Քըրք Դուգլաս
 անգլ.՝ Kirk Douglas | |||||||||
|---|---|---|---|---|---|---|---|---|---|
 Քըրք Դուգլաս, 1969 թվական, Cinema Center Films կինոընկերության լուսանկար | |||||||||
| Հասակը | 175 սմ | ||||||||
| Ծնվել է | դեկտեմբերի 9, 1916[1][2][3][…] | ||||||||
| Ծննդավայր | Ամստերդամ, Մոնտգոմերի շրջան, Նյու Յորք, ԱՄՆ | ||||||||
| Մահացել է | փետրվարի 5, 2020[4][5][6][…] (103 տարեկան) | ||||||||
| Մահվան վայր | Բևերլի Հիլզ, Լոս Անջելես շրջան, Կալիֆոռնիա, ԱՄՆ[7][8][9][…] | ||||||||
| Գերեզման | Վեսթվուդի գերեզմանատուն | ||||||||
| Կրթություն | Թատերական արվեստների ամերիկյան ակադեմիա (1941)[10] և Սենտ Լորենս համալսարան | ||||||||
| Քաղաքացիություն |  ԱՄՆ | ||||||||
| Կրոն | պահպանողական հուդայականություն[11] | ||||||||
| Այլ անուն(ներ) | Izzy Demsky | ||||||||
| Մասնագիտություն | կինոպրոդյուսեր, հեռուստատեսային դերասան, կինոդերասան, կինոռեժիսոր, սցենարիստ, հեղինակ, զինվոր, թատրոնի դերասան, դերասան, ռեժիսոր, պրոդյուսեր, բարեգործ, ռազմական գործիչ և գրող | ||||||||
| Ակտիվ շրջան | 1942 - 2004 | ||||||||
| Ժանրեր | Վեստեռն, Դրամա, Մարտական | ||||||||
| Ընտրանի | "Չարերը և գեղեցիկները", "Սպարտակ", "Վիկինգները" | ||||||||
| Ծնողներ | հայր՝ Harry Danielovitch?[12], մայր՝ Bertha Sanglel?[12] | ||||||||
| Ամուսին(ներ) | Դայան Դիլլ (1943–51; բաժանվել են) (2 երեխա) | ||||||||
| Երեխա(ներ) | Մայքլ Դուգլաս (ծն. 1944) | ||||||||
| Պարգևներ և մրցանակներ | |||||||||
| kirkdouglas.com | |||||||||
| |||||||||
Քըրք Դուգլաս (անգլ.՝ Kirk Douglas, այլ թարգմանությամբ՝ Քիրք Դուգլաս, իսկական անուն ազգանունը՝ Իսուր Գերշելևիչ Դանիելևիչ[15], դեկտեմբերի 9, 1916[1][2][3][…], Ամստերդամ, Մոնտգոմերի շրջան, Նյու Յորք, ԱՄՆ - փետրվարի 5, 2020[4][5][6][…], Բևերլի Հիլզ, Լոս Անջելես շրջան, Կալիֆոռնիա, ԱՄՆ[7][8][9][…]), ամերիկացի հանրահայտ դերասան, Հոլիվուդյան լեգենդներից մեկը։
Ճանաչված դերասան Մայքլ Դուգլասի հայրը։
Ամերիկյան կինոակադեմիան իր կողմից հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում նրան ընդգրկել է 17-րդ տեղում, 1996 թվականին նա ստացել է Օսկար մրցանակ կինեմատոգրաֆում ունեցած բացառիկ նվաճումների համար։
Կենսագրություն
[խմբագրել | խմբագրել կոդը]Քըրք Դուգլասը (Իսեր Դանիելովիչ) ծնվել է ԱՄՆ-ի Նյու Յորք նահանգի Ամստերդամ քաղաքում։ Նա ընտանիքի 4-րդ երեխան էր։ Ծնողները հրեա էին և ԱՄՆ էին գաղթել իրենց ամուսնությունից հետո՝ 1908 թվականին Ռուսական կայսրության Չաուսի քաղաքից, ներկայիս Բելառուս[16][17][18], նրանք խոսում էին Իդիշ լեզվով[19][20] : Հայրը՝ Գերշլ Դանիելովիչը և մայրը Բրայնա Սանգլելը ապրում էին աղքատ պայմաններում։ Հայրը առևտրական էր[21], Քըրքը նրանց միակ տղա երեխան էր և ուներ վեց քույր։ Մինչև դերասանի կարիերան սկսելը նա գումար էր վաստակում թերթեր վաճառելով, փոխելով շուրջ քառասուն աշխատանք[22]։ Ծնողները ԱՄՆ-ում բնակվելու ժամանակ փոխեցին անուն ազգանունները՝ Հարրի և Բերտ Դեմսկի[15]։
