Trilogia

Un trilogia es un gruppo de tres obras distintes que es conectate e que pote esser considerate tanto como un singule obra o como tres obras individual. On los trova frequentemente in le litteratura, le cinema e le jocos electronic. Il ha tamben opere de tres partes considerate como componentes de un obra plus grande, como le triptycho o le sonata a tres movimentos, ma iste non es frequentemente nominate con le termino "trilogia".

Le majoritate del trilogias es obras de fiction que involge le mesme personas o scenario, como le Trilogia de Deptford de romanios per Robertson Davies, le Trilogia de Apu de filmes per Satyajit Ray, le Trilogia del Regno de miniseries de television del 1994 al 2022 per Lars von Trier. Altere trilogias de fiction es solmente conectate per thema: per exemplo, cata filme del Trilogia de Tres Colores de Krzysztof Kieślowski explora un del ideales politic del Republica francese (libertate, egalitate, fraternitate). Trilogias anque pote esser conectate de manieras minus evidente, como le Trilogia Nova de romanes per William S. Burroughs, que ha essite scribe per medio del technica del "cut-up".

Le termino raramente es applicate extra le medias. Un exemplo es le "Trilogia Marshall", un termino commun pro tres decisiones de judices scripte per le presidente del Corte Supre del Statos Unite, John Marshall, del 1823 al 1832, concernente le stato legal del Nativos Americanos secundo le leges del Statos Unite.

Le trilogias - e le series in general - es frequentes in le fiction speculative.