Manchester United Football Club

Manchester United Football Club
Datuak
Izen ofiziala	Manchester United Football Club, Newton Heath LYR Football Club eta Newton Heath Football Club
Mota	futbol-kluba, negozioa, men's association football team (en) eta kapital irekiko enpresa
Herrialdea	Erresuma Batua
Izengoitia	The Red Devils eta Setan Merah
Liga	Premier League
Estadioa	Old Trafford: Trafford (en) ; 53°27′47″N 2°17′29″W / 53.463055555556°N 2.2913888888889°W ; 75.731
Agintea
Lehendakaria	Joel Glazer (en) eta Avram Glazer (en)
Entrenatzailea	Ruud van Nistelrooy
Egoitza nagusi	Manchester; 53°27′46″N 2°17′28″W / 53.4628°N 2.2911°W;
Legezko forma	private company limited by shares (en)
Jabea	Manchester United Limited (en) eta Ineos (en)
Babeslea	TeamViewer (en) , Tezos (en) , DXC Technology (en) , Chevrolet, Adidas eta Cadbury (en)
Zeren jabe	The Cliff (en) , Manchester United Radio (en) , Old Trafford eta Trafford Training Centre (en)
Balore-burtsa	New Yorkeko burtsa
Historia
Sorrera	1878
Sortzailea	Lancashire and Yorkshire Railway (en)
Jasotako sariak	BBC Sports Personality Team of the Year Award (1999) ; BBC Sports Personality Team of the Year Award (1968) ; Laureus World Sports Award for Team of the Year (2000)

	Etxekoa

	Kanpokoa
	webgune ofiziala;

Manchester United Football Club Ingalaterra eta Europako futbol talde ospetsuenetakoa da, Manchester hirikoa. Izan ere, Premier League txapelketa 19 aldiz eta Txapeldunen Liga hirutan irabazi ditu. Jokalari gehienak harrobian sortzeko politikak arrakasta handia eman dio klubari hainbat etapatan. The Red Devils ("deabru gorriak") ezizenarekin ezagutzen dira Unitedeko jokalariak.

Hiriko beste talde handia den Manchester Cityrekin (the Citizens) lehia estua du.

Historia

Sorrera eta hasierako urteak

1878an sortu zuten kluba Lancashire and Yorkshire Railway tren konpainiako futbol taldea bezala. Hasieran konpainia bereko taldeen artean jokatu zituzten partidak. 1893an lehen mailan hasi zen jokatzen baina diru arazoen erruz 1902an desagertu egin behar zuen taldeak eta izena aldatzea erabaki zuen, Manchester United Football Club.

1908an irabazi zuen lehenengo Liga eta 1909an Kopa. 1911ean berriz ere Liga irabazi zuen garai hartako talde indartsu bihurtuz, baina Lehen Mundu Gerraren ondoren taldearen gainbehera etorri zen 1922an maila galdu arteraino. 30. hamarkadan yo-yo taldea bihurtu zen, hainbat igoera eta jaitsiera jarraian izan baitzituen.

Matt Busby: lehenengo urrezko aroa

Bigarren Mundu Gerra bukatu berritan taldeak Matt Busby entrenatzailea fitxatu zuen 1969 arte taldearen buru izango zena. 1948an Kopa irabaztearekin taldearen "urrezko aroari" hasiera eman zion. 50. hamarkadan hiru liga irabazi zituen eta talde garaiezina osatu zuen baina 1958ko otsailaren 6an taldeak Munichera bidean zihoala hegazkin istripua izan zuen eta garaipen bolada hori bat-batean eten zen. 23 pertsona hil ziren, hauetako 8 taldeko jokalari mitikoak: Geoff Bent, Roger Byrne, Eddie Colman, Duncan Edwards, Mark Jones, David Pegg, Tommy Taylor eta Billy Whelan. Aipatzekoa da 1957an Bilboko Athletic Klubak elurpean Manchesterren aurka jokaturiko partida mitikoa.

Matt Busbyk 60. hamarkadan taldea berriz osatu behar izan zuen. 1963an Kopa, 1965 eta 1967an Ligak eta azkenik 1968an lehenengo Europako Kopa, talde ingeles batez lortzen zuen lehena gainera. Busbyk 1969an utzi zion entrenatzaile izateari 24 urteren ondoren. Hurrengo urteetan ez zuen maila bera lortu eta 15 urtetan Ingalaterrako hiru Kopa baino ez zituen lortu.