Երիտասարդ տարիքում զբաղվում է ըմբշամարտով[23], մասնակցում է Երկրորդ համաշխարհային պատերազմին ծառայելով ռազմածովային ուժերում[24]։ 1943 թվականին ամուսնանում է դերասանուհի Դայան Դիլլի հետ, ով ծնունդով Բերմուդյան կղզիներից էր։ Սկսած 1945 թվականից հանդես է գալիս Բրոդվեյում Իզի Դեմսկի կեղծանունով, իսկ նրա համադասարանցի Հոլիվուդյան աստղ Լորեն Բեքոլը օգնում է նրան հասնել Հոլիվուդ։
Դուգլասը ունի սեփական բլոգ Myspace կայքում[25] և 94 տարեկան հասակում ճանաչվել էր աշխարհի ամենատարեց բլոգերը[26]։
1996 թվականին նա լուրջ կաթված տարավ[27][28]։
2014 թ. նոյեմբեր ամսին People ամսագիրը պատահաբար հրապարակել էր դերասան Քըրք Դուգլասի՝ նախօրոք գրված մահախոսականը[29][30]։
Մահացել է 2020 թվականի փետրվարի 5-ին։
Կարիերա
[խմբագրել | խմբագրել կոդը]Դուգլասի համար առաջին աստղային դերը 1949 թվականի «Չեմպիոն» ֆիլմն էր, որտեղ նա խաղում էր բռնցքամարտիկ Միջ Քելլի դերը, որին հաջորդեցին «Չարերը և գեղեցիկները», «Կյանքի ծարավ» ֆիլմը, որտեղ նա մարմնավորում էր հոլանդացի հայտնի նկարիչ Վինսենթ Վան Գոգին, «Վիկինգները», ապա Կուբրիկի «Փառքի արահետներ» և վերջապես իր թերևս ամենաստղային ֆիլմը՝ «Սպարտակը», որից հետո նա հայտնի դարձավ ամբողջ աշխարհում։ Այդ ֆիլմի համար նա հանդես եկավ նաև որպես պրոդյուսեր և ֆիլմի բյուջեն ավելացրեց մոտ 12 միլիոն ԱՄՆ դոլարով, ֆիլմը այդպիսով դարձնելով այդ ժամանակների ամենաթանկ նախագծերից մեկը[31]։
1980-ական թթ. Դուգլասը գրեթե չէր նկարահանվում է զբաղվում էր քաղաքականությամբ և բարեգործական աշխատանքներով։ Գրել է երկու վեպ և հիշողությունների ինքնակենսագրական «Let’s face it: 90 years of living, loving, and learning» գիրքը, որտեղ նկարագրում է իր դերասանական կարիերայի մասին։ Երկար ժամանակ նա ցանկանում էր նկարահանել «Թռիչք կկվի բնի վրայով» ֆիլմը, որի նկարահանման հեղինակային իրավունքը պատկանում էր իրեն։ Վերջիվերջո այն հանձնում է որդուն՝ Մայքլ Դուգլասին։
2011 թվականի փետրվարի 27-ին 94-ամյա Քիրք Դուգլասը մասնակցեց Օսկարի 83-րդ մրցանակաբաշխությանը[32]։
9-ական ֆիլմի պրոդյուսեր և երաժշտության հեղինակ է, 2 ֆիլմի ռեժիսոր։
Ֆիլմագրություն
[խմբագրել | խմբագրել կոդը]Խաղացել է ընդհանուր թվով 90-ից ավելի գեղարվեստական և հեռուստատեսային ֆիլմերում ու սերիալներում։
Առավել նշանավոր ֆիլմերն են՝
| տարի | ֆիլմ | բնօրինակ անվանում | ռեժիսոր | խաղընկերներ |
|---|---|---|---|---|
| 1946 | «Մարթա Այվերսի տարօրինակ սերը» | The Strange Love of Martha Ivers | Լուիս Մայլսթոուն | Բարբարա Սթենվիկ |
