Ĝermolisto de nederlandaj esperantistoj

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

A

G. Abbas-de Hoop

G. ABBAS-DE HOOP (naskiĝis en 1917, mortis la 31-an de oktobro 1995 en Groningen) estis nederlanda esperantistino kaj, same kiel sia edzo forpasinta en 1995, dumviva membro kaj mecenato de UEA.

B

P. W. Baas

P. W. Baas [bas] (naskiĝis la 9-an de junio 1894 en Winschoten, mortojaro ne konata) estis nederlanda instruisto kaj prezidanto de LEEN inter oktobro de 1931 kaj oktobro 1933, redaktoro de Nederlanda Esperantisto inter januaro 1932 kaj oktobro 1933.

W. A. Bakker-Smith

W. A. BAKKER-SMITH (naskiĝis en 1899, mortis la 22-an de junio 1994 en Amsterdamo) estis longtempa membro de UEA.

Paul van den Berg

Paul van den BERG (naskiĝis en 1931, mortis 15-an de julio 1999 en Heemskerk) estis instruisto pri la angla kaj Esperanto kaj prezidinto (1975-1988) de la Nederlanda Societo de Blindaj kaj Malfortevidantaj Esperantistoj.

Nella Boon

Nella Boon estis esperantistino en Nederlando en la komenco de 20-a jarcento.

Verko:

• Nederlanda Kantaro Esperantista. Hago, eldonejo Espero, 1910?

Mathilde Borret

Mathilde Borret estis esperantistino en Nederlando. Ŝi partoprenis la katolikan movadon ĉe Nederlanda Katolika Esperantista Ligo de kies estraro ŝi partoprenis 1933.

Tradukoj:

• Kie estas la eklezio de Kristo. De v. d. Hagen, S. J. , el la nederlanda trad. f-ino M. Borret, 1912, 160 p. Kun eklezia aprobo.

	„ Tre disvastigita verko en Nederlando. Vere ora libreto por ĉiuj, kiuj senpartie deziras ekkoni la katolikan eklezion. ” — W. v. ZON.

H. Bouman

H. BOUMAN (naskiĝis en 1920, mortis en 1999 en Roterdamo), estis dumviva membrino en UEA kaj multajn jarojn aktiva parto de la loka Esperanto-grupo en Roterdamo.

Ineke Bourguignon-Slis

Ineke BOURGUIGNON-SLIS estas nederlanda esperantistino. Inter 1991 kaj 2001 ŝi kantis en la nurvoĉa esperanta muzikgrupo Akordo, kaj multfoje prezentiĝis sceneje en esperantistaj eventoj dum 20 jaroj, ĝis kiam la grupo finis aktivajn koncertojn en 2008. Tamen ankoraŭ daŭras publikigoj de sondosieroj. Ekzemple en aprilo 2018 el la eldonejo Vinilkosmo en suda Francio lanĉiĝis bita reeldono de la unua albumo de la grupo, Muzikpluvo, kun du kromaj trakoj. La esperantisto kaj komputikisto Hardo Bourguignon estas ŝia edzo.

Gerrit J. Brons

Gerrit J. BRONS (naskiĝis en 1926, mortis la 12-an de novembro 2004) estis delegito de UEA en Maassluis.

Adrianus Bus

Adrianus N. BUS (naskiĝis en 1913, mortis la 15-an de aprilo 2000) estis dum 45 jaroj delegito de UEA en Bussum.

Hans Martin Butter

Hans Martin BUTTER (naskiĝis en 1931, mortis la 11-an de junio 2004 post longa malsano) estis dumviva membro de UEA en Amsterdamo.

C

I. Cade

I. Cade estis aktiva esperantisto en komenco de 20-a jarcento. Laŭ lia iniciato fondiĝis Esperanto-klubo en Haago 1906.

G. E. Cannemeyer-Hoogland

G. E. CANNEMEYER-HOOGLAND (naskiĝis en 1912, mortis la 25-an de junio 1995 en Zwolle) Ŝi estis dumviva membro de UEA.

D

Ramie Dittlof Tjassens-Lips

Ramie DITTLOF TJASSENS-LIPS (naskiĝis en 1903, mortis en 1991 en Hago) estis dumviva membro de UEA kaj fakdelegito pri gastigado.

