Emmerson Mnangagwa
.jpg)
Emmerson Dambudzo Mnangagwa, nado o 15 de setembro de 1942, é un revolucionario e político cimbabués que exerce como o terceiro e actual presidente de Cimbabue dende o 24 de novembro de 2017.
Membro de ZANU-PF e aliado durante moitos anos do presidente anterior, Robert Mugabe, ostentou unha serie de postos de goberno e foi vicepresidente de Cimbabue durante o goberno de Mugabe até novembro de 2017, cando foi destituído antes de chegar ao poder nun golpe de Estado. O 26 de agosto de 2018 gañou as eleccións xerais de Cimbabue.
Traxectoria
[editar | editar a fonte]Mnangagwa naceu en 1942 en Shabani, Rodesia do sur, nunha familia numerosa da etnia Shona.[1] Os seus pais eran campesiños, e na década de 1950 a familia tivo que se mudar a Rodesia do norte debido ao activismo político do seu pai. Alí, Emmerson realizou actividades anti-coloniais, e en 1963, uniuse ao novo Exército de Liberación Nacional Africano de Cimbabue, o brazo militar da Unión Nacional Africana de Cimbabue (ZANU), e regresou a Rodesia en 1964.[2] Liderando un grupo chamado a "Banda do Crocodilo", atacaba granxas de donos brancos nas montañas do oeste de Cimbabue. En 1965, fixo estourar un tren preto de Fort Victoria (agora Masvingo)[3] polo que pasou dez anos no cárcere (onde coñeceu a Robert Mugabe),[2] foi logo liberado e deportado a Rodesia Do norte, por aquel entón xa un país independente chamado Zambia. Estudou entón na Universidade de Zambia e máis tarde na Universidade de Londres, e exerceu como un avogado. Pero pronto deixou a práctica privada legal e foi ao Mozambique portugués para volverse unir ao ZANU. Alí foille asignado o labor de escolta de Robert Mugabe,[1] ao que acompañou a asinar o Acordo da Casa de Lancaster, que recoñecía a independencia de Cimbabue en 1980.[2]
Despois da independencia, Mnangagwa ostentou unha serie de cargos no goberno de Mugabe. Desde 1980 a 1988, foi Ministro de Seguridade Estatal, e supervisou a Organización Central de Intelixencia. É debatido o seu papel nos masacres do Gukurahundi, nos que miles de civís ndebele foron asasinados e que ocorreron durante o seu mandato.[4][5]
Foi Ministro de Xustiza e Asuntos Legais e Parlamentarios de 1989 a 2000 e logo Portavoz do Parlamento de 2000 a 2005, cando foi degradado a Ministro de Aloxamento Rural para disuadilo abertamente de suceder o avellentado Mugabe. Recuperou o favor durante as eleccións xerais de 2008, nas que participou na campaña de Mugabe, orquestrando violencia política contra o Movemento para o Cambio Democrático - Tsvangirai. Mnangagwa exerceu como Ministro de Defensa de 2009 até 2013, cando se converteu outra vez en Ministro de Xustiza. Foi tamén nomeado Primeiro Vicepresidente en 2014 e era amplamente considerado como candidato principal para suceder a Mugabe.
A ascensión de Mnangagwa contou coa oposición da muller do presidente, Grace Mugabe,[6] e a súa facción chamada Xeración 40. Foi destituído dos seus cargos por Mugabe en novembro de 2017, e fuxiu a Suráfrica.[7] Pouco despois, o xeneral Constantino Chiwenga, apoiado por elementos das Forzas de Defensa de Cimbabue e membros da facción de Mnangagwa, coñecida como Lacoste, deu un golpe. Despois de perder o apoio do ZANU-PF, Mugabe dimitiu,[6] e Mnangagwa regresou a Cimbabue para asumir a presidencia.[8] Asegurou o seu primeiro mandato completo como Presidente de Cimbabue nas eleccións de xullo de 2018, que gañou cun 50.8% dos votos.[9]
Mnangagwa é alcumado "Garwe" ou "Ngwena", que significa "o crocodilo" en lingua shona,[10][11] inicialmente porque ese era o nome do grupo guerrilleiro que fundou, e máis tarde debido á súa sagacidade política. A facción dentro do ZANU–PF que o apoia é chamada Lacoste como a empresa de roupa francesa cuxo logo é un crocodilo.[12][13]
Notas
[editar | editar a fonte]- ↑ 1,0 1,1 "A Strongman Nicknamed ‘Crocodile’ Is Poised to Replace Mugabe". The New York Times (en inglés). 16 de novembro de 2017. Consultado o 12 de xuño de 2019.
- ↑ 2,0 2,1 2,2 "President Mnangangwa’s early days, political career" (en inglés). 26 de novembro de 2017. Consultado o 12 de xuño de 2019.
- ↑ "Chimurenga II Chronicles: Torture, death & love in prison" (en inglés). 3 de abril de 2016. Consultado o 12 de xuño de 2019.
- ↑ "Gukurahundi ghosts haunt Mnangagwa" (en inglés). 24 de novembro de 2017. Consultado o 12 de xuño de 2019.
- ↑ "US cables link Mnangagwa, Mugabe to Gukurahundi" (en inglés). 31 de decembro de 2017. Arquivado dende o orixinal o 18 de novembro de 2018. Consultado o 12 de xuño de 2019.
- ↑ 6,0 6,1 "Emmerson Mnangagwa: After Robert Mugabe resigns, who is the Zanu-PF politician favourite to succeed him as Zimbabwe President?" (en inglés). 21 de novembro de 2017. Consultado o 12 de xuño de 2019.
- ↑ "Zimbabwe's Ousted Vice President Flees After Death Threats". 8 de novembro de 2017. Consultado o 12 de xuño de 2019.
- ↑ "Zimbabwe's Mnangagwa promises jobs in 'new democracy'". BBC (en inglés). 22 de novembro de 2017. Consultado o 12 de xuño de 2019..
- ↑ "Resultados das eleccións 2018" (en inglés). 3 de agosto de 2018. Arquivado dende o orixinal o 19 de setembro de 2018. Consultado o 12 de xuño de 2019.
- ↑ "Who is Emmerson Mnangagwa, Mugabe's successor in Zimbabwe?" (en inglés). 22 de novembro de 2017. Consultado o 12 de xuño de 2019.
- ↑ Dale, D. (1981). Duramazwi: A Basic Shona-English Dictionary (en inglés). Mambo. pp. 66, 154.
- ↑ "Emmerson Mnangagwa: Will he be different from Mugabe?". BBC (en inglés). 24 de novembro de 2017. Consultado o 12 de xuño de 2019.
- ↑ "Emmerson Mnangagwa, the 'crocodile,' in line to be Zimbabwe's next leader" (en inglés). 22 de novembro de 2017. Consultado o 12 de xuño de 2019.
Véxase tamén
[editar | editar a fonte]Ligazóns externas
[editar | editar a fonte]- Sitio oficial do Presidente Arquivado 08 de xaneiro de 2020 en Wayback Machine. (en inglés)