Bere ibilbidea Gasteizko San Viator taldean hasi zuen, 2009an Deportivo Alaveseko harrobira jauzi egin zuen arte. 2011n Lakua KEra joan zen. 2012an Gasteizko Ariznabarra KEra pasa zen eta hurrengo hiru kanpainak bertan jokatu zituen. 2015ean Bilboko Santutxu FK taldearekin proba bat egiteko eskaintza egin zuen, Bizkaiko futbolean maila handiagoa ikusten zuelako. Azkenean, proba hori gainditu ondoren, Ibai Gómez futbolariak entrenatzen zuen "C" Gaztean sartu zen.[1] Denboraldi bikaina egin ostean, Athleticek fitxatu eta hirugarren mailako Baskonian hasi zen.[2] 2017-18 denboraldian, Baskonia eta Bilbao Athletic tartekatu zituen, eta lehen taldeko deialdietan ere sartu zen: Jose Angel Zigandak zuzentzen zuena, liga txapelketaren azken jardunaldirako deitu zion.[3] Hurrengo denboraldian ezinbesteko bilakatu zen filialean eta urte hartako lehen taldeko denboraldi-aurrean parte hartu zuen.[4] 2019ko maiatzaren 29an, Bilbao Athleticeko beste lau jokalarirekin batera, Euskal Herriko selekzioarekinPanamaren aurkako lagunarteko batean debuta egin zuen.[5] 2020ko abuztuaren 12an, kontratua 2023ra arte berritu eta egun batera, Mirandesi utzi zioten denboraldi baterako.[6][7]
Araba, Euskal Herria
.png){kind=small}
Datuak: Q63368196