Mexiko
Yuunaitid Stiet dem a Mexiko Estados Unidos Mexicanos | |||
| |||
Himno Nacional Mexicano | |||
![]() | |||
Jinaral Infamieshan | |||
Kiapital: | Mexiko Siti | ||
Ofishal langwij: | Panish | ||
Adminischrieshan | |||
Govament: | |||
• President: | Enrique Peña Nieto | ||
• : | |||
Ieria: | 1 964 375 km² | ||
Papilieshan: | 119 530 753 | ||
Densiti: | 57 | ||
Adaels sitn | |||
Koransi: | |||
Kaalin kuod: | +52 | ||
ISO 3166 kuod: | 484 / MX / MEX | ||
Intanet TLD: | .mx |
Di Yuunaitid Stiet dem a Mexiko A.N.A. Mexiko (Panish: México) a wahn fedaral kanstitushanal ripoblik we de ina Naat Amerika. I av wahn baada wid di Yuunaitid Stiet; pan di soutiis kuos a Guatimaala, Beliiz, an di Kyaribian Sii; an pan di iis bai di Golf a Mexiko. I a di fif laajes kontri ina di Amerika dem bai di tuotal ieria an di 14t laajes indipendant nieshan ina di wol. Mexiko ab 109 milian smadi we liv de an rangk 11t az kontri wid di muos smadi dem. I a wahn fedarieshan we ab 31 stiet dem an wahn Fedaral Distrik, di kyapital, Mexiko Siti.
Ina prii-Colombian Mexiko, uoliip a indijinos kolcha dem di de bout (Olmec, Toltec, Teotihuacan, Maya, and Aztec). Ina 1521 Spien tek di lan we Mexiko de tide, an dida kaal i Nuu Spien, bot Mexiko go an get fi dem indipendans ina 1821. Afta Mexiko indipndans uoliip a ekanamik prablem di gwaan an dem luuz uoliip a fi dem terichri tu.
Mexiko a wahn riijanal powa, di ongli Latn Amerikan nieshan we de paat a di Aaganizieshan fi Ekanamik Koaparieshan an Divelopment, sins 1994, an a wahn migl-inkom konchri. Mexiko a wahn nuuli indostrialaiz nieshan an ab di 11t laajes ikanami ina di wol bai GDP. Mexiko ikanami ab wahn trang lingk wid NAFTA. Oueva, di laaj ingkom distribushan an di uoliip a drog vailens a ishyu kansern.