| 1947 | «Անցյալից» | Out of the Past | Ժակ Տուրներ | Ռոբերտ Միտչեմ |
| 1949 | «Չեմպիոն» | Champion | Մարկ Ռոբսոն | Արթուր Քենեդի |
| 1949 | «Նամակ երեք կանանց» | A Letter to Three Wives | Ջոզեֆ Լեո Մանկևիչ | Սելեստա Հոլմ |
| 1950 | «Ապակյա գազանանոց» | The Glass Menagerie | Իրվինգ Ռապպեր | Արթուր Քենեդի |
| 1950 | «Շեփորահարը» | Young Man with a Horn | Մայքլ Քյորթիս | Լորեն Բեքոլ |
| 1952 | «Չարերը և գեղեցիկները» | The Bad and the Beautiful | Վինսենթ Մինելլի | Գլորիա Գրեհեմ |
| 1954 | «Ոդիսևսի ճանապարհորդությունները» | Ulisse | Մարիո Բավա Մարիո Կամերինի |
Էնթոնի Քուին |
| 1956 | «Կյանքի ծարավ» | Lust for Life | Վինսենթ Մինելլի | Էնթոնի Քուին |
| 1956 | «Փառքի արահետներ» | Paths Of Glory | Սթենլի Կուբրիկ | |
| 1958 | «Վիկինգները» | The Vikings | Ռիչարդ Ֆլեյշեր | Թոնի Քերթիս Էռնեստ Բորգնայն |
| 1960 | «Սպարտակ» | Spartacus | Սթենլի Կուբրիկ | Ջին Սիմոնս Պիտեր Ուստինով Լոուրենս Օլիվյե Չառլզ Լոուտոն Թոնի Քերթիս |
| 1963 | «Ադրիան Մեսենջերի ցուցակը» | List of Adrian Messenger | Ջոն Հյուսթոն | Բերտ Լանկաստեր Թոնի Քերթիս Ռոբերտ Միտչեմ Ֆրենկ Սինատրա |
| 1967 | «Ռազմական կառքը» | The War Wagon | Բերտ Քենեդի | Ջոն Ուեյն |
| 1969 | «Գործարք» | The Arrangement | Էլիա Կազան | Ֆեյ Դանաուեյ Դեբորա Քեր |
| 1971 | «Վտանգավոր լույս երկրի ծայրին» | The Light at the Edge of the World | Քեվին Բիլինգտոն | Յուլ Բրիններ Ֆերնանդո Ռեյ |
| 1978 | «Ցասում» | The Fury | Բրայան դե Պալմա | Ջոն Կասսավետիս Էմի Իրվինգ |
| 1980 | «Սատուրն 3» | Saturn 3 | Սթենլի Դոունեն | Հարվի Քեյթլ |
| 1986 | «Ուժեղ տղաներ» | Tough Guys | Ջեֆ Քենյու | Բերտ Լանկաստեր Էլի Ուոլլակ |
| 1991 | «Օսկար» | Oscar | Ջեն Լենդիս | Սիլվեստր Ստալոնե Օռնելա Մուտի Չեզզ Պալմինտերի Ջո Դանթե |
| 1994 | «Ագահություն» | Greedy | Ջոնաթան Լինն | Մայքլ Ջեյ Ֆոքս Քիրստեն Դանստ |
| 1999 | «Ադամանդներ» | Diamonds | Ջոն Մելլորի Աշեր | Լորեն Բեքոլ |
| 2003 | «Ընտանեկան արժեքներ» | It Runs in the Family | Ֆրեդ Սկեպիսի | Մայքլ Դուգլաս Միշել Մոնահան |
| 2004 | «Իլյուզիոն» | Illusion | Մայքլ Գուրջիան |
Անձնական կյանք
[խմբագրել | խմբագրել կոդը]Քըրք Դուգլասը երկու անգամ է ամուսնացել։ Առաջին կինը Դայան Բիլլն էր, նրանք ամուսնացել են 1943 թ. նոյեմբերին և ամուսնալուծվել 1951 թ., ունեցել են 2 որդի՝ դերասան Մայքլ Դուգլասը և պրոդյուսեր Ջոել Դուգլասը։
Ամուսնալուծվելուց հետո նա Փարիզում «Կյանքի ծարավ» ֆիլմի նկարահանումների ժամանակ հանդիպում է ծագումով գերմանացի ամերիկյան պրոդյուսեր Էննի Բայդենսի հետ[33]։ Նա աշխատում էր ստուդիայում զբաղվելով ֆիլմերի թարգմանությամբ[34]։ Նրանք ամուսնացան 1954 թ. մայիսի 29-ին, իսկ 2014 թ. Բևեռլի Հիլզում նշեցին իրենց ամուսնության 60 ամյակը[35]։
