Mosfellsbær

Mosfellsbær


	Gearradh-arm no Seula

Suidheachadh

Dùthaich

Innis Tìle

Sgìre

Höfuðborgarsvæðið

Co-chomharran

64° 11' 9 Tuath
21° 37' 13 Iar

Feartan fiosaigeach

Farsaingeachd

185 km²

Àireamh-shluaigh

11,463 (2019)

Dlùths

61.96/km²

Àireamh fòn

+ 354

Duilleag oifigeil

Duilleag Oifigeil

'S e baile air an àirde an iar-dheas Innis Tìle a th' ann am Mosfellsbær. Tha e suidhichte faisg air Reykjavík, aig 52m os cionn ìre na mara,^[1] san roinn Höfuðborgarsvæðið (Roinn a' Phrìomh-bhaile), aig inbhir nan Aibhnichean Leirvogsá, Kaldakvísl agus Varmá, 58km air falbh bho Selfoss agus 371km bho Akureyri.^[2] Tha 11,463 duine a’ fuireach sa bhaile.^[3] 'S e an siathamh baile as motha na dùthcha an dèidh Reykjavík, Kópavogur, Hafnarfjörður, Akureyri agus Garðabær 's a th' ann am Mosfellsbær. Tha e a' buntainn dhan sgìre-phàrlamaid Suðvesturkjördæmi.^[4]

Eachdraidh

A rèir na sàgaichean, b' ann ann am Mosfellsbær a chaidh am bàrd Egill Skallagrímsson a thidholachadh:

Bein Egils voru lögð niður í utanverðum kirkjugarði að Mosfelli^[5]

(Chaidh cnàmhan Egil a thiodhlacadh taobh a-muigh cladh ann am Mosfell)

Cha robh ach mu 400 duine a' fuireach ann aig toiseach an 20mh Linn. B' ann an dèidh a' Chogaidh, nuair a dh'fhàg na daoine am fearann airson nam bailtean a thoisich Mosfellsbær ri fhàs. Ged a rugadh e shìos ann an Reykjavík, b' ann ann am Mosfellsbær a chuir Halldór Laxness a' mhòr-chuid dhen bheatha aige, agus far a chaochail e ann an 1998. Tha Gljufrasteinn - an taigh a thog e san sgìre - na thaigh-tasgaidh an latha an-diugh.^[6]