საქართველოს თავდაცვის ძალები

საქართველოს თავდაცვის ძალები
საქართველოს თავდაცვის ძალების დროშა
საქართველოს თავდაცვის ძალების გერბი
შეიქმნა	30 აპრილი, 1991
ნაწილები	სახმელეთო ჯარები ავიაციისა და საჰაერო თავდაცვის სარდლობა ეროვნული გვარდია
შტაბი	თბილისი, საქართველო
ხელმძღვანელობა
მთავარსარდალი	სალომე ზურაბიშვილი
თავდაცვის მინისტრი	ირაკლი ჩიქოვანი
შტაბის უფროსი	გიორგი მათიაშვილი
ცოცხალი ძალა
ხელმისაწვდომი სამსახურითვის	მამ. 1 038 736, ასაკი: 15–49
გამოსადეგი სამსახურითვის	მამ. 827 281, ასაკი: 15–49
სამხედრო ასაკი	18 წელი სავალდებულო და ნებაყოფლობითი სამხედრო სამსახურისთვის
აქტიური	37 000
ფინანსები
ბიუჯეტი	₾ 1,3 მილიარდი (2023)
ინდუსტრია
ადგილობრივი მომწოდებლები	თბილავიამშენი, სახელმწიფო სამხედრო სამეცნიერო-ტექნიკური ცენტრი „დელტა“
უცხოელი მომწოდებლები	ნატო  თურქეთი  ისრაელი  აშშ  უკრაინა
ისტორია	საქართველოს სამოქალაქო ომი სამხრეთ ოსეთის ომი (1991–1992) აფხაზეთის ომი (1992-1993) შეტაკებები ცხინვალის რეგიონში (2004) რუსეთ-საქართველოს ომი (2008)
წოდებები	საქართველოს სამხედრო წოდებები

საქართველოს თავდაცვის ძალები
საქართველოს დროშა თავდაცვის ძალების ემბლემა
აღმასრულებელი
თავდაცვის სამინისტრო
შტაბი
თავდაცვის ძალების გენერალური შტაბი
სამხედრო სარდლობები
თავდაცვის ძალების აღმოსავლეთ სარდლობა თავდაცვის ძალების დასავლეთ სარდლობა ავიაციისა და საჰაერო თავდაცვის სარდლობა საქართველოს ეროვნული გვარდია
ფუნქციური საბრძოლო სარდლობები
სპეციალური ოპერაციების ძალები ჯარების ლოჯისტიკური უზრუნველყოფის სარდლობა წვრთნებისა და სამხედრო განათლების სარდლობა თავდაცვის ძალების სამხედრო დაზვერვის დეპარტამენტი სამხედრო პოლიციის დეპარტამენტი
თავდაცვის სამინისტროს დეპარტამენტები და ორგანიზაციები
სია სსიპ კიბერუსაფრთხოების ბიურო სსსტც „დელტა“ გენერალური ინსპექცია სსიპ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი

საქართველოს თავდაცვის ძალები (2019 წლამდე საქართველოს შეიარაღებული ძალები) — საქართველოს სამხედრო ძალების ძირითადი და არასაომარ მდგომარეობაში ერთადერთი სამხედრო ორგანიზაცია, რომლის დანიშნულებაა საქართველოს დამოუკიდებლობის, სუვერენიტეტისა და ტერიტორიული მთლიანობის დაცვა, აგრეთვე საქართველოს მიერ ნაკისრ საერთაშორისო ვალდებულებათა შესრულება. სახელმწიფო მართვის ორგანოა საქართველოს თავდაცვის სამინისტრო, ხოლო ოპერატიული მართვისა — გენერალური შტაბი. საქართველოს თავდაცვის ძალები შედგება სახმელეთო ჯარებისაგან. თავდაცვის ძალების რეზერვს აყალიბებს და ორგანიზაციას უწევს საქართველოს ეროვნული გვარდია.

საქართველოს თავდაცვის ძალების რაოდენობა განისაზღვრება საქართველოს კანონით „საქართველოს სამხედრო ძალების რაოდენობის დამტკიცების შესახებ“. 2010 წლის მონაცემებით ქვეყნის შეიარაღებულ ძალებში ირიცხებოდა 37000-მდე სამხედრო მოსამსახურე. სახმელეთო ჯარები (35000), სამხედრო-საჰაერო ძალები (1300), სამხედრო-საზღვაო ძალები (400). რეზერვში ირიცხებოდა 60000 ადამიანი.