Էննի Բայդենից նա ունեցել է 2 որդի, պրոդյուսեր Պիտեր Դուգլաս և դերասան Էրիկ Դուգլաս, ով մահացել է 2004 թ. հուլիսի 6-ին թմրանյութի չարաշահումից։
Մրցանակներ
[խմբագրել | խմբագրել կոդը]
1987 թվականի լուսանկար
Ընդհանուր թվով ստացել է 27 տարբեր կինոմրցանակ, ներկայացված է եղել ևս 16-ի, որոնց թվում
- 3 անգամ ներկայացվել է Օսկարի, ստացել 1 պատվավոր Օսկար կինոյում ունեցած ավանդի համար, մրցանակը նրան հանձնել է Սթիվեն Սփիլբերգը[36]
- 3 անգամ ներկայացվել է Ոսկե Գլոբուսի, ստացել 2-ը
- 1 անգամ ներկայացվել է BAFTA-ի
- 3 անգամ ներկայացվել է Էմմիի
- մեկական անգամ ստացել է Սեզար և Բեռլինի կինոփառատոնի մրցանակ
1960 թվականին Հոլիվուդյան փառքի ծառուղում բացվել է նրա աստղը։ Աստղը գողացվել էր այնտեղից, ապա շուտով հայտնաբերվել ոստիկանների կողմից Հոլիվուդի մոտակա քաղաքներից մեկում[37]։
Դուգլասը ստացել է նաև մի շարք երկրների պետական մրցանակներ ու շքանշաններ, մասնավորապես ԱՄՆ-ի, Ֆրանսիայի, Իտալիայի, Գերմանիայի, Պորտուգալիայի և Իսրայելի[34]։
1981 թվականին ԱՄՆ նախագահ Ջիմի Կարտերը նրան շնորհել է Նախագահի Ազատության շքանշան, որը ԱՄՆ ամենաբարձր պետական պարգևներից մեկն է, 1990 թվականին դարձել է Ֆրանսիայի Պատվավոր Լեգեոնի շքանշանակիր։
1994 թվականին Քըրք Դուգլասի կատարողական արվեստում ունեցած հաջողությունների համար նրան շնորհվել է Kennedy Center Honors մրցանակ[38]։ 2002 թ. ԱՄՆ նախագահ Ջորջ Բուշ ավագից ստացել է ԱՄՆ-ի արվեստի շքանշան արվեստի ոլորտում ունեցած ներդրումների համար[34]։
Պատկերասրահ
[խմբագրել | խմբագրել կոդը]-
1939 թվականի լուսանկար -
Վան Գոգի դերում, «Կյանքի ծարավ» ֆիլմում -
նույն ֆիլմի նկարահանումների ժամանակ -
1963 թվականի Բրոդվեյում «Թռիչք կկվի բնի վրայով» ներկայացման մեջ -
1987 թվականի լուսանկար -
2011 թվականի լուսանկար
.jpg)
Գրքեր
[խմբագրել | խմբագրել կոդը]- Wisdom of the Elders. 1986.
- The Ragman's Son. Simon & Schuster, 1988. ISBN 0-671-63717-7.
- Dance With the Devil. Random House, 1990. ISBN 0-394-58237-3.
- The Gift. Warner Books, 1992. ISBN 0-446-51694-5.
- Last Tango in Brooklyn(չաշխատող հղում). Century, 1994. ISBN 0-7126-4852-6.
- The Broken Mirror: A Novella(չաշխատող հղում). Simon & Schuster Books for Young Readers, 1997. ISBN 0-689-81493-3.
- Young Heroes of the Bible. Simon & Schuster Children's Publishing, 1999. ISBN 0-689-81491-7.
- Climbing The Mountain: My Search For Meaning. Simon and Schuster, 2001. ISBN 0-7432-1438-2.
- My Stroke of Luck. HarperCollins, 2003. ISBN 0-06-001404-0.
- Let's Face It: 90 Years of Living, Loving, and Learning. John Wiley & Sons, 2007. ISBN 0-470-08469-3.
- I Am Spartacus!: Making a Film, Breaking the Blacklist. Open Road Media, 2012. ISBN 1453239375.
