Իզաբել Բայրաքդարյան

Իզաբել Բայրաքդարյան
Հիմնական տվյալներ
Ծնվել է	փետրվարի 1, 1974 (50 տարեկան); Զահլե, Լիբանան
Երկիր	Կանադա
Ժանրեր	օպերա
Մասնագիտություն	օպերային երգչուհի (սոպրանո)
Երգչաձայն	սոպրանո
Գործիքներ	վոկալ
Լեյբլ	CBC Records; Nonesuch Records; Sony Classical Records
Կրթություն	Տորոնտոյի համալսարան, Թագավորական երաժշտական ակադեմիա և Senator O'Connor College School?
Ամուսին	Սերուժ Քրաջյան
Պարգևներ	Virginia Parker Prize? և Metropolitan Opera National Council Auditions?
Կայք	bayrakdarian.com
	Isabel Bayrakdarian Վիքիպահեստում

Իզաբել Բայրաքդարյան (Իզապէլ Պայրագտարեան, փետրվարի 1, 1974(1974-02-01), Զահլե, Լիբանան^[1]), կանադահայ օպերային երգչուհի (սոպրանո)։ Առաջադրվել է «Գրեմմի» մրցանակի։

2002 թվականին ձայնագրվել է կանադահայ ռեժիսոր Ատոմ Էգոյանի «Արարատ» ֆիլմի համար՝ կատարելով Կոմիտասի ստեղծագործություններից։

Կենսագրություն

Իզաբել Բայրաքդարյանը ծնվել է Լիբանանի Զահլե քաղաքում։ Հանդես է եկել Լիբանանի հայկական եկեղեցական համույթում, այնուհետև տեղափոխվել է Կանադա, շարունակել է երգել Տորոնտոյի հայկական եկեղեցական համույթում։ 1997 թվականին ավարտել է Տորոնտոյի համալսարանը։ Հանդես է եկել աշխարհի տարբեր բեմերում, արժանացել բազմաթիվ բարձրագույն պարգևների և մրցանակների՝ Դոմինգոյի վոկալիստների մրցույթի առաջին մրցանակի, Մեծ Բրիտանիայի թագուհի Եղիսաբեթ 2-րդի ոսկե մեդալի և այլն։

Բայրաքդարյաի ձայնասկավառակը Կանադայում ճանաչվել է լավագույնը։ Հանդիսանում է Նյու Յորքի «Մետրոպոլիտեն» օպերային թատրոնի մեներգչուհի, համագործակցում է աշխարհի լավագույն ֆիլհարմոնիկ նվագախմբերի հետ։ Ելույթներով հանդես է եկել Պլասիդո Դոմինգոյի, Յո-Յո Մայի, Փինչաս Զուկերմանի հետ։

2002 թվականին ձայնագրվել է կանադահայ ռեժիսոր Ատոմ Էգոյանի «Արարատ» ֆիլմի համար՝ կատարելով Կոմիտասի ստեղծագործություններից։ Նրա ձայնը հնչում է նաև «Մատանիների տիրակալը» ֆիլմում։

Հայաստան կատարած այցելությունների ժամանակ հանդես է եկել Հայաստանի պետական ֆիլհարմոնիկ նվագախմբի հետ^[2]։

Մրցանակներ

2009 թ. առաջադրվել է «Գրեմմի» մրցանակի՝ լավագույն վոկալ կատարման համար։
Կանադայի արվեստի խորհրդի մրցանակ
«Մետրոպոլիտեն» օպերայի ազգային խորհրդի մրցանակ, 1997
Պլասիդո Դոմինգոյի մրցույթի 1-ին մրցանակ
Ելիզավետա թագուհու կողմից՝ ոսկե մեդալ, 2000
Juno-ի 4 մրցանակ

Ընտանիք

2004 թվականին ամուսնացել է դաշնակահար Սերուժ Կրաջիանի հետ։ Ունեն երկու երեխա՝ որդին՝ Արի և դուստրը՝ Լեան։

Ֆիլմեր

Օպերային գիշեր Քյոլնում (2005)
Հենդել. Քսերքսես (2005)
«Երկար ճանապարհ դեպի տուն» (2005)
Մոցարտ. Դոն Ժուան, ուղիղ հեռարձակում Զալցբուրգից (2006)
Great Performances at the Met: Կախարդական սրինգ (2007)
Օպերա աստղերի տակ (2007)

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Իզաբել Բայրաքդարյան» հոդվածին։

[_9229f969ee8d3207-1] 1,0 ^1,1 ^1,2 Carnegie Hall linked open data — 2017.

[2] Իզաբել Բայրաքդարյանի կենսագրությունը zarkfoundation.com կայքում

[1]

[2]