Mogán

Mogán
Localización
	27°52′00″N 15°43′00″O / 27.866666666667, -15.716666666667
Estado	España
Comunidade autónoma	Illas Canarias
Provincia	Las Palmas
Capital	Mogán (en)
Poboación
Poboación	20.845 (2023) (120,89 hab./km²)
Xeografía
Parte de	Q107553120 ; Q107553122
Superficie	172,43 km²
Bañado por	Océano Atlántico
Altitude	253 m
Comparte fronteira con	Tejeda ; San Bartolomé de Tirajana ; La Aldea de San Nicolás
Organización política
• Alcaldesa	Onalia Bueno García (2015–)
Identificador descritivo
Código postal	35140
Fuso horario	UTC+01:00
Código INE	35012
Páxina web	mogan.es

Mogán é un municipio canario pertencente á provincia das Palmas. Está situado ao suroeste da illa de Gran Canaria.

Con máis de 18.000 habitantes no termo municipal, dos que ao redor de 500 viven na vila, Mogán localízase nun fermoso val que se estende desde o barranco do Mulato ata a costa. No litoral atópase o seu histórico porto pesqueiro, no pasado único medio de comunicación co resto da illa.

A cabeceira do municipio áchase a unha altitude duns 250 metros, e a unha distancia de 93 quilómetros da capital insular, As Palmas de Gran Canaria.

A conexión coa rede de estradas do litoral grancanario foi o principal factor que promoveu a substitución da tradicional economía agrícola-pesqueira do municipio pola súa actual actividade turística, concentrada no porto de Mogán. Con todo, a agricultura non se abandonou: os cultivos tradicionais foron substituídos por outros máis rendibles, como as froitas tropicais destinadas á exportación.

A vila de Mogán é parada para quen se dirixe ao, ou vén do, municipio veciño de La Aldea de San Nicolás. Mogán festexa a Santo Antón de Padua o Mozo o 13 de xuño, e ao Grande o primeiro domingo de agosto, cunha romaría na que participan todos os pagos do municipio. Ao seu termo realízase un canto de gran tradición: o canto aos Pajaritos. A festividade de Santo Antón o Grande naceu como unha promesa ante unha praga de cigarras que azoutou os cultivos.

Demografía

Ano	Poboación	Densidade
1991	8.688	-
1996	10.398	-
2001	12.444	72,34/km²
2002	15.935	98,07/km²
2003	15.932	98,06/km²
2004	15.176	88,17/km²
2006	16.569	96,09/km²
2007	18.547	107,56/km²
2010	22.638	131,29/km²