Pahila Panna

Fiji Hindi Wikipedia Ii ek free jankari de waala Encyclopedia hae Isme koi bhi likhe sake hae Fiji Hindi Wikipedia me abhi 11,293 article hae.

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z Vibhag Fiji       Fiji ke Hindustani       Fiji Hindi       Fiji me football      Girmit      Parrhai likhai    Dunia ke des    Dunia ke log    Dunia ke itihass    Science aur technology     Jaruri article

Fiji Hindi Wiktionary

Aaj ke featured article Hereford 14th jahaaj rahaa jisme gimitya log ke lae ke India se Fiji lawa gais rahaa. Iske baad ii jahaaj dui aur dafe Fiji aais. Ii jahaaj 1510 ton garrhu aur loha ke banaa, paal waala jahaaj rahaa jiske 1869 me Glasgow ke J. Elder & Company, Merchant Shipping Company of London khatir banais rahaa. Suruu me iske New Zealand nawa immigrant logan ke lae jaae khaatir kaam me lawa gais rahaa. 1882 me ii jahaaj ke Nourse Line kharid liis aur iske West Indies girmitya logan ke lae jaae khatir kaam me lawa gais. Ii jahaaj Fiji pahila dafe 24 April 1888 ke 539 girmitya logan ke lae ke, duusra dafe 15 June 1892 ke 479 girmitya logan ke lae ke aur tiisra dafe, 28 June 1894 ke, 511 girmitya logan ke lae ke aais. 1898 me Hereford ke Norway ke ek Company ke bech dewa giais aur 1907 me ii Argentina ke nangich ek chattan pe charr ke duub gais. (aur...) Aap janta hai... Ratu Cakobau 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin. 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa. Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa. Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa. Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa. Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa. Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa. Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa. Archive

Taaja khabar 27 September 2024 - Comet C/2023 A3 (Tsuchinshan-ATLAS) pachchhim ke aasmaan me dekhae hae. Narendra Modi 9 June 2024 - Narendra Modi, 3rd time India ke Prime Minister banis. 9 May 2024 - Fiji ke pichhlaa Prime Minister, Frank Bainimarama, aur suspended Commissioner of Police, Sitiveni Qiliho, ke "Abuse of Office" ke khatir 12 mahina talak jail karaa gais.. 6 February 2024 – Fiji ke pichhlaa Prime Minister, Frank Bainimarama, Attorney General, Aiyaz Sayed-Khaiyum aur Health Minister, Neil Sharma ke arrest kar ke raat bhar jail me rakkhaa gais rahaa. Duusre din tiino ke "Abuse of Office" ke khatir charge kar ke bail pe chhorr diya gais. 19 November 2023 - Fiji ke Sikh samaj, Samabula, Suva me Sikh Gurudwara ke founding ke 100th anniversary celebrate karin. 2014 ke Archive Aaj se sau saal pahile, 1913 me... Colonial Office, Fiji Government ke batais ki Fiji me girmitya ke larrkan ke death-rate 83.75 per thousand hae, jon ki duusra colony ke mukabla me bahut jaada hae.. Fiji me Hindustani logan ke khatir 18 settlements banawa gais, jisme se 15 freehold jamiin me rahaa. Ii scheme ke niche 1,377 jane ke jamiin mila. McNeill aur Chiman Lal, ke recommendation ke baad, Kaiviti logan se liis pe jamin ke size ke 5 bigha se barrhae kae 10 bigha kar dewa gais. Seventh-day Adventist Church, Samabula, Suva me Hindustani logan ke khatir ek school kholis, jisme Ellen Meyers, ek Anglo-Indian aurat parrhais. 18 January – Methodist Mission in Fiji ke Reverend Richard Piper, Calcutta Statesman ek article chaapis, jisme uu girmit ke kharaabi ke bare me batais aur girmit system ke band kare ke maang karis. 31 January – Letters Patent badla gais jisme chhe se barrhae ke saat goraa logan ke Legislative Council me chuna gais, lekin koi Hindustani council me nai rahaa. 24 March – S. S. Chenab, 855 girmitya logan ke lae ke, pahila dafe Fiji aais. May - Totaram Sanadhya Fiji se India laut gais aur ek book, Mere Fiji Dwip me Ikiis Varsh, likhis jiske parr ke India ke loag ke Fiji ke baare me pataa chala. 8 May – Bharat Mitra me Swami Manoharanand, “The Cry of an Indian Woman” ke title ke niche ek chitthi chaapis, jisme uu Fiji ke ek girmitya aurat, Kunti ke haalat ke bare me batais. 16 June – S. S. Chenab, 717 girmitya logan ke lae ke, duusra dafe Fiji aais. 10 September – S. S. Indus, jisme gimitya logan ke Fiji laawa jaaawat rahaa ke German (Emden) warship dubae diis. November – German raiders aur jahaaj ke soldier logan ke dhoe ke khatir, India ke sarkar indenture system ke suspend kar diis. Ii saal ke ant talak 1,575 girmitya logan Fiji aain, jisme 1,033 Calcutta se, aur 542 Madras se jahaaj me charrhin, aur 1,256 girmitya logan India laut gain. Pahile waala saal: 1908 1909 1910 1911 1912 1913

