Na h-Eileanan Balèarach

Illes Balears


Bratach na Roinne	Gearradh-arm no Seula

Suidheachadh

Dùthaich

An Spàinn

Prìomh-bhaile

Palma de Mallorca

Stèidhichte

1833

Feartan fiosaigeach

Farsaingeachd

4,992 km²

Àireamh-shluaigh

1,106,049 (2014)

Dlùths

221.56/km²

Àireamh fòn

+ (971)

Duilleag oifigeil

Riaghaltas na Roinne

'S e buidheann de dh' eileanan a tha anns na h-Eileanan Balèarach^[1], na h-Eileanan Balèaric^[1] na h-Eileanan Balearic^[2], neo Na h-Eileanan Bailearach (Catalanais: Illes Balears, IPA: iʎəz bələˈas, Spàinntis: Islas Baleares). Tha iad suidhichte mu cheud cilemeatair bho chladach na Spàinne anns a' Mhuir Mheadhanaich. Tha iad a' gabhail a-steach mu cheud 's gu leth eilean gu lèir. Tha iad sgapte thar 5,014 cilemeatair ceàrnagach, eadar 40° 05' 17" agus 38° 40' 27" tuath agus 1° 17' 23" an ear. Tha ceithir eileanan mòra ann: Mallorca (Mallorca sa Catalanais), Menorca (Menorca), Ibiza (Eivissa), agus Formentera. A-rèir cùnntas shluagh anns a' bhliadhna 2006 bha 1,001,062 duine a' fuireach anns na h-eileanan gu lèir. Tha 1,239 km a dh'fhaid ann an oirthir na h-eileanan le pailteas tràighean freagarrach airson snàmh. Tha spòrsan mara agus bàtaichean air màl ann cuideachd. Mar sin tha roinn na turasachd gu math làidir anns na h-Eileanan Balèarach. Anns a' bhliadhna 2007 bha 13,27 millean neach turas a' tadhail orra, gu h-àraidh luchd turais às a' Ghearmailt (29,4 % neo 3,9 millean^[3]). Tha ceàird ann mar obair-gloinne, fuaigheal, àirneis, neamhnaidean-brèige, bèin, caisbheart, seudan, iarann toinnte agus nithean fiodh. 'S e iasg agus maorach nam biadh traidiseanta, tha annlann shònraichte ann air feòil chaorach agus muice. Tha isbeanan ionadail ann ris an canar sobrasada agus longanzia. Tha na h-Eileanan Balèarach nan ceàrn na Spàinne agus 's e Palma de Mallorca prìomh-bhaile nan Eileanan Balèarach. Tha da chànan oifigeil ann: Spàinntis agus Catalanais. Tha Oilthigh nan Eileanan Balèaric ann am Palma de Mallorca. Tha ochd puirt gnìomhachas ann agus nas motha na 40 port airson spòrs. Tha trì puirt adhair ann: Palma de Mallorca, Máhon agus Ibiza. Tha i na Coimhearsnachd fèin-riaghlaidh.

Na sgìrean as motha

Seo liosta de na sgìrean as motha a tha anns na h-Eileanan Balèarach:

Sgìre	Ainm Spàinnteach	Àireamh-shluaigh (2007)	Eilean
Palma	Palma de Mallorca	383.107	Mallorca
Calvià	Calviá	47.934	Mallorca
Eivissa	Ibiza	44.114	Ibiza
Manacor	Manacor	37.963	Mallorca
Llucmajor	Lluchmayor	33.222	Mallorca
Marratxí	Marrachí	31.120	Mallorca
Maó	Mahón	28.284	Menorca
Santa Eulària des Riu	Santa Eulalia del Río	28.361	Ibiza
Inca	Inca	28.306	Mallorca
Ciutadella	Ciudadela	28.017	Minorca
Sant Josep de sa Talaia	San José	20.136	Ibiza
Sant Antoni de Portmany	San Antonio Abad	19.889	Ibiza
Felanitx	Felanich	17.443	Mallorca
Alcúdia	Alcudia	17.435	Mallorca
Pollença	Pollensa	16.570	Mallorca
Sóller	Sóller	13.194	Mallorca
Sa Pobla	La Puebla	12.141	Mallorca
Son Servera	Son Cervera	11.392	Mallorca
Santanyí	Santañy	11.720	Mallorca
Capdepera	Capdepera	10.885	Mallorca
Andratx	Andraitx	10.939	Mallorca

Ceanglaichean a-muigh

Iomraidhean

↑ ^1.0 ^1.1 “Iùil cuairtean Culturach nan Roinnean Eòrpach”; Neach-foillseachaidh: Buidhne Stéidhichte airson Turasachd an AER”, foillsichte aig MACULART, S. A. , Barcelona, 1995, ISBN 84-87722-19-9
↑ Atlas Sgoile Oxford le Stòrlann Nàiseanta, Oxford University Press (2010)
↑ Iris „Mallorca Magazin – Spezial Berlin“, an t-Iuchar 2008, duilleag 6

Tha dealbhan ann an Wikimedia Commons cuideachd a tha ceangailte ris an aiste seo:

Na h-Eileanan Balèarach

Coimhearsnachdan agus Bailtean Fhèin-Riaghlach na Spàinne

Andalusia • Aragón • Asturias • Na h-Eileanan Balèarach • Na h-Eileanan Canàrach • Cantàbria • Castilla-La Mancha • Castilla y León • Catalòinia • Co-chomann València • Dùthaich nam Basgach • Extremadura • A' Ghàilis • Madrid • Melilla • Murcia • Nafarroa • La Rioja • Ceuta

[Iùil-1] 1.0 ^1.1 “Iùil cuairtean Culturach nan Roinnean Eòrpach”; Neach-foillseachaidh: Buidhne Stéidhichte airson Turasachd an AER”, foillsichte aig MACULART, S. A. , Barcelona, 1995, ISBN 84-87722-19-9

[2] Atlas Sgoile Oxford le Stòrlann Nàiseanta, Oxford University Press (2010)

[3] Iris „Mallorca Magazin – Spezial Berlin“, an t-Iuchar 2008, duilleag 6

[1]

[2]

[3]