Հայաստանի խորհրդարանական ընտրություններ (2018)
Հայաստանի խորհրդարանական ընտրություններ (2018) | ||||
---|---|---|---|---|
![]() | ||||
դեկտեմբերի 9, 2018 | ||||
![]() |
||||
| ||||
Տեսակ | Հայաստանի խորհրդարանական ընտրություն և արտահերթ ընտրություններ | |||
| ||||
Պաշտոն | Հայաստանի Ազգային ժողովի պատգամավոր | |||
| ||||
Թեկնածուներ | «Իմ քայլը» դաշինք, Բարգավաճ Հայաստան, Լուսավոր Հայաստան, Հայաստանի Հանրապետական կուսակցություն, ՀՅԴ, «Մենք» դաշինք, Սասնա ծռեր կուսակցություն, Օրինաց երկիր, ՔՈ, Քրիստոնեա-դեմոկրատական վերածնունդ կուսակցություն և Ազգային առաջընթաց կուսակցություն | |||
| ||||
Հաղթող | «Իմ քայլը» դաշինք, Բարգավաճ Հայաստան, Լուսավոր Հայաստան, Հայաստանի Հանրապետական կուսակցություն, ՀՅԴ և «Մենք» դաշինք | |||
| ||||
Նախորդ | 2017 | |||
| ||||
Հաջորդ | 2021 |
![](http://upload.wikimedia.org/wikipedia/commons/thumb/6/6f/Armenian_National_Assembly_2018.svg/350px-Armenian_National_Assembly_2018.svg.png)
Իմ քայլը դաշինք (88)
Բարգավաճ Հայաստան (26)
Լուսավոր Հայաստան (18)
Հայաստանի Ազգային ժողովի արտահերթ ընտրություններ, Հայաստանի Ազգային ժողովի 7-րդ գումարման արտահերթ ընտրություններ, որը կայացել է 2018 թվականի դեկտեմբերի 9-ին[1][2]։ Արտահերթ ընտրությունների գաղափարն առաջացել էր Թավշյա հեղափոխության ընթացքում[3][4], իսկ այն իրավականորեն հաստատվեց, երբ Նիկոլ Փաշինյանը հրաժարական տվեց Հայաստանի վարչապետի պաշտոնից և քաղաքական պայմանավորվածության արդյունքում Ազգային Ժողովը երկու անգամ չընտրեց նոր վարչապետ։
Սա Թավշյա հեղափոխությունից հետո առաջին համապետական ընտրությունն է Հայաստանում։
2018 թվականի դեկտեմբերի 8-ի տվյալներով ընտրելու իրավունք ունեին 2.573.779 քաղաքացիներ[5]։
Մասնակից կուսակցություններ և դաշինքներ
[խմբագրել | խմբագրել կոդը]Կուսակցությունները և դաշինքները ընտրություններին մասնակցության համար պետք է իրենց փաստաթղթերը ԿԸՀ ներկայացնեին մինչև նոյեմբերի 14-ը, երեկոյան 6։00-ն[6][7]։ ԿԸՀ-ն նոյեմբերի 14-ին 11 քաղաքական սուբյեկտից ստացել է առաջադրման փաստաթղթեր։
Դաշինքներ
[խմբագրել | խմբագրել կոդը]Ստորև ներկայացված է ընտրություններին մասնակցող դաշինքների անվանումներն ու կարգախոսները
- Իմ քայլը դաշինք․ «Երջանիկ անհատ, հոգատար հանրություն, հզոր պետություն»,
- «Մենք» դաշինք․ «Առաջինը Հայաստանն է»։
Կուսակցություններ
[խմբագրել | խմբագրել կոդը]Ստորև ներկայացված է ընտրություններին մասնակցող կուսակցությունների անվանումներն ու կարգախոսները.
