Castro de Cerneda
| Castro de Cerneda | |
|---|---|
 | |
| Parroquia | Cerneda |
| Concello | Abegondo |
| Provincia | A Coruña |
| Comunidade autónoma | Galicia |
| Id. catálogo | GA15001011 |
| Cronoloxía | |
| Estado actual | Relativamente bo |
| Extensión estimada | 2 ha. |
| Véxase tamén | |
| Castros de Galicia | |
O castro de Cerneda é un castro situado no lugar da Igrexa na parroquia de Cerneda, no concello coruñés de Abegondo.
Morfoloxía
[editar | editar a fonte]O castro está formado por unha croa e, posiblemente, un pequeno ante castro, en dirección noroeste. Está rodeado por dous xogos de murallas e foxos intercalados. De forma ovalada, ten unhas medidas aproximadas de 170 por 95 metros.[1].
Os elementos externos están rebaixados polo traballo agrícola na zona e un dos foxos exteriores foi ocupado por unha pista asfaltada. Ademais, parte do castro emprázase na igrexa parroquial[1]. A zona é unha platación de eucaliptos.
Arqueoloxía
[editar | editar a fonte]O terreo do castro foi adquirido polo concello e inspeccionado arqueoloxicamente en 2020. Unha prospección inicial do castro indicou que é de estrutura ampla e conservada. Os muros que se atoparon son anchos e as estruturas son de madeira con tella enriba, ben conservada. Así mesmo, atopáronse restos de utensilios en bo estado. Os utensilios son de cerámica, como é unha ánfora para o viño, sacos para gardalos, vasos de vidro e variñas de bronce. Os utensilios de cerámica que se atoparon concordan coa tipoloxía dos achados de costume nas rexións do norte de África e do Guadalquivir. Estímase que estivo poboado entre os séculos IV-III a.d. ata o III-IV d.c, xa no período do imperio romano.[2][3][4]
Notas
[editar | editar a fonte]- ↑ 1,0 1,1 "Catálogo de protección arqueolóxica no PXOM do concello de Abegondo" (PDF). Arquivado dende o orixinal (PDF) o 26 de agosto de 2014. Consultado o 27 de agosto de 2013.
- ↑ Iván aguiar (31/10/2020). "Hallados utensilios y estructuras de la Edad del Hierro en un castro de Abegondo". La Opinión A Coruña (Abegondo).
- ↑ D.V. (21/10/2020). "Inician los trabajos en el castro de Cerneda, en Abegondo". La Voz de Galicia (Abegondo).
- ↑ Europa Press / redacción (30/10/2020). "Achan nun castro en Abegondo restos arqueolóxicos desde a Idade de Ferro ata o Imperio Romano". Galicia Confidencial (A Coruña).
Véxase tamén
[editar | editar a fonte] |
A Galipedia ten un portal sobre: Cultura castrexa |