-aat
Brezhoneg
Etimologiezh
- Krennvrezhoneg -hat[1].
- Da geñveriañ gant al lostgerioù -hau e kembraeg, -he e kerneveureg hag -igidir en heniwerzhoneg (en deus roet -igh en iwerzhoneg).
- Dont a ra eus al lostger treodel ha treanvel *-sagjetor, anezhañ gwrizienn a roas diraez ivez[2].
Lostger
-aat /ˈɑːt/
- Dibenn anv-verb lakaet e dibenn anvioù-gwan da stummañ verboù, ha savet diwar derez-uheloc'h an anv-gwan
Kreñvadur zo er gensonenn a-raok an dibenn-ger, ha se zo kaoz e weler Jules Gros o skrivañ yéna ha yénnaad — (Jules Gros, Le trésor du breton parlé Deuxième Partie, 1970, p. 559.)
Notenn
- Diwar anvioù-gwan hag adverboù a zo e c'heller sevel verboù o verkañ ar pezh a zo oc'h en em ober. Verboù en -at int holl, hogen ne vez ket staget an dibenn-se rag-eeun ouzh ar bennrann, hogen lakaet e vez dirazañ un dibenn all : a. Dirak an a-se e kaleta ar c'hensonennoù evel dirak an derezioù-keñveriañ : kozh, koshoc'h, koshaat, [...]. — (Frañsez Kervella, Yezhadur Bras ar Brezhoneg, Brest, 1947, 1976, p. 452.)
- Ar verboù savet diwar an anv-gwan a vez implijet gant ar verb-skoazell bezañ en amzerioù kevrennek, nemet ur renadenn eeun o defe.
- -c'haat : blouc'haat, gaonac'haat, kabac'haat, peoc'haat, teuc'haat, yac'haat
- -eaat : gaeaat
- -faat : abafaat
- -iaat : muiaat, leiaat
- -kaat : advrezhonekaat, alamanekaat, arallekaat, araokaat, arbennikaat, ardivinkaat, askoridikaat, barrekaat, birvidikaat, blankaat, boukaat, breizhekaat, brezelekaat, brezhonekaat, buanekaat, buhezekaat, c'hwekaat, digalonekaat, divarrekaat, droukaat, enkaat, frankaat, freskaat, gallekaat, gorrekaat, goulakaat, gwakaat, gwiriekaat, habaskaat, hevelebekaat, hollekaat, iwerzhonekaat, kalonekaat, keltiekaat, kizidikaat, klokaat, laoskaat, liezekaat, marc'hekaat, mekaat, mezhekaat, pasteurekaat, pennekaat, peuriwerzhonekaat, pinvidikaat, poblekaat, reizhekaat, robotekaat, saoznekaat, skoueriekaat, speredekaat, stankaat, stlennekaat, talvoudekaat, testeniekaat, teuskaat, trenkaat, yaouankaat
- -laat : bedelaat, disheñvelaat, greantelaat, heñvelaat, izelaat, niverelaat, noplaat, personelaat, rannvroelaat, santelaat, semplaat, sioulaat, souplaat, stabilaat, stadelaat, teñvalaat, tromplaat, uhelaat, vilaat
- -lhaat : puilhaat
- -llaat : boullaat, fallaat, gellaat, gwellaat, mezellaat, pellaat
- -maat : flammaat, tommaat
- -naat : bihanaat, blinaat, boutinaat, bremanaat, brunaat, buanaat, donaat, ec'honaat, eeunaat, finaat, glanaat, gwanaat, gwevnaat, hesonaat, kadarnaat, kounaat, laouenaat, ledanaat, levnaat, melenaat, mintinaat, moanaat, modernaat, plaenaat, sevenaat, spanaat, yenaat
- -nnaat : difonnaat, fonnaat, gwennaat, sonnaat, splannaat
- -paat : glepaat, goapaat
- -raat : bouzaraat, disteraat, flouraat, furaat, goularaat, hiraat, kaeraat, keraat, klouaraat, lampraat, paouraat, ponneraat, pounneraat, puraat, sederaat, sevenaat, sklaeraat, suraat, taeraat, teneraat
- -rraat : berraat, diverraat, parraat
- -saat : adnevesaat, aesaat, amresisaat, arnevesaat, azasaat, blasaat, boasaat, brasaat, damesaat, denesaat, diaesaat, difetisaat, fetisaat, garsaat, glasaat, gouesaat, grisaat, grosaat, jiboesaat, kasaat, krisaat, lesaat, liesaat, lousaat, nesaat, nevesaat, nosaat, pasaat, prevesaat, resisaat, rouesaat, skarsaat, spisaat
- -shaat : c'hweshaat, eveshaat, fraeshaat, gwashaat, hardishaat, koshaat, leishaat, nershaat, noashaat, pishaat, reishaat, sershaat, skuishaat, strishaat, urzhasaat
- -usaat : ampletusaat, diefedusaat, diegusaat, dousaat, drusaat, efedusaat, eürusaat, evurusaat, fonnusaat, frondusaat, frouezhusaat, glorusaat, grevusaat, joausaat, kintusaat, lousaat, nerzhusaat, niverusaat, rousaat, rusaat, siriusaat, skedusaat, spletusaat, strujusaat, tagnousaat, talvoudusaat, yac'husaat
- -taat : abretaat, aezetaat, anataat, blotaat, breutaat, dedostaat, dibaotaat, diotaat, diskiantaat, diwezhataat, emvataat, fraostaat, gouestaat, goustataat, grataat, kaletaat, koantaat, lartaat, lentaat, liesseurtaat, lourtaat, marc'hadmataat, mataat, naetaat, nebeutaat, paotaat, parfetaat, reutaat, rontaat, rustaat, sartaat, solutaat, sotaat, startaat, tostaat, treutaat, tristaat
- -uaat : duaat
- -vaat : adreñvaat, advevaat, bevaat, bravaat, c'hwervaat, dic'harvaat, divalavaat, doñvaat, drevaat, goañvaat, garvaat, gloevaat, gwivaat, klañvaat, kreñvaat, kuñvaat, mavaat, skañvaat, tanavaat, tevaat
Gellout a reer kavout an holl c'herioù gant al lostger-mañ enno war pajenn Meurgorf: http://meurgorf.brezhoneg.bzh/meurgorf/enklask?terme=aat&submit=Rechercher&categorie=0&oeuvres=0&search_opt=3 .
Gerioù kar dre o ster
Gwelet ivez
Daveoù
Roll an daveoù :
- ↑ Albert Deshayes, Dictionnaire étymologique du breton, Le Chasse-Marée, Douarnenez, 2003, paj. 39.
- ↑ Lionel S. Joseph, « The origin of the Celtic denominatives in *-sag- », e-barzh Studies in memory of Warren Cowgill (1929–1985) : Papers from the Fourth East Coast Indo-European Conference, Cornell University, June 6–9, 1985, dindan renerezh Calvert Watkins, Berlin, de Gruyter, 1987, paj. 113–159.