Aaj ke featured chapa Tulsi (Scientific naam: Ocimum basilicum , English: basil, common basil, mint, sweet basil, Kaiviti: tomole) ek rakam ke herb hai jiske Hindu log puja me kaam me laae hai. Ii garam des me hoe hai. Pahile ke featured article: Mircha — Kundru — Karamua

Duusra bhasa 100,000 + English  •  Català (Catalan)  •  Česká (Czech)  •  中文 (Chinese)  •  Dansk (Danish)  •  Deutsch (German)  •  Español (Spanish)  •  Esperanto  •  Français (French)  •  Italiano (Italian)  •  Magyar (Hungarian)  •  日本語 (Japanese)  •  Nederlands (Dutch)  •  Norsk (Norwegian Bokmål)  •  Polski (Polish)  •  Português (Portuguese)  •  Русский (Russian)  •  Română (Romanian)  •  Slovenčina (Slovak)  •  Suomi (Finnish)  •  Svenska (Swedish)  •  Türkçe (Turkish)  •  Українська (Ukrainian) 20,000 + العربية (Arabic)  •  Български (Bulgarian)  •  Bosanski (Bosnian)  •  Cymraeg (Welsh)  •  Ελληνικά (Greek)  •  Eesti (Estonian)  •  Euskara (Basque)  •  Galego (Galician)  •  עברית (Hebrew)  •  हिन्दी (Hindi)  •  Hrvatski (Croatian)  •  Bahasa Indonesia (Indonesian)  •  Íslenska (Icelandic)  •  한국어 (Korean)  •  Latina (Latin)  •  Lëtzebuergesch (Luxembourgish)  •  Lietuvių (Lithuanian)  •  Македонски (Macedonian)  •  Bahasa Melayu (Malay)  •  Norsk (Norwegian Nynorsk)  •  فارسی (Persian)  •  Shqip (Albanian)  •  Slovenščina (Slovenian)  •  Српски (Serbian)  •  தமிழ் (Tamil)  •  ไทย (Thai)  •  Tiếng Việt (Vietnamese)  •  ქართული (Georgian) 1,000 + Afrikaans  •  Asturianu (Asturian)  •  Беларуская (Belarusian)  •  Kaszëbsczi (Kashubian)  •  Frysk (Western Frisian)  •  Gaeilge (Irish)  •  Interlingua  •  Lojban  •  Kurdî (Kurdish)  •  Kernewek (Cornish)  •  Māori  •  Bân-lâm-gú (Southern Min)  •  Occitan  •  संस्कृत (Sanskrit)  •  Scots  •  Tatarça (Tatar)  •  اردو (Urdu) Walon (Walloon)  •  יידיש (Yiddish)  •  文言 (Classical Chinese) 100 + Nehiyaw (Cree)  •  словѣньскъ (Old Church Slavonic)  •  gutisk (Gothic)  •  ລາວ (Laos) Sab Wikipedia ke suchi – Bhasa khatir ek saathe kaam karo – Nawaa bhasa me Wikipedia suruu karo