Benny Andersson
Benny Andersson | ||
![]() | ||
![]() | ||
Benny Andersson yn 1974 | ||
persoanlike bysûnderheden | ||
echte namme | Göran Bror Benny Andersson | |
nasjonaliteit | ![]() | |
berne | 16 desimber 1946 | |
berteplak | Stockholm | |
wurkpaad | ||
sjenre | Pop, Folk | |
sjongtaal | Ingelsk, Sweedsk | |
ynstrumint | Akkordeon, Piano, Keyboard, Gitaar, Saksofoan, | |
grutste hit(s) | Waterloo, Fernando, Dancing Queen | |
jierren aktyf | 1964 - No |
Göran Bror Benny Andersson (Stockholm, 16 desimber 1946) is in Sweedsk sjonger en lietsjeskriuwer. Hy is bekend as ien fan de twa manlike sjongers fan de popgroep ABBA. Benny Andersson is de heit fan muzikant Peter Grönvall.
Karriêre
[bewurkje seksje | boarne bewurkje]![](http://upload.wikimedia.org/wikipedia/commons/thumb/f/fd/Benny_Andersson_2012-09-24_001.jpg/160px-Benny_Andersson_2012-09-24_001.jpg)
Benny Andersson begûn as seis jierrich jonkje mei akkordeon spyljen, syn heit en pake learden him dat ynstrumint te bespyljen. Doe't er tsien jier wie krige Andersson syn eigen piano en learde er himsels pianospyljen. As 15-jierrige begûn er op te treden yn jeugdklups. Begjin 1964 sleat Benny him oan by de Elverkets Spelmanslag ("De elektrysk bestjoerde folk muzyk groep"); de namme wie wurdboarterij ferwizend nei harren elektryske ynstruminten.
Hep Stars (1964–1969)
[bewurkje seksje | boarne bewurkje]Yn oktober 1964 kaam er by de Hep Stars as toetsenist. De band spile yn it begjin benammen covers fan ynternasjonale hits, mar Andersson begûn al gau syn eigen lietsjes te skriuwen. De band groeide út ta in bekende Sweedske popgroep út de jierren 60. Mei de Hep Stars brocht Benny Andersson fiif studio-albums en ien live-album út.
ABBA (1972–1982)
[bewurkje seksje | boarne bewurkje]Andersson moete Björn Ulvaeus yn de simmer fan 1966, de twa manlju begûnen tegearre ferskes te skriuwen, wêrfan't de earste Isn't It Easy To Say wie, úteinlik opnommen waard troch de Hep Stars. Hy hie ek in fruchtbere gearwurking op it mêd fan lietsjeskriuwen mei Lasse Berghagen, mei wa't er ferskate ferskes skreau. It ferske Hej, Clown waard ynstjoerd foar de finale fan it Sweedske Eurofyzje Sjongfestival fan 1969. It nûmer einige op it twadde plak. By dy wedstriid trof er sjongeres Anni-Frid Lyngstad, en al gau waarden se in keppel. Om deselde tiid hinne moete syn freon Björn Ulvaeus sjongeres Agnetha Fältskog. Doe't de twa keppels inoar begûnen te stypjen by opnamesesjes, kaam de popgroep ABBA ta libben.
De ynternasjonale trochbraak fan de groep kaam mei it winnen fan it Eurofyzje Sjongfestival foar Sweden mei it liet Waterloo op 6 april 1974. Yn de folgjende acht jier boekte popgroep wrâldwiid in soad sukses en skoarde in rige fan nûmer 1-hits. Mei ABBA brocht Benny Andersson njoggen studio-albums en twa live-album út.
Benny Anderssons Orkester (2001–no)
[bewurkje seksje | boarne bewurkje]![](http://upload.wikimedia.org/wikipedia/commons/thumb/e/e9/Benny_Andersson_Orkester.jpg/200px-Benny_Andersson_Orkester.jpg)
Nei ABBA, bleau Andersson lieten skriuwen mei Björn Ulvaeus. Under oaren foar musicals en films. Yn 2001 ûntstie út in gearwurking mei oare muzikanten it orkest Benny Anderssons Orkester in orkest mei sechstjin muzikanten dy't Sweedske folksmuzyk spylje. Mei de Benny Anderssons Orkester hat Benny Andersson oant no ta sân studio-albums en ien live-album útbrocht.
Priveelibben
[bewurkje seksje | boarne bewurkje]Andersson waard berne yn Stockholm, Uppland/Södermanland, Sweden, as earste yn in gesin fan twa, syn heit wie wurksum as sivyl ynzjenieur. Benny Andersson hat trije kear boaske west en wêrûnder trije jier mei Anni-Frid Lyngstad. Benny Andersson hat út dy trije relaasjes trije bêrn. Wêrûnder muzikant Peter Grönvall de âldste soan út syn earste houlik.
Diskografy
[bewurkje seksje | boarne bewurkje]Albums
[bewurkje seksje | boarne bewurkje]Musicals
[bewurkje seksje | boarne bewurkje]Musical | premjêre |
---|---|
Chess | 1984 |
Kristina från Duvemåla | 1996 |
Mamma Mia! | 1999 |
Hjälp sökes | 2013 |
Films
[bewurkje seksje | boarne bewurkje]Film | premjêre |
---|---|
Mio min Mio Mio, mijn Mio |
july 1987 |
Sånger från andra våningen | 6 oktober 2000 |
Du levande | 2007 |
Mamma Mia! | 30 juny 2008 |
Palme | 2012 |
Cirkeln | 10 febrewaris 2015 |
As gastmuzikant
[bewurkje seksje | boarne bewurkje]Single(s) | Album | Utbrocht yn | Mei band |
---|---|---|---|
Norsk export, Lindgrens Tivoli, Bälter Svens paradpolkett, Kvesjøvalsen |
Orsa spelmän | 1988 | Orsa spelmän |