Méxicu

Estados Unidos Mexicanos
Estaus Unius Mejicanus

(En detalli) (En detalli)
Lema nacional: (non tien)
Luenga oficial	Español1
Capital	Ciá de Méjicu
Presienti el guviernu	Felipe Calderón Hinojosa
Cumprimentu  - Total  - % augua	Puestu 14º 1.984.375 qm² 1,04%
Puebración  - Total (2007)  - Densiá	Puestu 14º 1.984.375 88,3 ab/qm²
PIB  - Total (2005)  - PIB/capita	Puestu 14º 1.026.340 millonis de US$ 24.803 US$
Monea	pesu ($, $MX)2
Zona orária  en vranu	CET (UTC-1)3 CEST (UTC-2)3
Inu	Inu nacional mejicanu
Domiñu Internet	.mx
Coigu telefónicu	+52
Miembru de: ONU, OTAN, OCDE, OSCE
1 Méjicu non tien luenga oficial. Las leis mejicanas izin que las 62 luengas endígenas que se palran mas el español son válias.

Estaus Unius Mejicanus [ɛ^ht^hɑw zuˈniw^ɦ mɛɦiˈkanʊ^h] u tamién Méjicu [ˈmɛɦikʊ] es un país assitiau en América el Norti. Está hormau pol 32 estaus, un destritu federal i angunus otrus territórius insularis. Es una repúbrica presiencialista i federal.

Origin el su nombri

El nombri de Méjicu provién de la luenga nahuatl. La idea mas comun es que senifica en estremeñu Lugal nel ombrigu la luna. Otra prupuesta izía qu'el nombri ebía senifical Lugar de Mexihtli, es izil, de Huitzilopochtli, pues Mexihtli era uno de los sus nombris alternativus. Esti era un dios de los astecas.

Gobielnu i política

Estaus Unius Mejicanus es una repúbrica costitucional, presiencial i federal. El su gobielnu tien unus poeris limitaus, numeraus ena Costitución los Estaus Unius Mejicanus. El Pudel Ejecutivu Federal residi ena Presiencia de la Repúbrica. Es ejerciu por el presienti, jefi d'Estau i de gobielnu al mesmo tiempu. El presienti tien la facultá de nombral a los tetularis de las secretarias d'Estau, que son por essu entegrantis del gabineti presiencial. El mandatu del presienti dura namás seis añus, i no dessisti la posibiliá de releción ni vicepresienti. Nel casu que un presienti de la Repúbrica no puea acabijal el su mandatu, la presiencia enterina quea en manos de la pressona electa por el Congreso, o nel su caso, por la Comisión Permanente. Dendi el 1 diziembri del añu 2006, esti cargu es ejerciu por Felipe Calderón Hinojosa.

Geografia

La geografia el área continental es acientá ena zona de ponienti i salienti, ondi están assitiás las Montañas de la Sierra Mairi Ociental. Ena zona noresti si localizan la Sierra Mairi Oriental i ena región suroesti esmiença la Sierra Mairi el sul.

Al norti las dos sierras continentalis s'ajuntan con Estaus Uñius i esmiençan Las Rocallosas; al Sul chocan con l'Oceanu Pacíficu i hazi lindi con Guatemala i Belici; al Esti s'alcuentra el Golfu de Méjicu, i al Oesti, el Océanu Pacíficu.

Frora i fauna

Gran parti el su territóriu tien arvus pa esprotación maeera, comu el pinu i el cedru. Tamién ai grandis disiertus i bosquis.

La fauna es comparanti a la d'Estaus Unius: Osus, lobus, coyotis, lionis americanus, pumas, pavus bravius... I nel sul del país tamién mu aparecia a los paisis de América Central comu jaguaris, monus, quetçalis, guacamayus, tigriyus, ec... Comu es un país mu grandi, ai albonda varieá de espéciis polos cámbius entri climis deferentis.

Devisión política

Méjicu está deviiu en 31 estaus i un distritu federal, ca estau está deviia en várias municipius i el distritu federal en 16 delegacionih

Códigu	Estado	Capital
AGS	Aguascalientes	Aguascalientes
BC	Baja California	Mexicali
BCS	Baja California Sur	La Paz
CAM	Campeche	San Francisco de Campeche
CHIS	Chiapas	Tuxtla Gutiérrez
CHIH	Chihuahua	Chihuahua
COA	Coahuila	Saltillo
COL	Colima	Colima
DGO	Durango	Victoria de Durango
GTO	Guanajuato	Guanajuato
GRO	Guerrero	Chilpancingo
HGO	Hidalgo	Pachuca
JAL	Jalisco	Guadalajara
MEX	Méjicu	Toluca
MICH	Michoacán	Morelia
MOR	Morelos	Cuernavaca
NAY	Nayarit	Tepic
NL	Nuevu León	Monterrey
OAX	Oaxaca	Oaxaca
PUE	Puebla	Puebla de Zaragoza
QRO	Querétaro	Santiago de Querétaro
SLP	San Luis Potosí	San Luis Potosí
SIN	Sinaloa	Culiacán
TAB	Tabascu	Villahermosa
TAMS	Tamaulipas	Ciá Victoria
TLAX	Tlaxcala	Tlaxcala de Xicoténcatl
VER	Veracruz	Xalapa
YUC	Yucatán	Méria
ZAC	Zacatecas	Zacatecas
DF	Distritu Federal	----

Luengas

En Méjicu ái 63 luengas oficialis, peru no en tol territóriu. El español es palráu pol 98% la puebración en tol país.