Johanna Douma-van Wisse

Johanna DOUMA-VAN WISSE (naskiĝis en 1918, mortis la 19-an de aŭgusto 2004) estis multjara membro de UEA en Zutphen.

Jenneke Dunnewold-Ehrmann

Jenneke DUNNEWOLD-EHRMANN (naskiĝis en 1904, mortis la 3-an de aprilo 1998 en Hago) estis dumviva membro de UEA kaj mecenato.

E

Pieter Elbers

Pieter Gerhard Marie Elbers (naskiĝis la 12an de decembro 1940 – mortis la 05an de aprilo 2024) estis nederlanda esperantisto.

Gerard Ellerman

Gerard ELLERMAN (naskiĝis en 1913, mortis la komenciĝon de novembro 1995) estis esperantisto ekde 1933, aktiva en katolikaj kaj Amsterdamaj Esperanto-rondoj, sekretario de nederlanda ekzamenkomitato, delegito pri katolikismo dum 36 jaroj.

G

Pieter Genesis

Pieter GENESIS (1913 - mortis en decembro 1992) estis fakdelegito de UEA pri maŝinoj kaj pesiloj en Eindhoven (Nederlando).

Frans Goedhart

Frans GOEDHART (naskiĝis en 1922, mortis la 13-an de januaro 1993 en Driebergen, Nederlando) estis UEA-fakdelegito pri naturismo.

M. C. J. van der Graaf

M. C. J. van der GRAAF naskiĝis en 1903 kaj mortis la 19-an de februaro 1998 en Dordrecht (Nederlando). Ŝi estis membro de UEA dum 50 jaroj, kaj fine dumviva membro.

H

J. de Haan

J. de HAAN estis nederlanda esperantisto. Li estis kunfondinto de la unua Esperanto-grupo en Amsterdamo en 1905, funkciis kiel redaktoro de la gazeto Amsterdama Pioniro kaj poste inter 1908 kaj 1909 de la gazeto Holanda Pioniro. Intense li varbis por Esperanto kaj aranĝis multajn kursojn.

H. L. Hartog

H. L. HARTOG (mortis 59-jara la 23-an de marto 1970) estis nederlanda esperantisto, fak-delegito por turismo en Volendam. Li estis konata aktivulo kaj malnova membro de UEA.

Aafke Haverman

Aafke HAVERMAN estis esperantisto el la dua duono de la 20-a jarcento, pri kiu oni laŭ la ĝisnuna stato scias nenion krom ke li kunlaboris en la Geografia Revuo, revuo de la Internacia Geografia Asocio, faka asocio de esperantlingvaj geografoj, kiu funkciis precipe dum la 1950-aj kaj 1960-aj jaroj kaj havis sian sidejon en Beogrado.

Gerrit van Heek

Gerrit van HEEK (naskiĝis la 12-an de aŭgusto 1887 en Hengelo) estis nederlandano kaj kontoristo. Esperantisto de 1910. Terenoj de lia Esperanto-laboro estis komerco, lernejo kaj radio. Finance li subtenis multajn gazetojn, organizojn kaj entreprenojn.

Johanna M. van den Hengel

Johanna M. van den HENGEL (naskiĝis en 1908, mortis la 28-an de aprilo 1995 en Roterdamo) estis dumviva membro de UEA, vicdelegitino dum kvarona jarcento en Roterdamo, kaj sekretario de la loka klubo "Merkurio".

Titia Heukers

Titia Heukers estis nederlanda esperantisto dum la unua duono de 20-a jarcento.

Verko:

• Nut en Noodzaak van Esperanto. Eld. Holanda Esperanta Oficejo, Eemnes, 1926, 32 pĝ.

