Estreito de Ormuz
Coordenadas: 26°36′N 56°30′L / 26.6, 56.5
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2019.) |
![](http://upload.wikimedia.org/wikipedia/commons/thumb/9/92/Strait_of_Hormuz.jpg/220px-Strait_of_Hormuz.jpg)
O Estreito de Ormuz (تنگهٔ هرمز en persa) é un anaco de océano relativamente estreito entre o Golfo de Omán ao sueste e o Golfo Pérsico ao suroeste. Na súa costa norte está o Irán e na costa sur os Emiratos Árabes Unidos e o enclave de Omán.
Situación estratéxica das illas
[editar | editar a fonte]![](http://upload.wikimedia.org/wikipedia/commons/thumb/3/3f/Iran_map.png/220px-Iran_map.png)
Próximas á costa norte sitúanse algunhas illas, que inclúen Kish, Qeshn, Abu Musa e as Tunbs Maior e Menor. Esas illas teñen posicións estratéxicas enormes, funcionando con plataformas de control do tráfico marítimo.
Nunha conferencia de prensa o 18 de decembro de 1997, o ministro do Exterior e Deputado iraniano Abbas Maleki dixo que o Irán apoiaba o libre transporte de petróleo a través do estreito de Ormuz, mais reservaba para si a opción de pechar o estreito ao tráfico marítimo se o Irán estivese ameazado.
Etimoloxía
[editar | editar a fonte]A abertura do Golfo Pérsico foi descrita, mais non denominada, no Periplo do Mar da Eritrea, un guía marítimo do século I:
![](http://upload.wikimedia.org/wikipedia/commons/thumb/c/cf/Stra%C3%9Fe_von_Hormuz.jpg/220px-Stra%C3%9Fe_von_Hormuz.jpg)
- Cap.35. Na fin desas illas Calaei existe unha cadea de montañas chamada Calon, e segue aló, non moito alén, a boca do Golfo Pérsico, onde hai moito mergullo para os pescadores de perlas e mariscos. A esquerda dos estreitos hai grandes montañas chamadas Asabon, e á dereita medran, ben á vista, outras montañas arredondadas e altas, chamadas Semiramís; entre elas, a pasaxe a través do estreito ten aproximadamente 600 estadios; alén dos cales aquel grande e longo mar, o Golfo Pérsico, avanza lonxe no interior (das terras). Na parte superior e final deste golfo hai unha cidade mercantil, designada pola lei, chamada Apologus, situada preto de Charax Spasini e do Río Éufrates.
Existen dúas opinións sobre a etimoloxía deste nome. Segundo a crenza popular, deriva do nome do Deus Persa هرمز Ormoz (unha variación de Ahura Mazda). Outros historiadores e lingüistas derivan o nome Ormuz da palabra persa local هورمغ Hur-mogh significando Tamareira. Na realidade, nos dialectos locais de Hurmoz e Minab este estreito aínda é chamado Hurmogh e ten o significado mencionado.
Abatemento do Voo 655 de Iran Air
[editar | editar a fonte]O 3 de xullo de 1988, o estreito de Ormuz foi escenario dunha dos máis controvertidos abatementos da aviación da historia, cando o voo 655 da compañía iraniana Iran Air, un Airbus A300, foi abatido polo navío de guerra da United States Navy US Vincennes (CG-49). Todas as persoas a bordo morreron (na maioría mulleres e pequenos), e evitouse dificilmente unha situación de crise internacional cando o presidente dos Estados Unidos George H. W. Bush dixo "I will never apologise for what Americans do" (Nunca pedirei desculpas polo que os americanos fan) e o presidente iraniano xurou vinganza sobre os americanos. As circunstancias desa traxedia aínda non foron, e talvez nunca serán, totalmente esclarecidas.[Cómpre referencia]
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Estreito de Ormuz ![]() |