Cefalocáridos
| Cefalocáridos Cephalocarida | |||||||||||||
|---|---|---|---|---|---|---|---|---|---|---|---|---|---|
_001.jpeg)
| |||||||||||||
| Clasificación científica | |||||||||||||
| |||||||||||||
| Xéneros | |||||||||||||
A dos cefalocáridos (Cephalocarida) é unha pequena clase de crustáceos que comprende tan só 10 especies bentónicas.[1]
Estas especies están agrupadas na única orde dos braquípodos (Brachypoda), e na súa única familia, a dos hutchisoniélidos (Hutchinsoniellidae),[1] que comprende cinco xéneros.[2]
Foi descuberta en 1955. Non existe rexistro fósil do grupo, aínda que algúns especialistas suxiren un parecido cos crustáceos primitivos.
Características
editarA anatomía dos cefalocáridos é simple, comparada coa doutros crustáceos (especialmente cos malacostráceos). O seu tamaño é moi pequeno, de entre 2 e 4 mm de lonxitude. O corpo é longo, comprimido na zona cefálica, sen ollos compostos, cun tórax dividido en oito segmentos con apéndices birrámeos, sen maxilípedos, e un abdome con once segmentos, no último dos cales articúlase o telson, pero nom outros apéndices.
O segundo par de maxilas garda semellanza cos apéndices torácicos. Os ollos están incluídos no exoesqueleto, o cal dificulta a súa apreciación.
Ecoloxía
editarOs cefalocáridos son todos mariños e bentónicos. Habitan desde a zona intermareal até unha profundidade de 1 500 m, sobre todo tipo de sedimentos. Aliméntanse de detritos mariños, para cuxa captación xeran correntes cos apéndices torácicos, como os branquiópodos.
Taxonomía
editarDescrición
editarA clase foi descrita en 1955 polo zoólogo estadounidense Howard L. Sanders especialista en ecoloxía bentónica oceánica, no seu traballo "The Cephalocarida, a new subclass of Crustacea from Long Island Sound". Proceedings of the National Academy of Science 41: 61-66.[3]
Clasificación
editarSegundo o WoRMS e máis o ITIS, a clasificación dos cefalocáridos, até o nivel de xénero é a seguinte:[3][4]
- Clase Cephalocarida Sanders, 1955
- Orde Brachypoda Birshteyn, 1960
- Familia Hutchinsoniellidae Sanders, 1955 [2]
- Xénero Chiltoniella Knox & Fenwick, 1977
- Xénero Hampsonellus Hessler & Wakabara, 2000
- Xénero Hutchinsoniella Sanders, 1955
- Xénero Lightiella Jones, 1961
- Xénero Sandersiella Shiino, 1965
- Familia Hutchinsoniellidae Sanders, 1955 [2]
- Orde Brachypoda Birshteyn, 1960
Filoxenia
editarOs Remipedia e os Cephalocarida forman parte dun clado denominado Xenocarida. Os xenocáridos propuxéronse como o clado irmán dos Hexapoda.[5][6][7]
Notas
editar- ↑ 1,0 1,1 Brusca, R. C. & Brusca, G. J., 2005. Invertebrados, 2ª edición. Madrid: McGraw-Hill-Interamericana. ISBN 0-87893-097-3.
- ↑ 2,0 2,1 Cephalocarida no Tree of Life.
- ↑ 3,0 3,1 Cephalocarida no WoRMS.
- ↑ Cephalocarida Sanders, 1955 no ITIS.
- ↑ Jerome C. Regier, Jeffrey W. Shultz, Andreas Zwick, April Hussey, Bernard Ball, Regina Wetzer, Joel W. Martin & Clifford W. Cunningham (2010). "Arthropod relationships revealed by phylogenomic analysis of nuclear protein-coding sequences". Nature 463 (7284): 1079–1083. PMID 20147900. doi:10.1038/nature08742.
- ↑ David R. Andrew (2011). "A new view of insect–crustacean relationships II. Inferences from expressed sequence tags and comparisons with neural cladistics". Arthropod Structure & Development 40: 289–302. doi:10.1016/j.asd.2011.02.001.
- ↑ Bjoern M. von Reumont, Ronald A. Jenner, Matthew A. Wills, Emiliano Dell'Ampio, Günther Pass, Ingo Ebersberger, Benjamin Meyer, Stefan Koenemann, Thomas M. Iliffe, Alexandros Stamatakis, Oliver Niehuis, Karen Meusemann & Bernhard Misof (2012). "Pancrustacean phylogeny in the light of new phylogenomic data: support for Remipedia as the possible sister group of Hexapoda" (PDF). Molecular Phylogenetics and Evolution 29 (3): 1031–1045. PMID 22049065. doi:10.1093/molbev/msr270.
Véxase tamén
editar| Wikimedia Commons ten máis contidos multimedia na categoría: Cefalocáridos |
| Wikispecies posúe unha páxina sobre: Cefalocáridos |
Bibliografía
editar- Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill-Interamericana. ISBN 0-87893-097-3.
Outros artigos
editarLigazóns externas
editar- Cephalocarida no WoRMS.
- Cephalocarida Sanders, 1955 no ITIS.
- Cephalocarida no Tree of Life.
- Class Cephalocarida Sanders 1955 Arquivado 04 de marzo de 2016 en Wayback Machine. en Fossilworks.
- Cephalocarida na ADW.
- Cephalocarida na EOL.
- Cephalocarida no NCBI.