Josep-Francesc Delgado

Josep-Francesc Delgado
Biografía
Nacemento	6 de febreiro de 1960 (64 anos); Barcelona, España
Educación	Universidade Autónoma de Barcelona
Actividade
Ocupación	escritor, profesor de ensino secundario
Participou en
31 de marzo de 2016	Manifesto Koiné

Josep-Francesc Delgado i Mercader, nado en Barcelona o 6 de febreiro de 1960,^[1] é un profesor de ensino secundario e premiado escritor de poesía e literatura infantil e xuvenil en catalán, con obra traducida ao inglés, aragonés, castelán, éuscaro e galego.

Traxectoria

Pasou a infancia en Sitges, Mallorca e Menorca. Durante 1987 e 1988 escribiu a súa primeira novela: Si puges al Sagarmatha quan fumeja neu i vent (Premio Joaquim Ruyra 1987).^[2] É unha novela ambientada no Himalaia, onde un grupo de montañeiros cataláns tentan alcanzar o cumio do Everest (Sagarmatha en lingua nepalesa). O misterio xira arredor da desaparición de Mireia, a única muller integrante da expedición. Os membros da expedición reúnense poucos meses despois dos acontecementos en Barcelona para revivir as aventuras no Sagarmatha. Finalmente, todo ten que ver coas predicións que o Gran Lama lle fixera a Mireia e o misterio queda clarificado.

É cofundador da Associació de Joves Escriptors en llengua Catalana (AJELC) e membro da Associació d'Escriptors en Llengua Catalana (AELC).

Obra (selección)

Si puges al Sagarmatha (1988) ^[2]
L'empaitagrills i la noia de la Lluna (1993, premi Guillem Cifre de Colonya)
El mussol Oriol i el lladre de les endevinalles (1994)
El mag i l'estrella (1996)
Per què els nens no tenen por de l'home del sac jove (1996)
Endevina, endevinaràs quin animal seràs (1995)
Ulldevellut (1999, premi Josep M. Folch i Torres)
El concertista d'ocells (2002). Publicada en galego como O concertista de paxaros.
Els llops de la lluna roja (2002, premi Ramon Muntaner)
L'Alba ja no va tenir por (2003)
Papitis (2004)
Mamitis (2005)

Notas

↑ "Josep Francesc Delgado i Mercader" na Gran Enciclopèdia Catalana (en catalán).
↑ ^2,0 ^2,1 Publicado en galego en 2005 en tradución de Ignacio Chao, co n.º 87, na Colección Fóra de Xogo de Xerais: Sagarmatha en Google Books.

Véxase tamén

Ligazóns externas

Associació d'Escriptors en Llengua Catalana (en catalán).
Josep-Francesc Delgado no sitio web de Grup 62 (en catalán).

[1] "Josep Francesc Delgado i Mercader" na Gran Enciclopèdia Catalana (en catalán).

[Sagarmatha-2] 2,0 ^2,1 Publicado en galego en 2005 en tradución de Ignacio Chao, co n.º 87, na Colección Fóra de Xogo de Xerais: Sagarmatha en Google Books.

[1]

[2]