- Ազգային առաջընթաց կուսակցություն․ «Երկիրը կառուցելու ժամանակն է, ազգային առաջընթաց»[8],
- Բարգավաճ Հայաստան կուսակցություն․ «Մեր խոսքը գործ է» և «Հավատա, վստահիր, պահանջիր»[9],
- Լուսավոր Հայաստան կուսակցություն․ «Լուսավորիր Հայաստանը»,
- Հայ Յեղափոխական Դաշնակցություն կուսակցություն․ «Հավատարիմ հողին ու հային»,
- Հայաստանի հանրապետական կուսակցություն․ «Եթե մտահոգ ես, ընտրիր Հանրապետականին»,
- Սասնա Ծռեր համահայկական կուսակցություն․ «Ժամանակն է»,
- «Քաղաքացու որոշում» սոցիալ-դեմոկրատական կուսակցություն․ «Ապագան ՔՈնն է»,
- «Քրիստոնե-ժողովրդական վերածնունդ» կուսակցություն․ «Այլընտրանք այո, ընդդիմություն՝ ոչ»[10],
- Օրինաց երկիր կուսակցություն. «Օրինականություն, արդարություն և ապահովություն»[11][12]։
Ընտրական թերթիկի համարը | Անվանումը | Կազմում | Համապետական ցանկը գլխավորող | Մանդատների քանակը նախորդ,
6-րդ գումարման ԱԺ-ում |
Եվրոպական կուսակցության անդամություն |
---|---|---|---|---|---|
1 | Հայաստանի հանրապետական կուսակցություն | Վիգեն Սարգսյան | 50 | Եվրոպական ժողովրդական կուսակցության | |
2 | «Քաղաքացու որոշում» սոցիալ-դեմոկրատական կուսակցություն | Սուրեն Սահակյան | 0 | ||
3 | Հայ Յեղափոխական Դաշնակցութիւն | Արմեն Ռուստամյան | 7 | Եվրոպական սոցիալիստների կուսակցության | |
4 | «Իմ քայլը» դաշինք | Նիկոլ Փաշինյան | 8 | ||
5 | Լուսավոր Հայաստան կուսակցություն | Էդմոն Մարուքյան | 2 | Եվրոպայի ազատականների և ժողովրդավարների դաշինք | |
6 | «Քրիստոնե-ժողովրդական վերածնունդ» կուսակցություն | Լևոն Շիրինյան | 0 | ||
7 | Ազգային առաջընթաց կուսակցություն | Լուսինե Հարոյան | 0 | ||
8 | «Մենք» դաշինք | Արամ Սարգսյան | 1 | ||
9 | Օրինաց երկիր | Արթուր Բաղդասարյան | 0 | Եվրոպական ժողովրդական կուսակցության | |
10 | Սասնա Ծռեր համահայկական կուսակցություն | Վարուժան Ավետիսյան | 0 | ||
11 | «Բարգավաճ Հայաստան» կուսակցություն | Գագիկ Ծառուկյան | 30 | Եվրոպայի պահպանողականների և ռեֆորմիստների դաշինք |
Արդյունքներ
[խմբագրել | խմբագրել կոդը]Կուսակցություն / Դաշինք | Քվե | % | Մանդատ | ԱՓՆ1 | Ընդհանուր Մանդատ | +/- | ԱԺ-ում (%) | ||
---|---|---|---|---|---|---|---|---|---|
1. | Իմ քայլը դաշինք | 884 864 | 70,42 % | 84 | 4* | 88 | ![]() |
66,66 % | |
2. | ԲՀԿ | 103 801 | 8,26 % | 26 | 0 | 26 | ![]() |
19,69 % | |
3. | Լուսավոր Հայաստան | 80 047 | 6,37 % | 18 | 0 | 18 | ![]() |
13,63 % | |
4. | ՀՀԿ | 59 083 | 4,70 % | - | - | - | ![]() |
- | |
5. | ՀՅԴ | 48 816 | 3,88 % | - | - | - | ![]() |
- | |
6. | «Մենք» դաշինք | 25 176 | 2,00 % | - | - | - | ![]() |
- | |
7. | Սասնա Ծռեր | 22 868 | 1,82 % | - | - | - | ![]() |
- | |
8. | Օրինաց երկիր | 12 393 | 0,99 % | - | - | - | ![]() |
- | |
9. | ՔՈ ՍԴԿ | 8514 | 0,68 % | - | - | - | ![]() |
- | |
10. | «Քրիստոնե-ժողովրդական վերածնունդ» | 6458 | 0,51 % | - | - | - | ![]() |
- | |
