Azurita
A azurita, tamén malaquita azul (nos séculos XIX e XII tamén chamada chesilita por Chessy-les-Mines, Ródano, preto de Lión) é un mineral da clase dos carbonatos cuxa fórmula química é Cu3(CO3)2(OH)2 (contén un 69,2% de cobre, un 25,6% de CO2 e un 5,2% de auga).[1]
| Azurita | |
|---|---|
 Azurita | |
| Fórmula química | Cu3(CO3)2(OH)2 |
| Clase | Carbonatos |
| Sistema cristalino | Monoclínico |
| Cor | Azul |
| Brillo | De vítreo a terroso |
| Dureza | 3,5-4 |
| Fractura | Concoidea |
| Exfoliación | Perfecta |
| Raia | Azul |
| Densidade | 3,7-3,9 g/cm3 |
Coñécese dende tempos antigos e mencionouse na Historia natural de Plinio o Vello baixo o nome grego de kuanos (κυανός: "azul profundo", raíz da cor ciano) e o nome latino caeruleum.[2]
Características
editarAspecto
editarA azurita preséntase normalmente formando agregados cristalinos. Tamén o fai de forma masiva e de costras. Ten unha cor azul característica.[1]
Lugares onde se atopa
editarA azurita atópase en zonas de oxidación, formada pola acción de solucións hidrocarbonatadas sobre sulfuros de cobre, case sempre en drusas, en asociación coa malaquita e coa cuprita.[3]
Propiedades
editarA azurita é tóxica disolta en auga (aínda que moito menos que minerais con metais pesados). Non debe ser utilizada baixo ningunha circunstancia para adornar acuarios de auga salgada. Así mesmo, non existe perigo algún de envelenamento ó manexala coas mans.[4]
Usos da azurita
editarA azurita é utilizada coma fonte secundaria de cobre.
Xoiería
editarEn ocasións é usada para a fabricación de xoias, pero a súa consistencia e tendencia a perder a súa cor e converterse en malaquita, limita a súa manexabilidade. Xa que a calor a destrúe con certa facilidade, a azurita debe ser traballada a temperatura ambiente.
Pigmento
editarUsada como pigmento (pigmento de azurita) desde a Idade Media ao século XX, moitas veces confundíndose coa lazurita, compoñente do lapislázuli de tonalidades parecidas e bastante máis caro.[5] Tanto o nome de azurita como de lazurita e lapislázuli ("pedra de azur") derivan do Persa lazhward (لاژورد) a través do árabe.
Outros carbonatos
editarA malaquita, a aragonita e a calcita son outros carbonatos coñecidos.[6]
Galería
editar
Notas
editar- ↑ 1,0 1,1 "Pedres precioses; azurita". ca.gem.agency (en catalán). Consultado o 20 de xullo de 2022.
- ↑ The Ancient Library: Smith, Dictionary of Greek and Roman Antiquities, p.321, col. dereita, baixo AZUL Arquivado 20 de decembro de 2005 en Wayback Machine. (en inglés)
- ↑ "Azurita - EcuRed". www.ecured.cu (en castelán). Consultado o 2022-07-20.
- ↑ "Azurita". www.quimica.es. Consultado o 2022-07-20.
- ↑ "Lazurita". www.quimica.es. Consultado o 2022-07-20.
- ↑ "Aragonito: Significado, Propiedades y Usos". dimateria.com (en castelán). 2020-10-29. Consultado o 2022-07-20.
Véxase tamén
editarWikimedia Commons ten máis contidos multimedia na categoría: Azurita  |