Río Amur

Río Amur
	(zh-hans) 黑龙江; (ru) Амур; (mnc) ᠰᠠᡥᠠᠯᡳᠶᠠᠨ ᡠᠯᠠ
Tipo	rio internacional (pt)
Inicio
Continente	Asia
País da cunca	Rusia
División administrativa	Krai da Transbaicália, Rusia (pt) , Amur Oblast (en) , Oblast Autónomo Hebreo, Rusia, Krai de Khabarovsk, Rusia e Heilongjiang, República Popular da China
Localización	Rio Onon (pt)
Final
Localización	Mar de Ojotsk
	53°20′00″N 121°28′53″L / 53.3333, 121.4814; B 52°59′28″N 141°02′48″L / 52.9911, 141.0467
Afluentes	25
Conca hidrográfica	conca do río Amur
Características
Dimensións	2.824 () km ;
Superficie da cunca hidrográfica	1.855.000 km²
Medicións
Caudal	12.800 m³/s

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

O Amur (Амур en ruso ; 黑龙江 ("río do dragón negro") en chinés, pronunciado Heilongjiang), ou Sahalyan ula en manchú "río negro", é un río de Asia cuxa conca hidrográfica se estende por partes de Mongolia, Rusia e China ao longo de 4.444 km, a contar desde a fonte do río Argun, lonxitude que o converte no primeiro de Siberia — aínda que é máis curto que o sistema formado polo Obi e máis o seu afluente o Irtich — e o cuarto de Asia pola lonxitude do seu percurso; considérase que é o oitavo da Terra.

Dende o punto de vista administrativo, percorre o óblast de Amur, o óblast Autónomo Hebreo, o krai de Khabarovsk, en Rusia, e a provincia chinesa de Heilongjiang, drenando unha conca de 1 885 000 km², que é a 12ª máis extensa do planeta.

Xeografía

O río está formado pola unión do Chilka e do Argun. Na actualidade conforma a fronteira natural entre Rusia e a China, sobre preto de 1.600 km, antes de recibir o río Songhua Jiang e o Ussuri, e entrar definitivamente en Rusia, onde desemboca no estreito da Tartaria, no mar de Okhotsk (ao norte do océano Pacífico), fronte da illa de Sakhalin.

Economía

No seu curso inferior, logo da confluencia do Chilka e o Argun, é navegábel en territorio ruso completamente, mais por causa dos xeos está pechado para a navegación durante uns seis meses.

O equipamento hidroeléctrico, que consta de 14 encoros de máis de 15 m de alto, permite a industrialización da rexión.

Hidroloxía

O Amur ten os máximos de caudal no verán, entre fins de xullo e comezos de agosto, por efecto do monzón, mentres a estiaxe é invernal. Na desembocadura o caudal medio é de 11.000 m³ por segundo e a súa conca ocupa 1.850.000 km².

Cidades

Ás beiras do Amur fican as seguintes cidades:

China

Rusia

Véxase tamén