Eleccións ao Parlamento de Cataluña de 1932

Eleccións ao Parlamento de Cataluña de 1932
← sen valor  1980  →
Data	20 de novembro de 1932
Tipo	eleccións ao Parlamento de Cataluña
Cargo elixido	85 deputado do Parlamento de Cataluña ≈ I Lexislatura da Cataluña republicana. Duración do mandato: 5
Participación política
512.060 512.060       ?      ?
Resultado da votación
Esquerra Catalana  — Francesc Macià i Llussà 224.800   43.9٪ Deputado do Parlamento de Cataluña 67 Concòrdia Ciutadana  — Luis Durán y Ventosa 138.500   27.05٪ Deputado do Parlamento de Cataluña Coalició d'Esquerres  — Pere Lloret Ordeix 39.100   7.64٪ Deputado do Parlamento de Cataluña PRR 25.900   5.06٪ Deputado do Parlamento de Cataluña Dreta de Catalunya 15.000   2.93٪ Deputado do Parlamento de Cataluña Bloc Obrer i Camperol 11.000   2.15٪ Deputado do Parlamento de Cataluña
Investidura
Presidente da Generalitat de Cataluña
Substitúe:	Persoa elixida:
Francesc Macià i Llussà	Francesc Macià i Llussà

As eleccións ao Parlamento de Cataluña de 1932 celebráronse o 20 de novembro de 1932, constituíndo as primeiras eleccións democráticas neste parlamento. Celebráronse no contexto posterior á proclamación da Segunda República, a restauración da Generalitat de Cataluña e a aprobación do Estatuto de Autonomía de Cataluña.

Os comicios

As eleccións foron convocadas o 25 de outubro por parte do Goberno provisional da Generalitat de Cataluña, presidido por Francesc Macià. Foron convocados a votar todos os homes maiores de 25 anos con nacionalidade española e residencia en Cataluña.

O obxectivo das eleccións era que os cidadáns elixisen os 85 deputados representantes dos cataláns, que posteriormente escollerían ó Presidente da Generalitat de Cataluña e ó Presidente do Parlamento catalán. Definíronse cinco circunscricións electorais, que achegarían un número determinado de deputados ó Parlamento en función da distribución xeográfica da poboación: Barcelona cidade (24 deputados), resto da provincia de Barcelona (19 deputados), provincia de Lleida (14), provincia de Xirona (14) e provincia de Tarragona (14).

As eleccións deron unha esmagadora maioría absoluta a Esquerra Republicana de Catalunya (ERC) que, liderada por Francesc Macià, obtivo 57 dos 85 escanos da cámara catalá, 41 máis que os 16 escanos conseguidos pola Lliga Regionalista. Como consecuencia das eleccións, o parlamento elixiu o 13 de decembro a Lluís Companys, de ERC, como Presidente do Parlamento de Cataluña, e o 14 de decembro elixiu a Francesc Macià, tamén de Esquerra, como Presidente da Generalitat de Cataluña.

Logo destas eleccións de 1932 non volveu haber comicios ó Parlamento de Cataluña até o ano 1980, primeiro polo estalido da guerra civil española en 1936, e despois pola posterior abolición das institucións autonómicas catalás por parte da ditadura franquista, entre 1939 e 1976.