Ծանոթագրություններ
[խմբագրել | խմբագրել կոդը]- ↑ 1,0 1,1 Encyclopædia Britannica
- ↑ 2,0 2,1 Internet Broadway Database — 2000.
- ↑ 3,0 3,1 Kirk Douglas (գերմ.) — 2005.
- ↑ 4,0 4,1 4,2 Luling T. V. Kirk Douglas, Hollywood Legend, Dead At 103(անգլերեն) — New York City: 2005.
- ↑ 5,0 5,1 5,2 Gran Enciclopèdia Catalana (կատ.) — Grup Enciclopèdia, 1968.
- ↑ 6,0 6,1 6,2 GeneaStar
- ↑ 7,0 7,1 7,2 Kirk Douglas, a Star of Hollywood’s Golden Age, Dies at 103 / J. Kahn — Manhattan: New York Times Company, A. G. Sulzberger, 1851. — ISSN 0362-4331; 1553-8095; 1542-667X
- ↑ 8,0 8,1 8,2 Kirk Douglas, Chiseled Actor From Hollywood’s Golden Age, Has Died — New York, N.Y.: Dow Jones & Co., 1889. — ISSN 0099-9660; 2574-9579; 0193-2241; 1092-0935
- ↑ 9,0 9,1 9,2 Muere Kirk Douglas a los 103 años (իսպ.) // ABC — Sevilla: 1903. — ISSN 1136-0143
- ↑ Notable Past Students — 1884.
- ↑ «Other Celebrity Houses of Worship». seeing-stars.com. Վերցված է 2012 թ․ դեկտեմբերի 4-ին.
- ↑ 12,0 12,1 12,2 12,3 12,4 Pas L. v. Genealogics — 2003.
- ↑ Presidential Medal of Freedom Remarks at the Presentation Ceremony. — 1981.
- ↑ https://walkoffame.com/kirk-douglas/ — Hollywood Walk of Fame.
- ↑ 15,0 15,1 Douglas, Kirk. Let's Face It. John Wiley & Sons, 2007. ISBN 0-470-08469-3.
- ↑ «Kirk Douglas returns to Judaism». Արխիվացված է օրիգինալից 2012 թ․ հունիսի 10-ին. Վերցված է 2014 թ․ դեկտեմբերի 30-ին.
- ↑ Tugend, Tom (2006 թ․ դեկտեմբերի 12). «Lucky number 90». The Jerusalem Post. Արխիվացված է օրիգինալից 2011 թ․ հուլիսի 13-ին. Վերցված է 2006 թ․ դեկտեմբերի 12–ին-ին.
- ↑ «Kirk and Michael Douglas » Land Of Ancestors - Belarus». Վերցված է 2014 թ․ դեկտեմբերի 6-ին.
- ↑ «A Legend Looks Back: A Visit With Kirk Douglas». The Jewish Daily Forward. 2007 թ․ հուլիսի 18. Վերցված է 2014 թ․ դեկտեմբերի 6-ին.
- ↑ Farndale, Nigel (2011 թ․ հուլիսի 23). «Kirk Douglas: in 'pretty good shape' at 94». Telegraph.
- ↑ Kirk Douglas Biography (1916–)
- ↑ Thomas, Tony. The Films of Kirk Douglas. Citadel Press, New York, 1991. ISBN 0-8065-1217-2. p. 12.
- ↑ Thomas, Tony. The Films of Kirk Douglas. Citadel Press, New York, 1991. ISBN 0-8065-1217-2. p. 15.
- ↑ Douglas, Kirk (2007). Let's face it: 90 years of living, loving, and learning. John Wiley and Sons. էջեր 3. ISBN 0-470-08469-3.
- ↑ Nigel Kendall, "World's oldest blogger María Amelia López Soliño dies." Արխիվացված 2011-08-15 Wayback Machine Times Online. մայիս 22, 2009. Accessed մայիս 25, 2009.
- ↑ www.dailymail.co.uk կայք
- ↑ «ABILITY Magazine - Kirk Douglas Issue». Վերցված է 2014 թ․ դեկտեմբերի 6-ին.
- ↑ Кирк Дуглас, Знаете ли вы, что...
- ↑ https://www.1in.am/1493467.html
- ↑ «Արխիվացված պատճենը». Արխիվացված է օրիգինալից 2016 թ․ մարտի 4-ին. Վերցված է 2014 թ․ դեկտեմբերի 30-ին.
