Nemici invisibili
C'l artìcul chè 'l è scrit in
Miranduléś |
![]() | ||
Nemici invisibili | ||
![]() La Courage, la Mortimer e la Hooks in na figùra dal telefìlm | ||
Nemìg inviśìbii 1976 | ||
---|---|---|
Gènar: Fantasiénsa | ||
Stagiòṅ: 1 | ||
Epiśòdi: 18 | ||
Regìa: Bob Kellett | ||
Scritōr: Bob Kellett • Johnny Byrne | ||
Atōr: Martin Landau • Barbara Bain • Nick Tate Barry Morse • Caroline Mortimer • Zienia Merton Clifton Jones • Prentis Hancock • Kevin Stoney Linda Hooks • Anton Phillips • Maxine Audley | ||
Mùśica: Barry Gray • Georges Teperino | ||
Duràda: 52 minùt | ||
Léngua: Ingléś | ||
Nasiòṅ: Régn Unî • Itàglia |
Nemici invisibili (Nemìg inviśìbii) 'l è 'l diciutéś'm epiśòdi dla prima série dal telefilm Spazio 1999 (Spasi 1999) dirèt par Bob Kellett. 'L è stâ prudót par la britànica ITC e par l'itagliàna RAI.
La senegiadùra 'l è ad Bob Kellett cun 'l ajùt ad Johnny Byrne. Al telefilm 'l è stâ pò girâ in dal Nuvémbar dal 1974, cun dal śunti fati in dal Favràr dal 1975. 'L è stâ traśmìs par la prima vòlta in televiśiòṅ al 19 ad Favràr dal 1976.
Trama
Su 'l pianēd Betha, abitâ sōl da fémni, la cmandànta Theia (Maxine Audley) l'órdna a la Dione (Caroline Mortimer) ad prufitàr-as subìt dal fat che la Luna l'è drē a davśinàr-as a 'l sò sistéma sulàr Gamma par dar inìsi a 'n atàc a surpréśa a 'l pianēd Delta, abitâ sōl da masć, ch'al s cata da cl'atra banda dal Sōl. I dū pianēd i èṅ dònca inviśìbii 'l un cun c'l àtar parchè lugâ da 'l àstar ch'a gh'è in dal mèś. L'ùnica manéra par tacàr la guèra l'è ad druàr la Luna cuma avampòst parchè la pasa giùst da na banda.
La Dione la fà preparàr la sò astrunâṿ Satazius, impinìda 'd mìsii, par spedìr-la in sla Luna par psēr acsè bumbardàr Gamma. 'L atàc al gh'à inìsi dòp che la Dione l'à mis in śnòć al difési 'd Alpha. Delta, c'n a cap Talos (Kevin Stoney), al rispónd a la stésa manéra tirànd di mìsii da na sò curasàda spasiàla che però la vèṅ dastrùta méntar anc la Satazius la patìs di dan. La Dione la dmanda aśìł a Alpha e la śibìs a John Koenig (Martin Landau) 'd andàr a stablìr-as su 'l sò pianēd ma 'l cmandànt al n magna mia la fója, piutòst lò al lavóra par na trégua sprand acsè 'd avér-ag dal tèmp abàsta par parmét'r a la Luna ad śluntanàr-as da 'd lè parchè i gh'èṅ pròpria finî in mèś.
Ma la Dione l'è na balìsta patintàda e la fava sōl finta. Turnàda in dla Satazius la taca la guèra finàla cóntar Delta. Chi lōr i órd'n a Koenig ad dar-'g subìt al curdinàti dla sò nâṿ o sinò di sò mìsii i faràṅ esplòdar la baś. La Dione la pruibìs a John ad dascórar parchè la Satazius l'è darènt a la baś dònca in quàt'r e quàt'r òt lì lē la sarév bòna 'd spasàr-la via. Koenig al dmanda a la Dione ad dascórar sèg e al partìs c'n un moonbuggy par rivàr da lē. Ma insìma a 'l machinèṅ lunàr, càr'g ad bómbi, a gh'è sōl un fantòs. Quànd a riva sóta a la Satazius la Dione la s rénd cònt dla trapla ma 'l è tròp tard e la salta p'r ària. Delta al fà sćiupàr in vōl i mìsii e Alpha l'è salva.