	„ Holandlingva pledo por nia lingvo, kiu certe konvinkos multajn personojn. ” — Belga esperantisto n144 (feb 1927)

Rineke Hoens

Rineke HOENS estas nederlanda esperantistino. En 1988 ŝi estis inter la fondaj membroj de la nurvoĉa esperanta muzikgrupo Akordo, kaj multfoje prezentiĝis sceneje en esperantistaj eventoj dum 20 jaroj, ĝis kiam la grupo finis aktivajn koncertojn en 2008. Tamen ankoraŭ daŭras publikigoj de sondosieroj. Ekzemple en aprilo 2018 el la eldonejo Vinilkosmo en suda Francio lanĉiĝis bita reeldono de la unua albumo de la grupo, Muzikpluvo, kun du kromaj trakoj.

Sander van Huijzen

Sander van HUIJZEN estas nederlanda esperantisto. En 1988 li estis inter la fondaj membroj de la nurvoĉa esperanta muzikgrupo Akordo, kaj multfoje prezentiĝis sceneje en esperantistaj eventoj dum 20 jaroj, ĝis kiam la grupo finis aktivajn koncertojn en 2008. Tamen ankoraŭ daŭras publikigoj de sondosieroj. Ekzemple en aprilo 2018 el la eldonejo Vinilkosmo en suda Francio lanĉiĝis bita reeldono de la unua albumo de la grupo, Muzikpluvo, kun du kromaj trakoj.

Rudolphus Henricus Homulle

Rudolphus Henricus HOMULLE (naskiĝis la 20-an de junio 1887 en Amsterdamo) estis nederlandano kaj direktoro de stenografia instituto. Kreinto de nederlanda stenografisistemo (Nationaal Eenheids Kortschrift). Iniciatis la unuan grupon en Amsterdamo en 1905 kaj katolikan grupon en 1910. Li tradukis broŝuron de Théophile Cart "Unu horo de Esperanto".

Hil Hamers-Houtman

Hil HAMERS-Houtman (naskiĝis en 1924, mortis la 3-an de novembro 2001) estis konata nederlanda esperantistino kaj naturamikino.

K

IJntje Pals Kingma

IJntje Pals KINGMA (naskiĝis en 1891, mortis en septembro 1980) estis multjara membro, delegito kaj fakdelegito de UEA en Bergum, Nederlando.

G. H. Koudijs

G. H. KOUDIJS (naskiĝis en 1883, mortis la 4-an de julio 1989 en Utrecht, Nederlando) estis esperantisto de pli ol sesdek jaroj kaj fidela membro de UEA. Li aktivis por la lingvo ĉe sia metilernejo, landnivele kaj internacie.

Jan Kuster

Jan KUSTER (naskiĝis en 1920, mortis en 2002) estis nederlanda esperantisto, fakdelegito de UEA pri ornitologio kaj kasisto de ORE, aktiva kursgvidanto kaj movadano.

L

W. van der Ley

W. van der LEY estis esperantisto el la dua duono de la 20-a jarcento, pri kiu oni laŭ la ĝisnuna stato scias nenion (eĉ ne la ekzaktan personan nomon) krom ke li kunlaboris en la Internacia Geografia Asocio, faka asocio de esperantlingvaj geografoj, kiu funkciis precipe dum la 1950-aj kaj 1960-aj jaroj kaj havis sian sidejon en Beogrado.

M

Marwine van der Molen

Marwine van der MOLEN estas nederlanda esperantistino. En 1988 ŝi estis inter la fondaj membroj de la nurvoĉa esperanta muzikgrupo Akordo, kaj multfoje prezentiĝis sceneje en esperantistaj eventoj dum 20 jaroj, ĝis kiam la grupo finis aktivajn koncertojn en 2008. Tamen ankoraŭ daŭras publikigoj de sondosieroj. Ekzemple en aprilo 2018 el la eldonejo Vinilkosmo en suda Francio lanĉiĝis bita reeldono de la unua albumo de la grupo, Muzikpluvo, kun du kromaj trakoj. Marwine daŭre prizorgas la grupan memprezenton tekstoj.nl/akordo kaj respondas al retpoŝtaj informpetoj.