2012 წლისთვის საქართველოს სამხედრო ძალების რაოდენობა (სამხედრო მოსამსახურეთა შტატი) განსაზღვრულია არაუმეტეს 37000 კაცისა.

ხელმძღვანელობა და სტრუქტურა

• თავდაცვის სამინისტრო (სამოქალაქო ოფისი);
  • გენერალური შტაბი:
    • სახმელეთო ჯარები
  • საქართველოს ეროვნული გვარდიის დეპარტამენტი
  • წვრთნებისა და სამხედრო განათლების სარდლობა:
    • ეროვნული სასწავლო ცენტრი „კრწანისი“;
    • ჯავშანსატანკო სასწავლო ცენტრი;
    • სერჟანტთა მომზადების სკოლა;
    • საჩხერის სამთო მომზადების სკოლა;
    • ქუთაისის კადეტთა სამხედრო ლიცეუმი (ნახევრად სამხედრო)
    • სსიპ დავით აღმაშენებლის ეროვნული თავდაცვის აკადემია (გორი)

საქართველოს დემოკრატიული რესპუბლიკის ჯარების მთავარსარდლები

განხორციელებული ოპერაციები 1991 წლიდან

საქართველოს თავდაცვის სამინისტროს შენობა

• გიორგი კვინიტაძე, 26 მაისი, 1918 - 13 დეკემბერი, 1920
• ილია ოდიშელიძე, 13 დეკემბერი, 1920 - 16 თებერვალი, 1921
• გიორგი კვინიტაძე, 16 თებერვალი, 1921 - 17 მარტი, 1921

საქართველოს რესპუბლიკის სამხედრო ძალების მთავარი შტაბის უფროსები (საქართველოს რესპუბლიკის თავდაცვის მინისტრის პირველი მოადგილეები)

• ჯემალ ქუთათელაძე, აგვისტო, 1991 - დეკემბერი, 1991
• ავთანდილ ცქიტიშვილი, იანვარი, 1992 - დეკემბერი, 1993
• გურამ ნიკოლაიშვილი, დეკემბერი, 1993 - ივნისი, 1994
• ნოდარ თათარაშვილი, ივნისი, 1994 - ივნისი, 1996
• ზურაბ მეფარიშვილი, ივნისი, 1996 - მაისი, 1998

საქართველოს შეიარაღებული ძალების გენერალური შტაბის უფროსები

• ჯონი ფირცხალაიშვილი, მაისი, 1998 - 8 სექტემბერი, 2003
• გივი იუკურიძე, თებერვალი, 2004 - 25 აგვისტო, 2004
• ვახტანგ კაპანაძე, 25 აგვისტო, 2004 - 18 თებერვალი, 2005
• ლევან ნიკოლეიშვილი, 18 თებერვალი, 2005 - 2 ნოემბერი, 2006
• ზაზა გოგავა, 2 ნოემბერი, 2006 - 4 ნოემბერი, 2008

საქართველოს შეიარაღებული ძალების გაერთიანებული შტაბის უფროსები

• ვლადიმერ ჩაჩიბაია, 4 ნოემბერი, 2008 - 5 მარტი, 2009
• დევი ჭანკოტაძე, 5 მარტი, 2009 - 8 ოქტომბერი, 2012
• გიორგი კალანდაძე, 8 ოქტომბერი, 2012 - 11 ნოემბერი, 2012
• ვახტანგ კაპანაძე (მოვალეობის შემსრულებელი), 11 ნოემბერი, 2012 - 4 დეკემბერი, 2012
• ირაკლი ძნელაძე, 4 დეკემბერი, 2012 - 22 ნოემბერი, 2013

საქართველოს შეიარაღებული ძალების გენერალური შტაბის უფროსები

• ვახტანგ კაპანაძე (მეორეჯერ), 22 ნოემბერი, 2013 - 22 ნოემბერი, 2016
• ვლადიმერ ჩაჩიბაია, 22 ნოემბერი, 2016 - 20 დეკემბერი, 2018

საქართველოს თავდაცვის ძალების მეთაურები

• ვლადიმერ ჩაჩიბაია, 20 დეკემბერი, 2018 - 1 ივლისი, 2020
• გიორგი მათიაშვილი, 1 ივლისი, 2020 -

რესურსები ინტერნეტში

ვიკისაწყობში არის გვერდი თემაზე:

საქართველოს თავდაცვის ძალები

• საქართველოს თავდაცვის სამინისტრო. ვებ პორტალი. საქართველოს თავდაცვის სამინისტრო (2009).
• ეროვნული უშიშროების საბჭო. ვებ პორტალი (2009).
• სამხედრო კარიერა.