Khárkiv

Khárkiv
	Харків (uk)
	Bandeira Brasón
Localización
	49°59′33″N 36°13′52″L / 49.9925, 36.2311
Estado	Ucraína
Óblasts	Óblast de Khárkiv
Raião da Ucrânia (pt)	Kharkiv Raion (en)
Capital de	Kharkiv Urban Hromada (en) (2020–)
Contén a división administrativa	Industrialnyi District (en) ; Kholodnohirskyi District (en) ; Kyiv District (en) ; Nemyshlyanskyi District (en) ; Novobavarskyi District (en) ; Osnovianskyi District (en) ; Saltivskyi District (en) ; Shevchenkivskyi District (en) ; Slobids'kyi District (en)
Poboación
Poboación	1.421.125 (2022) (4.060,36 hab./km²)
Lingua oficial	lingua ucraína
Xeografía
Superficie	350 km²
Bañado por	Kharkiv River (en)
Altitude	152 m
Datos históricos
Fundador	Alexis I de Rusia
Creación	1654
Organización política
• Xefe do goberno	Ihor Terekhov (pt) (2021–)
Órgano lexislativo	Kharkiv City council (en) ,
Membro de	Federación Mundial de Cidades Turísticas
Identificador descritivo
Código postal	61000–61499
Fuso horario	UTC+02:00, horario estándar; UTC+03:00, horario de verán
Prefixo telefónico	572
Identificador KOATUU	6310100000
Outro
Irmandado con	Cincinnati (1989–); Poznan (1998–); Núremberg (1999–); Kaunas (2001–); Brno (2005–); Kutaisi (2005–); Rishon LeZion (2007–); Daugavpils (2008–); Tbilisi (2012–); Lublin (2022–)
Sitio web	city.kharkiv.ua

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Khárkiv^[1] (en ucraíno: Харків, en ruso: Харьков, Kharkov) é a segunda cidade máis grande de Ucraína. É o centro administrativo do óblast de Khárkiv, así como o centro administrativo dos arredores do raion de Kharkivsky dentro do óblast. A cidade está localizada ao nordés do país. No ano 2010, a súa poboación era de 1 449 000 habitantes.

Existe un metro (tren metropolitano soterrado ou suburbano), con 35 km de lonxitude e 28 estaciones. Un lugar coñecido de Khárkiv é a Praza da Liberdade (Plóshchad Svobody), actualmente a terceira en tamaño de Europa e a sétima do mundo.

Historia

Evidencias arqueolóxicas descubertas na área da actual Khárkiv indican a existencia de poboación no lugar desde 2.000 a. C. Os restos culturais atopados datan da Idade de Bronce, así como tamén aqueles dos últimos poboadores escitas e sármatas. Tamén existe evidencia de que a cultura Chernyakhov prosperou na zona desde o século II até o século VI.

Fundada a mediados do século XVII (1654), a cidade ten universidade desde 1805. Durante os primeiros anos da Unión Soviética, Khárkiv foi a capital da República Socialista Soviética de Ucraína (entre 1917 e 1934). A comezos dos anos 1930, a grande fame de Ucraína (Holodomor) levou a moita xente do campo ás cidades, en particular cara a Khárkiv, na procura de alimentos. Durante a segunda guerra mundial, Khárkiv foi escenario de varios enfrontamentos, e tiveron lugar catro batallas polo control da cidade. A sucesión de acontecementos, en orde cronolóxica, sería:

A cidade é tomada por tropas da Alemaña Nazi en outubro de 1941 (primeira batalla de Khárkiv) e os seus aliados militares. A batalla durou catro días. O Exército Vermello resistiu mentres se desmantelaba a maquinaria das industrias de armamento (carros de combate principalmente), para ser evacuada cara ao leste en territorio soviético, onde continuou a produción durante toda a guerra. Este tipo de industria volvería instalarse na cidade acabada a guerra, chegando até os nosos días.
Máis tarde é recuperada polo Exército Vermello en maio de 1942, na denominada segunda batalla de Khárkiv.
A cidade é tomada por segunda vez polos nazis nunha ofensiva que durou varias semanas entre os meses de febreiro e marzo de 1943.
Finalmente foi liberada polo Exército Vermello o 23 de agosto de 1943, tras unha ofensiva coñecida como Operación Polkovódets Rumiántsev.

Como balance final da guerra, o 70% da cidade foi destruída e decenas de miles de habitantes morreron. Nos meses de abril e maio de 1940, antes da invasión alemá de 1941, uns 3.800 prisioneiros polacos do campo de concentración de Starobilsk foron asasinados por orde de Stalin no edificio NKVD de Khárkiv e máis tarde enterrados no bosque de Pyatikhatky. Entre decembro de 1941 e xaneiro de 1942, unhas 30.000 persoas (a maioría delas xudías) foron asasinadas os nazis. Foron enterradas nunha das maiores fosas comúns das que hai rexistro, coñecida como Drobitsky Yar.

Economía

Khárkiv é un dos principais centros industriais, culturais e educacionales de Ucraína. A súa industria especialízase principalmente na produción de armas e maquinaria. Hai centos de compañías industriais na cidade. Entre elas están xigantes mundiais como o Bureau de Deseño Morozov e a Fábrica de Tanques Malyshev (líderes na produción de tanques desde a década dos anos 1930), Hartron (industria aeroespacial e electrónica nuclear) e Turboátom (produtor de turbinas para plantas eléctricas nucleares).

Notas

↑ "O Seminario de Onomástica aproba a adaptación dos nomes da capital e doutras cidades ucraínas". Real Academia Galega. 8 de marzo de 2022.

Véxase tamén

Ligazóns externas

Sitio web oficial Arquivado 14 de abril de 2022 en Wayback Machine.

[1] "O Seminario de Onomástica aproba a adaptación dos nomes da capital e doutras cidades ucraínas". Real Academia Galega. 8 de marzo de 2022.

[1]