Nel Munniksma-Bollen

Nel MUNNIKSMA-BOLLEN (naskiĝis en 1915, mortis en 1995), vidvino de Feiko Munniksma kaj mem aktiva movadano, mortis la 7-an de januaro en Nederlando. Antaŭ kelkaj jaroj ŝi donacis al UEA valoran librokolekton.

N

Flori Nikolov

Flori NIKOLOV (naskiĝis en 1926, mortis la 8-an de junio 1992 en Veenendaal) estis dumviva membro de UEA, kunaŭtoro de Bulgara-Esperanta vortaro (1981) kaj filatelisto.

Janny Nikolov-Hoitsma

Janny NIKOLOV-HOITSMA (naskiĝis en 1920, mortis la 4-an de decembro 2000 en Veenendaal) estis dumviva membro kaj iam delegito de UEA.

O

M. F. Onnen

Inĝeniero M. F. ONNEN (naskiĝis en 1869, mortis la 25-an de junio 1933 en Hago) estis frua nederlanda esperantisto. Dum pluraj jaroj li estis ĉefdelegito de UEA. Fervora kaj diversflanka laboro por Esperanto.

Verko:

• La universala Esperanto Asocio pereanta pro plurjara misgvidado de la estraro , Haag, Propra eldono, 1932? 16-paĝa.

Citaĵo el anonco pri la libreto:

	„ Plendo pri la agado de la estraro de UEA; verda kovrilo. Mendu senpere. ”

Marie Onnen-Onnen

Marie ONNEN-ONNEN (mortis la 20-an de majo 1959) estis nederlanda esperantistino, konata kiel vidvino de inĝ. M. F. Onnen. Ŝi tradukis la libron Kristo interne de vi.

Christiaan M. N. T. Op 't Roodt

Christiaan M. N. T. Op 't ROODT (naskiĝis en 1905, mortis en 1996), kunlaboris al Espero Katolika, kungvidinto de Universala Ligo ekde la 1970-aj jaroj, unu el ĝiaj lastaj batalantoj, redaktoro de ties bulteno.

P

J. L. Putto

J. L. (Tini) PUTTO (naskiĝis en 1907, mortis la 18-an de majo 2000 en Lochem) estis sekretario (1959-1981) de Kristana Esperantista Ligo Internacia, UEA-membro ekde 1939, delegito kaj fakdelegito pri evangelia kristanismo dum 30 jaroj.

Q

Tona M. de Quaasteniet

Tona M. de QUAASTENIET (naskiĝis en 1889, mortis la 15-an de aprilo 1978 en Alkmaar) estis multjara aktivulo en la loka Esperanto-movado kaj dum longa tempo delegito de UEA.

Wim Quispel

Wim QUISPEL (naskiĝis en 1901, mortis la 13-an de januaro 2000 en Roterdamo) estis nederlanda esperantisto kiu estis aktiva en la laborista Esperanto-movado. Dum 20 jaroj (1972-1992), li zorgis pri la presigo kaj dissendado de la SAT-revuo Sennaciulo.

R

F. B. Rauwerdink

F. B. RAUWERDINK (mortis fine de 1990 en Almelo) estis dumviva membrino de UEA.

S

M. G. Schoutens

M. G. SCHOUTENS (naskiĝis en 1908, mortis en 2002 en Heemstede) estis nederlanda esperantisto kaj dumviva membro de UEA.

Jan Slaats

Jan SLAATS (naskiĝis en 1902, mortis en 1990 en Aarle-Rixtel) estis la UEA-delegito dum kvindeko da jaroj. Li estis prokuristo de la eldonejo Boekdrukkerij Helmond, kiu eldonis en la 1930-aj jaroj la Idealan Esperanto-Bibliotekon.

