Morocco

Morocco north Africake ek des hai. Iske official naam Kingdom of Morocco hai.

A map of Morocco

Politics

Morocco ek constitutional monarchy hai. His Majesty King Muhammad VI, Morocco ke Raja aur head of state hai. Ike Prime Minister Abbas AlFassi hai.

Geography

Morocco ke east me Algeria aur south me Western Sahara hai. Mediterranean Sea Morocco ke north me hai aur Atlantic Ocean west me hai.

Morocco ke jaada hissa Sahara Desert hai aur iske kaaran jaada log coast ke kinare rahe hai. Morocco ke area 446,550 km² hai.

Morocco ke capital city, Rabat hai.

People and culture

Morocco ke population 34,343,219 hai. Morocco ke log ke Moroccans bola jaawe hai aur jaada Moroccans Arabii nai to Berber hai.

Morocco ke official bhasa Arbii hai, lekin dher log Berber bhasa me bhi baat kare hai. Hian pe French me bhi baat karaa jaawe hai kahe ki Morocco pahile ek French colony rahaa.

Jaada Moroccans Islam dharam ke maane hai.

Morocco ke currency dirham (MAD) hai.