Alex Ferguson: bigarren urrezko aroa

1986an Alex Ferguson entrenatzaile eskoziarrak hartu zuen taldearen ardura eta 1991ean Europako bigarren titulua eskuratu zuen, Errekopa hain zuzen ere. Hilabete batzuk beranduago Europako Superkopa ere irabazi zuen. 1992an Premier League txapelketa berria abiarazi zen eta Manchester bihurtu da talde nagusia. Jokatu diren 21 ekitaldietatik 13 irabazi ditu, Ingalaterrako Ligako palmares nagusian Liverpool FC bera ere gainditu duelarik.

Txapeldunen Liga ere bi aldiz irabazi du 1999 eta 2008an eta bietan Kontinente arteko Futbol Kopa ere irabazi zuen. 2009 eta 2011ea ere finalera iritsi zen, biak FC Barcelonaren aurka galdu bazituen ere.

Bolada honetan ekonomikoki oso indartsu ibili da Manchester United. Hori dela eta, batek baino gehiagok erosi nahi izan du taldea. Lehenengoa Rupert Murdoch izan zen, baina gobernuak operazioa galarazi zuen. 2005ean, halere, Malcolm Glazer-ek, polemikak polemika, erosi egin zuen.

2013tik aurrera

Alex Fergusonek 2013ko maiatzean utzi zuen taldea eta David Moyes fitxatu zuen. Denboraldi eskasa izan zuen, izan ere ligan 7. postuan gelditu eta ez zen Europako txapelketetarako sailkatu. 2014ko uztailean Louis van Gaal etorri zen baina taldeak antzera jarraitu zuen. 2016an ere bosgarrena izan zen Ligan baina Ingalaterrako Kopa eskuratu zuen. 2017an José Mourinho entrenatzaile zuela eta Ligan apal ibili ondoren Europa League irabazi du finalean Amsterdamgo Ajax 2-0 garaituz.

Uniformea

XIX. mendean hainbat kolore desberdin izan zituen. 1902an erabili zituen elastiko gorria eta galtza zuriak lehen aldiz. 1922 eta 1927 artean ekipamendu zuria izan zuen, hau izan zen aurrerantzean kolore klasikoak erabiliko ez zituen aldi bakarra.

Historikoa

Hona hemen Manchester Unitedek historian zehar erabili dituen uniformeak^[1]:





1879-1880, 1986-1902





1880-1887





1887-1893





1893-1894





1894-1896





1902-tik aurrera





1922-1927

Azken urteak





2013-2014





2014-2015





2015-2016





2016-2017





2017-2018





2018-2019





2019-2020





2020-2021





2021-2022





2022-2023

2024/2025 Taldea

2024ko abuztuaren 13ean eguneratua.

Zbk.	Postua	Jokalaria
1	ATE	Altay Bayındır
2	ATZ	Victor Lindelöf
3	ATZ	Noussair Mazraoui
4	ATZ	Matthijs de Ligt
5	ATZ	Harry Maguire
6	ATZ	Lisandro Martínez
7	ERD	Mason Mount
8	ERD	Bruno Fernandes
9	AUR	Rasmus Højlund
10	AUR	Marcus Rashford
11	ATZ	Joshua Zirkzee
12	ATZ	Tyrell Malacia
14	ERD	Christian Eriksen
15	ATZ	Leny Yoro
16	AUR	Amad Diallo
17	ERD	Alejandro Garnacho
18	ERD	Casemiro
20	ATZ	Diogo Dalot
21	AUR	Antony
22	ATE	Tom Heaton

Zbk.	Postua	Jokalaria
23	ATZ	Luke Shaw
24	ATE	André Onana
25	AUR	Jadon Sancho
28	AUR	Facundo Pellistri
35	ATZ	Jonny Evans
36	ERD	Ethan Wheatley
37	AUR	Kobbie Mainoo
39	ERD	Scott McTominay
41	ATZ	Harry Amass
43	AUR	Toby Collyer
44	AUR	Dan Gore
46	AUR	Hannibal Mejbri
52	ATZ	Joe Hugill (Wigan Athletic-i maileguan 2025eko ekainaren 30era arte)