P. W. van Sijn

P. W. van Sijn (personaj nomoj nekonataj) estis nederlanda esperantisto en la unua duono de 20-a jarcento.

Tradukis:

• Adriaan Viruly (d:Q2804372): „Por la honoro de nia lando“. Eldonejo D. Van Sijn & Zonen, Roterdamo, 22 paĝoj

Bep Slösser-Bresler

Bep SLÖSSER-BRESLER (naskiĝis en 1908, mortis la 10-an de januaro 2002 en Gorinchem) estis dumviva membro de UEA. En Gorinchem, ŝi estis delegito seninterrompe dum 70 jaroj, de post sia esperantistiĝo en 1927.

Roelof Slot

Roelof SLOT (naskiĝis en 1904, mortis la 2-an de marto 2000 en Zeist) estis dumviva membro de UEA, mecenato kaj pli ol 70 jarojn esperantisto. En Zeist, li estis longtempe delegito kaj prezidis la lokan Esperanto-rondon pli ol 40 jarojn.

Anna Maria Slot-van der Meulen

Anna Maria SLOT-VAN DER MEULEN (naskiĝis en 1905, mortis la 4-an de marto 1999 en Zeist) estis nederlanda esperantistino kaj dumviva membro de UEA.

Wil Smit

Wil SMIT (naskiĝis en 1901, mortis en decembro 1995) estis plurfoja premiitino en Belartaj Konkursoj kaj iama delegito en Amersfoort.

J. N. J. Smulders

J. N. J. SMULDERS estis nederlanda esperantisto kaj kuracisto. Li estis pioniro de la katolika Esperanto-movado, redaktisto de la revuoj Nederlanda Katoliko kaj de Espero Katolika. Krome li estis aŭtoro de diversaj broŝuroj, ankaŭ pri organizaj temoj.

W. Spaander

S-ro W. SPAANDER (naskiĝis en 1908, mortis meze de 1989 en Amsterdamo, Nederlando) estis dumviva membro de UEA, fakdelegito kaj regula membro de Societo Zamenhof.

Pieter Snoek

Pieter Hanri Snoek (naskiĝis 22-an de januaro 1909 en Oudewater - mortis la 10-an de februaro 1999 en Bergen op Zoom) estis prezidanto de la Esperanto-klubo en Groningen.

Wim Spoelder

Wim SPOELDER (naskiĝis en 1917, mortis la 21-an de novembro 1992 en Amsterdamo) estis dum pluraj jaroj patrono de TEJO kaj finance subtenis ankaŭ aliajn iniciatojn de UEA.

T

Petrus Hendrik van Terwisga

Petrus Hendrik van TERWISGA (naskiĝis la 17-an de aprilo 1911 en Melissant, mortis en 31-an de julio 1989 post longa malsano en Oost-Vlieland) estis UEA-delegito sur Vlieland. Ĝis sia morto li energie pledis kaj aktivis por la uzo de Esperanto en unuiĝinta Eŭropo kaj propagandis Esperanton en nederlandaj medicinaj revuoj.

Johanna C. van Tinteren

Johanna C. van TINTEREN (naskiĝis en 1903, mortis la 26-an de junio 1999 en Amersfoort) estis nederlanda esperantistino. Ŝi estis dumviva membro de UEA kaj tre aktivis eĉ en alta aĝo, interalie kiel regula kongresano kaj loka delegito de UEA dum tri jardekoj.

U

Henk Uittenbogaard

Henk UITTENBOGAARD (naskiĝis en 1920, mortis la 24-an de februaro 2002 en Utrecht) estis nederlanda esperantisto kaj estrarano de la sekcio en Hilversum.

V

C.L. de Veer

C.L. de Veer estis nederlanda vortaristo.