11. | «Ազգային առաջընթաց» կուսակցություն | 4121 | 0,33 % | - | - | - | ![]() |
- | |
Անվավեր | 5111 | 0 % | |||||||
Գրանցված ընտրողներ / մասնակցությունը | 2 573 779 / 1 261 105 | 48,63 % | |||||||
Ընդհանուր | 100% | ||||||||
Աղբյուրը՝ ԿԸՀ կայք | Մշակված տեղամասերի քանակը՝ 2010 |
1 Ազգային փոքրամասնությունների ներկայացուցիչներն ըստ խմբակցության
* եզդի, ասորի, քուրդ, ռուս
Ընտրակարգ
[խմբագրել | խմբագրել կոդը]Ընտրություններով Ազգային ժողովը կձևավորվի միայն համամասնական ընտրական համակարգով, որը բաղկացած է երկու աստիճանից։ Թեկնածուները ընտրություններին կարող են մասնակցել միայն կուսակցությունների կամ կուսակցությունների դաշինքների համապետական կամ տարածքային ցուցակում ընդգրկվելով[13]։ Ընտրությունների համար Հայաստանը բաժանվել է 13 ընտրատարածքի[14]։ Յուրաքանչյուր ընտրատարածքում կուսակցությունից կարող է առաջադրվել 1 թեկնածու յուրաքանչյուր 15 հազար ընտրողի չափաբաժնով, սակայն նվազագույնը պետք է ունենալ 5 թեկնածու[15]։ Պատգամավորի թեկնածուն պետք է լինի նվազագույնը 25 տարեկան, վերջին 4 տարում ունենա միայն Հայաստանի քաղաքացիություն և մշտապես ապրած լինի Հայաստանում, ունենա ընտրական իրավունք և տիրապետի հայերենին։ Հայաստանի Սահմանադրության համաձայն, Ազգային ժողովն ընտրվում է 5 տարի ժամկետով և պետք է ունենա առնվազն 101 պատգամավոր[16]։
Մանդատների բաշխման կարգ
[խմբագրել | խմբագրել կոդը]Մանդատները բաշխվում են համամասնորեն բոլոր քաղաքական ուժերի մեջ, որոնք հաղթահարել են նվազագույն ձայների պատնեշը (5% կուսակցությունների համար և 7% կուսակցությունների դաշինքների համար)։ Քաղաքական ուժերի հասանելիք պատգամավորական մանդատների առաջին կեսը ստանում են ռեյտինգային թեկնածուները՝ ըստ D'Hondt -ի մեթոդի, իսկ երկրորդ կեսը ստանում են համապետական ցուցակի ամենաբարձր հորիզոնականներում գտնվող թեկնածուները։
Ազգային փոքրամասնությունների մանդատները բաշխվում է D'Hondt -ի մեթոդով։
Մանդատների բաշխման կարգը ներառում է լրացուցիչ անդամի ընտրակարգ։
Նախորդող իրադարձություններ
[խմբագրել | խմբագրել կոդը]Հայաստանի 7-րդ գումարման Ազգային ժողովի հերթական ընտրությունները պետք է լիներ 2022 թվականին, սակայն Թավշյա հեղափոխությունից հետո արտահերթ ընտրությունների հասարակական պահանջ առաջացավ[17][18]։ 2018 թվականի հունիսի 7-ին Ազգային ժողովն ընդունեց Նիկոլ Փաշինյանի կառավարության ծրագիրը, որի ծրագրային գլխավոր դրույթներից էր մեկ տարվա ընթացքում կազմակերպել և անց կացնել Ազգային ժողովի արտահերթ ընտրություններ[19][20]։
Եթե պաշտոնավարման առաջին օրերին Նիկոլ Փաշինյանը խոսում էր հաջորդ տարվա մայիս-հունիսին ընտրություններ անցկացնելու մասին, ապա երևանի քաղաքապետի ընտրությունից հետո այդ ժամկետը կրճատվեց՝ դառնալով 2018 թվականի դեկտեմբեր։
Հոկտեմբերի 2-ին Նիկոլ Փաշինյանի գլխավորությամբ բողոքի զանգվածային ցույցեր են տեղի ունեցել ՀՀ ԱԺ ցրման պահանջով։
