Bergen (Norvegia)

Ur pennad Bergen zo ivez.

Bergen a zo ur gêr eus arvor Norvegia, an eil kêr vrasañ er vro goude Oslo, e-keñver an niver a annezidi (242 000 anezho e Genver 2006). An eil porzh brasañ eo ivez. Glaveier e-leizh a vez eno (2.000-2.500 mm bep bloaz) ha ren a ra en tolead un hinad na re domm na re yen (1,6 °C e miz Genver ha 14,4 °C e miz Gouere).

Lec'hiadur Bergen e Norvegia

Savet e oa bet Bergen gant Olav III Norvegia e 1070, dindan an anv Bjorgvin. Kêr-benn Norvegia e voe betek dibenn an XIIIvet kantved. Kêr vrasañ ar vro e kendalc’has da vezañ a-hed ar Grennamzer hag e-pad meur a gantved war-lerc’h. Unan eus porzhioù bras an Hansa e voe. Dont a rae e binvidigezh eus kenwerzh ar pesked, pesketaet war aodoù hanternoz Norvegia, mogedet ha kaset war-lerc’h war marc’hadoù Europa D’ar mare-hont e voe savet karter kozh Bryggen, a zo enskrivet bremañ war roll glad ar bed gant an UNESCO.

Porzh kozh Bergen

Tud brudet

• Dorothe Engelbretsdatter, skrivagnerez
• Edvard Grieg, sonaozour.

Gevellañ

Gevellet eo Bergen gant :

• Göteborg, Sveden
• Turku, Finland
• Aarhus, Danmark
• Newcastle upon Tyne, Rouantelezh Unanet
• Seattle, Stadoù Unanet
• Asmara, Eritrea

Liammoù diavaez

• Lec’hienn an ti-kêr (e norvegeg hag e saozneg)