მაროკო

მაროკოშ ომაფე
მაროკოშ ომაფე არაბ. ‎‎المملكة المغربية; (ალ-მამლიაკა ალ-მაღრიბია) ; ⵜⴰⴳⵍⴷⵉⵜ ⵏ ⵍⵎⵖⵔⵉⴱ(ბერბერ.); (Tagldit N Lmaġrib); მაროკო
	დევიზი: არაბ. ‎‎الله، الوطن، الملك; (Allāh, al Watan, al Malik — „ალაჰი, ოდაბადე, მაფა“)
	ჰიმნი: Hymne Cherifien; ;
	მაროკოშ ორენი
ნანანოღა	რაბატი; 34°02′ ოორ. გ. 6°51′ ბჟად. გ. /
უკაბეტაში ნოღა	კასაბლანკა, რაბატი, მარაქეში, ფესი, ტანჟერი
ოფიციალური ნინა(ეფი)	არაბული1, ტამაზიხტური2
რელიგია	სუნიტური ისლამი (ოფიციალური), შიიტური ისლამი (უმორჩილაშობა), იუდაიზმი (უმორჩილაშობა), ქირსიანობა (უმორჩილაშობა), ბაჰაიზმი (უმორჩილაშობა)
თარობა	კონსტიტუციური მონარქია
ფართობი
მახორობა
ედპ (ჸუპ)	2014 ფასებათ
აგი (2013)	0.617 (ოშქაშე) (129-ა)
ვალუტა	მაროკოული დირჰამი (MAD)
ბორჯიშ ორტყაფუ	(UTC +0სთ.)
ქიანაშ კოდი	MAR
Internet TLD	.ma
ოტელეფონე კოდი	+212
	1ფრანგული (ადმინისტრაციაშ დო ბიზნესიშ ნინა).; 2 ბერბერულ ნინაშა ბერბერულ ნინას ტამაზიხტი ჯოხო.

მაროკო (არაბ. المغرب‎‎ ალ-მაღრიბი — „ბჟადალი“, თაშნეშე მაღრიბ ალ-აკსა — „შორიშიანი ბჟადალი“, ბერბ. ⵍⵎⴰⵖⵔⵉⴱ Lmaɣrib^[3]), ედომუშამი ოფიციალური ჯოხოდვალა — მაროკოშ ომაფე (არაბ. المملكة المغربية‎‎ ალ-მამლიაკა ალ-მაღრიბია, ბერბ. ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ Tagldit n Lmaɣrib, ტამაზიხტი (მუჭოთ ართ-ართი ბერბერულ ნინეფშე) ) — სახენწჷფო ოორუე აფრიკას.

მაროკო ასე აკა აფრიკული ქიანა რე, ნამუთ ვაკათუ აფრიკაშ რსხუს (რსხუშე გიშართჷ 1984 წანას). მარა თე სახენწჷფო მიშმურს არაბული ქიანეფიშ ლიგაშა, არაბეთიშ მაღრიბიშ რსხუშა, ისლამიშ წორომაჸალობაშ ორგანიზაციაშა, ფრანკოფონიაშა, სქირონაშქაზუღური დიალოგიშ ბუნაშა, ბუნა 77-შა.

გეოგრაფია

მაროკოშ ომაფე მაღრიბიშ რეგიონშა (ოორუე აფრიკა) მიშმალი არძოშე ბჟადალშე მადვალუ ქიანა რე. ქიანას ჟირჸურე ომძღჷ სქირონაშქა ზუღა დო ატლანტიშ ოკიანე, კონტინენტიშჸურე კირდეამი გვალეფი. მაროკოშ მახურგე ქიანეფი რე: ალჟირი, ბჟადალი საჰარა. ფართობი: 446 550 კვ.კმ.

მაროკო გვალამი ქიანა რე. ობჟათე-ბჟადალშე ოორუე-ბჟაეიოლშა გინოზინდილი რე ატლასიშ გვალეფი (ზურგა 4165 მეტრაშახ). ქიანაშ ბჟადალ დო ოორუე-ბჟაეიოლ ნორთეფს რზენეფი დო პლატოეფი რე. ობჟათეშე დო ობჟათე-ბჟაეიოლშე - საჰარაშ ქვიშამი დო ქუამი ტიოზეფი. სასარგებელო დინოხურიშეფშე მიპალუაფუ ფოსფორიტეფი, რკინაშ, ტყვიაშ, თუთიაშ, მანგანუმიშ, კობალტიშ, ლინჯიშ მადანი, ქუანოშქერი, მარმარილო დო შხვა.

ქიანას იროიანმალი წყარმალუეფი მორჩილას რე. არძოშე დიდი წყარმალუეფი რე: მულუია, სებუ, უმ-ელ-რბია, ტენსიფტი. მიარეთ რე უადი (გიშაკერძაფილო ქიანაშ ობჟათე ნორთის). ტობეფი უმენტაშო ჯიმუამი რე, ატლანტიშ ოკიანეშ წყარპიჯის ჭყენჭყამი ლაგუნეფი რე.

ჰავა

ჰავა ქიანაშ უმენტაშ ნორთის სუბტროპიკული რე, სქირონაშქა ზუღაშ ოორუეშე. ზარხული სქირე უჩქჷ, ზოთონჯი - ლამე, ლექინი. კვირკვეშ ოშქაშე ტემპერატურა 24-28, ღურთუთაშ - 10-12. წყარპიჯშე მოშორაფათ, გიშაკერძაფილო გვალეფიშ დინოხოლენ რზენეფს, ჰავა უმოს კონტინენტური რე. გვალას დოხოლაფირო 100 დღა წანმოწანას ჸინუეფი რე. მაროკოშ ობჟათე დო ობჟათე-ბჟაეიოლ ნორთის ჰავა ჩხე რე. ნოლექეფი ქიანაშ ოორუე ნორთის დო გვალას დოხოლაფირო 1000 მმ წანმოწანას, ობჟათეშე - 200 მმ-შე მერკე.