Irabazitako txapelketak

Ingalaterran: 57

Premier League (19) :
- 1907-08, 1910-11, 1951-52, 1955-56, 1956-57, 1964-65, 1966-67, 1992-93, 1993-94, 1995-96, 1996-97, 1998-99, 1999-00, 2000-01, 2002-03, 2006-07, 2007-08, 2008-09, 2010-11
Ingalaterrako Kopa (13) :
- 1909, 1948, 1963, 1977, 1983, 1985, 1990, 1994, 1996, 1999, 2004, 2016, 2024
Ingalaterrako Ligako Kopa (6) :
- 1992, 2006, 2009, 2010, 2017, 2023
Ingalaterrako Superkopa (20) :
- 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007, 2008, 2010, 2011, 2012
- (* Elkarbanatuak)

Nazioartean: 8

Kontinente arteko Futbol Kopa

Txapelduna (1): 1999.
Finalista (1): 1968.

FIFAren Kluben arteko Munduko Kopa

Txapelduna (1): 2008.

Txapeldunen Liga

Txapelduna (3) : 1968, 1999, 2008
Finalista (2): 2009, 2011

Europa League

Txapelduna (1): 2017.

Europako Errekopa

Txapelduna (1): 1991

Europako Superkopa

Txapelduna (1): 1991
Finalista (3): 1999, 2008, 2017

Lagunartekoak

International Champions Cup (1): 2014

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa eta FIFA Kluben arteko Kopa	1968	Estudiantes de La Plata	1-0 , 1-1	Manchester United
	1999	Manchester United	1-0	SE Palmeiras
	2008	Manchester United	1-0	Liga de Quito
Europako Kopa eta Txapeldunen Liga	1967-68	Manchester United	4-1	SL Benfica	Londres
	1998-99	Manchester United	2-1	FC Bayern Munich	Bartzelona
	2007-08	Manchester United	1-1 (pen:6-5)	Chelsea FC	Mosku
	2008-09	FC Barcelona	2-0	Manchester United	Erroma
	2010-11	FC Barcelona	3-1	Manchester United	Londres
Europako Superkopa	1991	Manchester United	1-0	Belgradeko Izar Gorria
	1999	SS Lazio	1-0	Manchester United
	2008	Zenit San Petersburgo	2-1	Manchester United
	2017	Real Madril	2-1	Manchester United
UEFA Europa League	2016-17	Manchester United	2-0	Ajax Amsterdam
Europako Errekopa	1990-91	Manchester United	2-1	FC Barcelona

Jokalariak

Bobby Charlton (1954-1973), erdilari-aurrelaria. Unitedekin gol gehien sartu duen inoizko jokalaria eta partida gehien aritutako bigarren jokalaria da.
George Best (1963–1974), erdilaria.
Mark Hughes (1980-1986 eta 1988–1995), aurrelaria.
Ryan Giggs (1990-), erdilaria. Partida gehien ibilitako jokalaria da.
Ruud van Nistelrooy (2001-2006), aurrelaria.
Wayne Rooney (2004-), aurrelaria.

Entrenatzaileak

Alex Ferguson (1986-2013), txapelketa gehien irabazi izan duena.
David Moyes (2013-2014)

Euskal taldeen aurkako partidak

Hauek dira Europako txapelketa ofizialetan Manchester Unitedek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1956-57	Europako Kopa	Final laurdenak	Athletic Manchester Utd.	5-3 3-0	Manchester Utd. Athletic
2011-12	UEFA Kopa	Final zortzirenak	Manchester Utd. Athletic	2-3 2-1	Athletic Manchester Utd.
2013-14	Txapeldunen Liga	Multzokako fasea	Manchester Utd. Real Sociedad	1-0 0-0	Real Sociedad Manchester Utd.
2020-21¹	UEFA Europa League	Final 1/16	Real Sociedad Manchester Utd.	0-4 0-0	Manchester Utd. Real Sociedad
2022-23	UEFA Europa League	Multzokako fasea	Manchester Utd. Real Sociedad	0-1 0-1	Real Sociedad Manchester Utd.

¹ 2020-21 denboraldiko joaneko partida Turinen jokatu zen, COVID-19 pandemiaren eraginez Erresuma Batuko biztanleek Espainiar estatura sartzeko debekua baitzuten^[2].