Milton Nascimento

Milton Nascimento
Persona informo
Naskiĝo	26-an de oktobro 1942 (81-jaraĝa); en Rio-de-Ĵanejro
Lingvoj	portugala • brazilportugala
Ŝtataneco	Brazilo
Okupo
Okupo	kantisto ; diskografa artisto ; pianisto ; gitaristo ; komponisto ; muzikisto
TTT
Retejo	http://www.miltonnascimento.com.br
	v • d • r

Milton Nascimento (* 26-an de oktobro 1942 en Rio-de-Ĵanejro, Brazilo) estas brazila muzikisto, kiu validas kiel plej prega persono de la Muziko Populara Brazila.

Vivo

Nascimento alkreskis en Laranjeiras kaj Tijuca. En la aĝo de kelkaj monatoj lin adoptis geedzoj, por kiuj laboris lia patrino. La edukaj gepatroj estis Josino Brito Campos, bankisto, matematik-instruisto kaj elektroteknikisto, kaj Lília Silva Campos, muzikinstruistino. Kiam li aĝis dek ok monatojn, lia natura patrino mortis, kaj li transloĝiĝis kun siaj edukaj gepatroj al Três Pontas en Minas-Ĝerajso.

Komence de sia kariero Milton Nascimento muzikis en la sambo-ensembloj Evolussamba kaj Sambacana. En 1963 li iris al Belo Horizonte. Sia amikeco kun la fratoj Borges peris al li kontakton en la movado Clube da Esquina. Lin malkovris Eumir Deodato okaze de kantfestivalo proks. 1968. La rekomendo de Deodato al ĵazproduktisto Creed Taylor (fondinto de la diskeldonejo i.a. CTI kaj Impulse!) rezultigis la muzikalbumon „Courage“.

Lia muziko baziĝas sur bosanovo. Nascimento famas pro sia falsetokantado kaj la granda tonamplekso de sia voĉo. En Brazilo li reprezentas tiel popularajn kantojn kiel „Canção da América“ kaj „Coração de Estudante“. La teksto de „Coração de Estudante“ memorigas la entombigon de studento Edson Luís, kiun en 1968 mortigis policoficiro. La kanto fariĝis en 1984 himno de la movado por demokratiaj balotoj en Brazilo kaj estis ludata je la entombigo de Tancredo Neves, unua libere elektita prezidanto post la militista diktaturo.

Internacian trarompon li sukcesis per siaj prezentadoj kun ĵazsaksofonisto Wayne Shorter. En 1974 li muzikis kun li por la produktado de la albumo Native Dancer. Dumpase de sia li prezentis kun Jorge Ben, Caetano Veloso, Chico Buarque, Gilberto Gil kaj internaciaj steluloj kiel Paul Simon, James Taylor, Peter Gabriel, Herbie Hancock, Quincy Jones kaj Pat Metheny. Pro lia amikeco kun gitaristo Warren Cuccurullo en 1993 ekestis kunlaboro kun Duran Duran. Milton Nascimento, kiu estis kandidatigita en 1991, 1995 kaj 1998 por Grammy, gajnis unu en 1998 laŭ la kategorio Plej Bona Mondmuzika Albumo.