Դեկտեմբերին ընտրություններ անցկացնելուն նպատակով Նիկոլ Փաշինյանը համաձայնագիր է ստորագրել Ծառուկյան դաշինքի առաջնորդ Գագիկ Ծառուկյանի հետ[21]։ Այդ ծրագրին աջակցելու հայտարարություն են ստորագրել նաև թվով 14 նախկին և ներկա ՀՀԿ պատգամավորներ։
Վարչապետ Նիկոլ Փաշինյանի հրաժարական
[խմբագրել | խմբագրել կոդը]Նիկոլ Փաշինյանը վարչապետի պաշտոնից հրաժարական է տվել հոկտեմբերի 16-ին[22]։ Խորհրդարանի ինքնալուծարման ֆորմալ ընթացակարգը պահպանելու համար անհրաժեշտ էր, որպեսզի լիներ վարչապետություն ընտրություն և թեկնածուն չընտրվեր։ «Ելք» դաշինքը հոկտեմբերի 23-ին վարչապետի թեկնածու էր առաջադրել վարչապետի պաշտոնակատար Նիկոլ Փաշինյանին[23], որն էլ հոկտեմբերի 24-ի հատուկ նիստում չընտրվեց ՀՀ վարչապետ[24]։ Նոյեմբերի 1-ին Ազգային Ժողովը երկրորդ անգամ չընտրեց Նիկոլ Փաշինյանին Հայաստանի վարչապետի պաշտոնում և Ազգային Ժողովն արձակվեց իրավունքի ուժով[25]։
Քարոզարշավ
[խմբագրել | խմբագրել կոդը]Քարոզարշավը պաշտոնապես մեկնարկել է նոյեմբերի 26-ին և տևել 12 օր։
Քարոզարշավն աչքի է ընկել հեռուստատեսային բանավեճերի քանակով և ձևաչափով։ Դեկտեմբերի 5-ին Հայաստանի Հանրային Հեռուստաընկերության եթերում կայացել է քաղաքական 11 ուժերի առաջին համարների մասնակցությամբ բանավեճ։
Հարցումներ
[խմբագրել | խմբագրել կոդը]Ընկերություն | Ամսաթիվ | «Իմ քայլը» դաշինք (Քաղաքացիական պայմանագիր) |
Լուսավոր Հայաստան | «Ելք» դաշինք | ՀՀԿ | ԲՀԿ | ՀՅԴ | Սասնա Ծռեր | Ժառանգություն |
---|---|---|---|---|---|---|---|---|---|
Գելափ ինթերնեյշնլ[26] | Դեկտեմբերի 1–4, 2018 | 3.8 | — | 1.3 | 5.7 | 1.2 | 1.4 | — | |
Գելափ ինթերնեյշնլ[27] | Նոյեմբերի 17–21, 2018 | 1.2 | — | 1.5 | 6.7 | 1 | 0.9 | — | |
IRI[28] | Հոկտեմբերի 9–29, 2018 | 10 | — | 2 | 9 | 2 | 3 | <1 | |
IRI[29] | Հուլիսի 23 – Օգոստոսի 15, 2018 | Ելքի հետ միասին | 4 | 13 | 2 | — | 1 | ||
Գելափ ինթերնեյշնլ[30] | Մայիսի 4–9, 2018 | Ելքի հետ միասին | 3.8 | 3.2 | 1.9 | — | 0.4 |
Արձագանքներ
[խմբագրել | խմբագրել կոդը]Գերմանիա - Կանցնել Անգելա Մերկելը Նիկոլ Փաշինյանին շնորհավորել է հաղթանակի կապակցությամբ՝ հայտնելով, որ Գերմանիայի Դաշնային Հանրապետությունը մեծ հետաքրքրությամբ հետևել է այս տարի Հայաստանի Հանրապետությունում տեղի ունեցած խաղաղ իշխանափոխությանը[31]։
Կանադա - Վարչապետ Ջասթին Թրյուդոն շնորհավորել է Նիկոլ Փաշինյանին Հայաստանում բարձր մակարդակի ընտրություններ անցկացնելու կապակցությամբ և հավելել, որ դա կարևոր է ոչ միայն Հայաստանի, այլև ողջ տարածաշրջանի ու ընդհանրապես աշխարհի համար[32]։
Ֆրանսիա - Նախագահ Էմանուել Մակրոնը Նիկոլ Փաշինյանին հղած շնորհավորական ուղերձում բարձր է գնահատել հայ ժողովրդի նվիրվածությունը ժողովրդավարական արժեքներին և օրենքի գերակայությանը՝ մաղթելով հաջողություն վարչապետի լիազորությունների կատարման գործում[33]։
Լիբանան - Վարչապետ Սաատ Հարիրին Նիկոլ Փաշինյանի հետ հեռախոսազրույցում շնորհավորել է ընտրություններում տարած հաղթանակի կապակցությամբ։
