Luton
|
C'l artìcul chè 'l è scrit in
Miranduléś |
 The Rules of Luton
| ||
| Luton | ||
 I tri giùdas ad Luton in na figùra dal telefìlm | ||
| id. 1976 | ||
|---|---|---|
| Gènar: Fantasiénsa | ||
| Stagiòṅ: 2 | ||
| Epiśòdi: 7 | ||
| Regìa: Val Guest | ||
| Scritōr: Fred Freiberger | ||
| Atōr: Martin Landau • Barbara Bain • Tony Anholt Catherine Schell • Yasuko Nagazumi • Annie Lambert | ||
| Mùśica: Derek Wadsworth | ||
| Duràda: 52 minùt | ||
| Léngua: Ingléś | ||
| Nasiòṅ: Régn Unî • Stat Unî | ||
Luton (id.) 'l è 'l sèt'm epiśòdi dla secónda série dal telefilm Spazio 1999 (Spasi 1999) dirèt par Val Guest e ambintâ 892 dè dòp al dastàc da l'òrbita dla Tèra. 'L è stâ prudót par la britànica ITC cun 'l ajùt ad Fred Freiberger e di sò bèsi americàṅ.
La senegiadùra, ch'l'arcòrda in na quàlc manéra 'l èpiśòdi "Arena" ad Star Trek, 'l è ad Fred Freiberger che chè al s firma cuma “Charles Woodgrove”. Al telefilm 'l è stâ pò girâ in dal Maǵ dal 1976. 'L è stâ traśmìs par la prima vòlta in televiśiòṅ al 23 'd Utóbar dal 1976.
Trama
Al cmandànt John Koenig (Martin Landau), la Maya (Catherine Schell) e Tony Verdeschi (Tony Anholt) i s càtan in sn'Àquila p'r andàr a véd'r al cundisiòṅ ad vita 'd un pianéda ch'al prév anc ès'r abitàbil parchè al gh'à na temperadùra fisa ad vint-a-dū grâd e 'l è pîṅ ad vérd. Rivâ là, méntar Tony al tórna su Alpha, John e la Maya i śmóntan śò armagnénd però in cuntàt c'n al sènt'r ad cmand dla baś in dua a gh'è la dutōra Russell (Barbara Bain) insém a la tècniga di computer, la giapunéśa Yasko (Yasuko Nagazumi).
La Maya la lèś da i sò strumènt ch'i cagapùi ch'i s càtan su 'n àrbul i èṅ bòṅ da màgnar. Mént'r al capitàṅ 'l in tasta òṅ, lē la cata sù 'n fiōr da purtàr sèg. Tut 'd un trat i s sèntan di sîg spavintóś e pò i tàc'n a dascórar i tri giùdas ad Luton, acsè a s ciàma 'l pianéda. I tri àlbar i gh dìśan ch'i èṅ di sasèṅ e di canìbai parchè i aṅ vlû masàr di èsar vivènt.
Par lōr al giudìsi 'l è bèla fat e l'è la péna 'd mòrt ma gl'àrbui i gh vōlan dar 'l ucaśiòṅ ad scampàr-la. Par far-al i gh'àṅ da masàr tri àt'r aglièṅ capitâ lè e ch'i aṅ fat al stés śbali lōr. Par réndar la lòta para però i giùdas ad Luton i gh'aṅ dâ tri putēr speciài sénsa dir quài a gl'Alphaṅ: òṅ 'l è fòrt, òṅ 'l è bòṅ ad teletraspurtàr-as e òṅ 'l è inviśìbil.
A taca na lòta a 'l ùltim sangṿ, c'n al cmandànt ch'l è frî a 'n bras e la Maya ch'la casca in na trapla méntar la s cata in dla fórma dna pujàna finénd acsè in na gàbia. La pōl armàgnar in cal stat chè sōl par n'óra: s'la n salta minga fóra 'd lè in présia la và in a risć ad murìr. Qvéi 'd Alpha i n pōlan far gnint parchè 'l pianéda 'l è iśulâ.