
- Khan, Mohd. Adul Wali (1974). Gold And Silver Coins Of Sultans Of Delhi. Government of Andhra Pradesh.
რესურსები ინტერნეტში
[რედაქტირება | წყაროს რედაქტირება]
- Delhi Sultanate Dynasty დაარქივებული 2020-06-06 საიტზე Wayback Machine.
- List of rulers of Delhi დაარქივებული 2007-06-29 საიტზე Wayback Machine.