ՀԱՊԿ - գլխավոր քարտուղարի պաշտոնակատար Վալերի Սեմերիկովը շնորհավորել է Նիկոլ Փաշինյանին՝ միաժամանակ համոզմունք հայտնելով, որ Հայաստանի կառավարությունը կշարունակի ակտիվ աշխատանքը Հավաքական անվտանգության պայմանագրի կազմակերպության համակողմանի ամրապնդմանն աջակցելու, ՀԱՊԿ անդամ պետությունների միջև իրական դաշնակցային հարաբերությունները պահպանելու ուղղությամբ[34]։
Վրաստան - Վարչապետ Մամուկա Բախտաձեն հեռախոսազրույցում շնորհավորել է Նիկոլ Փաշինյանին՝ հաջողություն մաղթելով նրան և Հայաստանի կառավարությանը հետագա գործունեության մեջ և Հայաստանի տնտեսական զարգացմանը միտված ծրագրերի իրականացման գործում[35]։
Արցախ - նախագահ Բակո Սահակյանը Արցախի Հանրապետության ժողովրդի, իշխանությունների և անձամբ իր անունից շնորհավորել է Նիկոլ Փաշինյանին Հայաստանի Հանրապետության Ազգային ժողովի արտահերթ ընտրություններում տարած համոզիչ հաղթանակի կապակցությամբ[36]։
Եվրամիություն - ԵՄ ընդլայնման և հարևանության հարցերով հանձնակատար Յոհաննես Հանը թվիթերյան միկրոբլոգում շնորհավորական խոսքեր է ուղղել Նիկոլ Փաշինյանին՝ արտահերթ խորհրդարանական ընտրություններում գրանցած հաղթանակի կապակցությամբ[37]։
Ծանոթագրություններ
[խմբագրել | խմբագրել կոդը]- ↑ «Արմեն Սարգսյանը հրամանագիր է ստորագրել արտահերթ ընտրություն նշանակելու մասին».(չաշխատող հղում)
- ↑ «2018 թվականի դեկտեմբերին տեղի են ունենալու արտահերթ խորհրդարանական ընտրություններ. Նիկոլ Փաշինյան». 02/10/2018.
{{cite web}}
:|first=
missing|last=
(օգնություն) - ↑ «Սահմանադրական փակուղի կամ ինչպես են հնարավոր արտահերթ ընտրությունները».(չաշխատող հղում)
- ↑ «Վարչապետի պաշտոնից հրաժարական, ԱԺ արտահերթ ընտրություններ. Փաշինյանն իր ծրագիրն է ներկայացրել».
- ↑ «ՀՀ ընտրողների ռեգիստրում ընդգրկված ընտրողների ընդհանուր թիվը՝ 08.12.2018թ. դրությամբ».
- ↑ «ԿԸՀ–ը հաստատեց ԱԺ ընտրությունների ժամանակացույցը. քարոզարշավը կմեկնարկի նոյեմբերի 26-ին, կտևի 12 օր». news.am. Վերցված է 2018 թ․ նոյեմբերի 6-ին.
- ↑ res.elections.am (PDF) http://res.elections.am/images/doc/timetable09.12.18_en.pdf. Վերցված է 2018 թ․ դեկտեմբերի 13-ին.
{{cite web}}
: Missing or empty|title=
(օգնություն) - ↑ «Ազգային առաջընթաց կուսակցությունը ներկայացրել է համամասնական ցուցակի առաջին տասնյակը». Armtimes.com. Վերցված է 2018 թ․ դեկտեմբերի 13-ին.
- ↑ «Հայտնի է ԲՀԿ–ի նախընտրական կարգախոսը. Նաիրա Զոհրաբյանն առանձին կարգախոս ունի».
- ↑ ««Այլընտրանք՝ այո, ընդդիմություն՝ ոչ». հայտնի է Շիրինյանի կուսակցության առաջին եռյակը».
- ↑ «Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ». 14 Նոյեմբեր, 2018.
- ↑ LLC, ZOOM GRAPHICS. «Քաղաքական բոլոր ուժերի կարգախոսները դեռ հայտնի չեն». www.armradio.am (անգլերեն). Վերցված է 2018 թ․ դեկտեմբերի 13-ին.
- ↑ «DocumentView». www.arlis.am. Վերցված է 2018 թ․ հունվարի 25-ին.
- ↑ res.elections.am (PDF) http://res.elections.am/images/doc/police.02.04.17.pdf. Վերցված է 2018 թ․ դեկտեմբերի 13-ին.