- ↑ Thomas, Tony. The Films of Kirk Douglas. Citadel Press, New York, 1991. ISBN 0-8065-1217-2. p. 168.
- ↑ Газета. Ru
- ↑ "Hollywood Legend Kirk Douglas, His Wife Delve Into Their 60-Year Love Affair", CBS Los Angeles, հուլիսի 25, 2014
- ↑ 34,0 34,1 34,2 The Heart Foundation, awards noted for Kirk and Anne Douglas.
- ↑ Douglas, Kirk. "Kirk Douglas looks back at 60 years of marriage", Los Angeles Times, հունիս 20, 2014
- ↑ տեսանյութ։ "Kirk Douglas receiving an Honorary Oscar in 1996"
- ↑ «Грегори Пек (5 апреля 1916 - 12 июня 2003)». Արխիվացված է օրիգինալից 2016 թ․ մարտի 4-ին. Վերցված է 2014 թ․ դեկտեմբերի 30-ին.
- ↑ «List of Kennedy Center Honorees». Kennedy Center for the Performing Arts. Վերցված է 2013 թ․ դեկտեմբերի 1-ին.
Գրականություն
[խմբագրել | խմբագրել կոդը]- Kress, Michael. Rabbis: Observations of 100 Leading and Influential Rabbis of the 21st Century Արխիվացված 2010-09-24 Wayback Machine. Foreword by Kirk Douglas. Universe, 2002. ISBN 978-0-7893-0804-7.
- Joseph McBride. Kirk Douglas. Pyramid Publications, 1976. ISBN 0-515-04084-3.
- Michael Munn. Kirk Douglas(չաշխատող հղում). St. Martin's Press, 1985. ISBN 0-312-45681-6.
- Press, Skip. Michael and Kirk Douglas. Silver Burdett Press, 1995. ISBN 0-382-24941-0.
- Wise, James. Stars in Blue: Movie Actors in America's Sea Services. Annapolis, MD: Naval Institute Press, 1997. ISBN 1557509379. Entry on Kirk Douglas.
- The Ragman's Son. Simon & Schuster, 1988. ISBN 0-671-63717-7.
- Dance With the Devil. Random House, 1990. ISBN 0-394-58237-3.
- The Gift. Warner Books, 1992. ISBN 0-446-51694-5.
- Last Tango in Brooklyn. Century, 1994. ISBN 0-7126-4852-6.
- The Broken Mirror: A Novella. Simon & Schuster Books for Young Readers, 1997. ISBN 0-689-81493-3.
- Young Heroes of the Bible. Simon & Schuster Children's Publishing, 1999. ISBN 0-689-81491-7.
- Climbing The Mountain: My Search For Meaning. Simon and Schuster, 2001. ISBN 0-7432-1438-2.
- My Stroke of Luck. HarperCollins, 2003. ISBN 0-06-001404-0.
- Let's Face It – 90 Years of Living, Loving, and Learning. John Wiley & Sons, 2007. ISBN 0-470-08469-3.
Արտաքին հղումներ
[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Քըրք Դուգլաս» հոդվածին։ |
| ||||||||||||||||
 |
Այս հոդվածն ընտրվել է Հայերեն Վիքիպեդիայի օրվա հոդված: |
- Դեկտեմբերի 9 ծնունդներ
- 1916 ծնունդներ
- Նյու Յորք նահանգում ծնվածներ
- Փետրվարի 5 մահեր
- 2020 մահեր
- Կալիֆոռնիայում մահացածներ
- ԱՄՆ-ում թաղվածներ
- Պատվո լեգեոնի շքանշանի ասպետներ
- Ազատության նախագահական մեդալով պարգևատրվածներ
- «Սեզար» մրցանակի դափնեկիրներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի տղամարդ գրողներ
- 20-րդ դարի ամերիկացի տղամարդ դերասաններ
- 21-րդ դարի ամերիկացի տղամարդ գրողներ
- 21-րդ դարի ամերիկացի տղամարդ դերասաններ
- «Ոսկե գլոբուս» մրցանակի դափնեկիրներ
- ԱՄՆ-ի դեմոկրատական կուսակցության անդամներ
- Ամերիկացի բարերարներ
- Ամերիկացի կինոպրոդյուսերներ
- Ամերիկացի կինոռեժիսորներ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Հոլիվուդյան դերասաններ
- Հոլիվուդյան փառքի ծառուղի
- Օսկարակիրներ