Verkoj:

• Schidlof's zakwoordenboekje (1926);
• Meulenhoff's zakwoordenboekje (1928);
• Esperanto-Woordeboekje;

„ En la Esperanto-Nederlanda parto de tiu bonega vortaro troviĝas ĉiuj radikoj de la Fundamento kaj de la ses aldonoj. La nombro de la ne-oficialaj radikoj estas konsiderinde pligrandigita. Al la Esperanta-Nederlanda parto estas aldonitaj proksimume 500 vortojn, unue vortojn kiujn oni regule trovas en la literaturo kaj kiuj oni ne plu povas konsideri kiel neologismojn. Rilate al tio kelkaj ŝanĝoj okazis en la Nederlanda-Esperanta parto. La libro estas zorge reviziita. En la beleta griza vestaĵo, klare presita sur blanka papero, certe plaĉos al la leganto. Ĉiu Nederlanda Esperantisto deziros ĝin posedi, des pli ke oni uzis la novan ortografion. ” — K., Belga Esperantisto - Numero 315, Aprilo, 1953

Herman Veldhuis

Herman VELDHUIS (naskiĝis en 1929, mortis la 28-an de februaro 1991) estis multjara delegito en Den Helder, Nederlando.

Jan Verheule

Jan VERHEULE (naskiĝis en 1930, mortis la 21-an de junio 2000), delegito en Apeldoorn, kasisto kaj sekretario de Ligo Internacia de Blindaj Esperantistoj kaj redaktoro de ties Esperanta Ligilo.

Arjen-Sjoerd de Vries

Arjen-Sjoerd de VRIES estas nederlanda esperantisto. En 1988 li estis inter la fondaj membroj de la nurvoĉa esperanta muzikgrupo Akordo, kaj multfoje prezentiĝis sceneje en esperantistaj eventoj dum 20 jaroj, ĝis kiam la grupo finis aktivajn koncertojn en 2008. Tamen ankoraŭ daŭras publikigoj de sondosieroj. Ekzemple en aprilo 2018 el la eldonejo Vinilkosmo en suda Francio lanĉiĝis bita reeldono de la unua albumo de la grupo, Muzikpluvo, kun du kromaj trakoj.

Leni de Vries-Kanning

Leni de VRIES-KANNING (naskiĝis en 1902, mortis la 20-an de aprilo 1993 en Groningen) estis dumviva membro de UEA kaj multjara loka aganto.

Aaltje Vrolijk-Hemelman

Aaltje VROLIJK-HEMELMAN (naskiĝis en 1911, mortis la 15-an de decembro 1988 en Almelo) estis dumviva membrino de UEA kaj la delegitino en Almelo.

W

J. W. Van der Wal

Pastro J. W. Van der Wal (naskiĝis 1876?, mortis 1911) estis esperantisto en Nederlando en la komenco de 20-a jarcento. Li estis vic-paroĥestro de Sankta Vilebrordo en Hago. Li speciale sin dediĉis al la propagando inter la nederlandaj katolikoj kaj ageme kunlaboris al ilia organo Nederlanda Katoliko.

Ko Wallenburg

Ko WALLENBURG estas nederlanda esperantisto. En 1949, li fariĝis ĉefperanto de TJO en Nederlando.

Gerda Wulfers-Meddens

Gerda WULFERS-MEDDENS (naskiĝis en 1911, mortis la 22-an de aprilo 1999 en Nimego). Ŝi kun sia edzo kunfondis la Esperanto-societon de Nimego en 1961. Ĝis antaŭ kelkaj jaroj ŝi redaktis la kluban Nia Bulteno. Longe delegito pri turismo, ŝi estis regula ano de Societo Zamenhof kaj mecenato.

Z

Frits Zeiler

Frits ZEILER (naskiĝis en 1915, mortis la 14-an de marto 2000 en Bergen, Norda Holando) estis aktivulo de Universala Ligo, membro de UEA ekde 1936 kaj jura fakdelegito dum longa tempo ekde la 1930-aj jaroj. Li mecenate subtenis multajn valorajn projektojn de UEA kaj de la landa asocio en Nederlando.

Jan Ziermans

Jan ZIERMANS estis nederlanda esperantisto. Li redaktis la periodaĵon Holanda Pioniro de 1914 ĝis 1917. Li kuntradukis la "orientan romanon" Akbar de P. A. S. Van Limburg Brouwer kaj tradukis la Koncertan Kantaron. Li verkis la kanton "Ĉaskorno" troveblan en Ni Kantu kaj Deklamu!.