{{cite web}}
: Missing or empty|title=
(օգնություն) - ↑ Ընտրատարածքներում կուսակցությունների, կուսակցությունների դաշինքների տարածքային ընտրական ցուցակում ընդգրկվող թռկնածուների առավելագույն թիվը սահմանեու մասին օրենք
- ↑ www.parliament.am (PDF) http://www.parliament.am/law_docs5/Sahmanadrutyun_06.12.2015.pdf. Վերցված է 2018 թ․ դեկտեմբերի 13-ին.
{{cite web}}
: Missing or empty|title=
(օգնություն) - ↑ «Փորձագետներ․ Հնարավորինս արագ պետք է անցկացնել արտահերթ խորհրդարանական ընտրություններ». 2018 թ․ մայիսի 7.
- ↑ «Արտահերթ խորհրդարանական ընտրությունների անցկացումն օրվա հրամայականն է և մեր հասարակության գերակշիռ մասի իրավացի պահանջը. Ազատ դեմոկրատներ կուսակցություն».
- ↑ «Ազգային ժողովն ընդունեց կառավարության ծրագիրը».
- ↑ Ազգային ժողովը հաստատեց կառավարության ծրագիրը
- ↑ «Ըստ համաձայնագրի, դեկտեմբերին Ն. Փաշինյանից բացի այլ թեկնածուի ԲՀԿ-ն չի սատարի, թեկնածու չի առաջադրի».
- ↑ «Նիկոլ Փաշինյանը հրաժարական տվեց».
- ↑ ««Ելք»-ը Նիկոլ Փաշինյանին առաջադրեց վարչապետի թեկնածու».
- ↑ «Նիկոլ Փաշինյանը չընտրվեց ՀՀ վարչապետ». News.am. 15:50, 24.10.2018.
- ↑ ««Ազգային ժողովը արձակված է իրավունքի ուժով։ Շնորհավորում եմ». Նիկոլ Փաշինյան».
- ↑ «69.4% of voters say will vote in favor of My Step alliance during upcoming elections – GALLUP poll». armenpress.am (անգլերեն). Վերցված է 2018 թ․ դեկտեմբերի 13-ին.
- ↑ «Հարցվածների 68,3%-ը պատրաստ է քվեարկել «Իմ քայլը» դաշինքի օգտին». mediamax.am (անգլերեն). Վերցված է 2018 թ․ դեկտեմբերի 13-ին.
- ↑ www.iri.org (PDF) https://www.iri.org/sites/default/files/2018.11.23_armenia_poll.pdf. Վերցված է 2018 թ․ դեկտեմբերի 13-ին.
{{cite web}}
: Missing or empty|title=
(օգնություն) - ↑ www.iri.org (PDF) https://www.iri.org/sites/default/files/2018.10.9_armenia_poll_presentation.pdf. Վերցված է 2018 թ․ դեկտեմբերի 13-ին.
{{cite web}}
: Missing or empty|title=
(օգնություն) - ↑ «Pashinyan's Yelk would get 75% of votes if snap elections were held next Sunday, poll says». ARKA News Agency. Վերցված է 2018 թ․ դեկտեմբերի 13-ին.
- ↑ «Անգելա Մերկելը շնորհավորել է Նիկոլ Փաշինյանին».
- ↑ «Կանադայի վարչապետը շնորհավորել է Նիկոլ Փաշինյանիննբարձր մակարդակի ընտրություններ անցկացնելու կապակցությամբ».
- ↑ Էմանյուել Մակրոնը շնորհավորական ուղերձ է հղել Նիկոլ Փաշինյանին
- ↑ «Նիկոլ Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վալերի Սեմերիկովը».
- ↑ «Վրաստանի կառավարության ղեկավարը շնորհավորել է Նիկոլ Փաշինյանին». Արխիվացված է օրիգինալից 2018 թ․ դեկտեմբերի 13-ին. Վերցված է 2018 թ․ դեկտեմբերի 13-ին.
- ↑ «Բակո Սահակյանը շնորհավորել է Նիկոլ Փաշինյանին». Արխիվացված է օրիգինալից 2018 թ․ դեկտեմբերի 13-ին. Վերցված է 2018 թ․ դեկտեմբերի 13-ին.
- ↑ «Յոհաննես Հանը շնորհավորել է Նիկոլ Փաշինյանին՝ հաղթանակի կապակցությամբ».
Արտաքին հղումներ
[խմբագրել | խմբագրել կոդը]
|