Եռապատում

Եռապատում, եռերգություն (հուն․՝ τριλογία - տրիլոգիա, ֆր.՝ trilogia), նույն հեղինակի երեք ստեղծագործությունները, որոնք գաղափարական բովանդակության և գեղարվեստական մտահղացման առումով կազմում են մի ամբողջություն, թեև առանձին-առանձին ավարտուն գործեր են։ Դրանք սովորաբար ունենում են թեմատիկ-գաղափարական ընդհանրություններ, իսկ կերպարները անցնում են մի երկից մյուսը։ Նման եռապատումներ են՝

• Մ․ Գորկու «Մանկություն», «Ծառայության մեջ», «Իմ համալսարանները» ինքնակենսագրական վիպակները,
• Ս․ Զորյանի «Հայոց բերդ», «Պապ թագավոր», «Վարազդատ» պատմավեպերը 4-րդ դարի Հայաստանի մասին։
• Գուրգեն Մահարու «Մանկություն», «Պատանեկություն», «Երիտասարդության սեմին»,
• Ալեքսանդր Դյումայի «Երեք հրացանակիրներ», «Քսան տարի անց», «Վիկոնտ դը Բրաժելոն, կամ Տասը տարի անց»,
• Լև Տոլստոյի «Մանկություն», «Պատանեկություն», «Երիտասարդություն»,
• Պիեռ Բոմարշեի «Սևիլյան սափրիչ», «Ֆիգարոյի ամուսնությունը», «Մեղավոր մայրը» և այլն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 520)։