Kravany nad Dunajom
Kravany nad Dunajom, hungare Karva estas vilaĝo en Slovakio en regiono Nitra, en distrikto Komárno.
- Areo: 16 km2
- Loĝantaro: 750
- Alto super marnivelo: 111 m
- Poŝtkodo: 946 36
- Telefonprefikso: 0 35
Situo
[redakti | redakti fonton]La vilaĝo situas sur ebenaĵo, laŭ traira flankovojo, laŭ maldekstra bordo de Danubo. Kontraŭe troviĝas Lábatlan. La plej proksimaj urboj estas Komárno 29, Štúrovo 20 km-ojn for. La loko estas bona trapasejo tra Danubo.
Historio
[redakti | redakti fonton]La vilaĝo estis loĝata dum la neolitiko, baldaŭe romianoj setlis. La unua mencio devenis el 1245 en formo Korva. Dum la turkoj la vilaĝo senhomiĝis. En 1707 okazis malgranda batalo, la Habsburgoj venkis armeon de Francisko Rákóczi la 2-a poste bruldetruis la vilaĝon. Pesto okazis en 1711.
En 1910 loĝis tie 957 da homoj, plejparte hungaroj. Ĝis 1919 la vilaĝo apartenis al Esztergom (reĝa departemento), al distrikto de Párkány. La vilaĝo trovis sin en Ĉeĥoslovakio ekde 1920. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito parto de la hungaroj estis deportitaj, la restintaj iĝis senrajtaj laŭ Dekretoj de Beneš. En 2001 loĝis tie 789 da homoj (639 hungaroj kaj 138 slovakoj).
En la vilaĝo 2 faklernejoj funkcias. Inter Kravany nad Dunajom kaj Lábatlan ŝipeto trafikas.
Vidindaĵoj
[redakti | redakti fonton]- postromanika preĝejo omaĝe al Beata Dipatrino de 1232, en la 18-a jarcento barokiĝis, en 1936 renovigita
- kastelo kun parko de 1908, nun faklernejo
- kastelo de Szarvassy (sarvaŝi) el la 18-a jarcento, nun faklernejo
- nobeldomo de Kosztics (kostiĉ) el la 18-a j.c., en 1904 pligrandigita
- kastelo de Kuzmik de 1908
- nobeldomo de Botka de ĉirkaŭ 1880
- ŝtona skulptaĵo de Johano Nepomuka de 1843