Bergen

Bergen

Localización
60°23′33″N 5°19′24″L
Estado	Noruega
Condado	Vestland (pt)
Concello	Bergen
Capital de	Bergen Søndre Bergenhus amt (en) (1763–década de 1830) Bergen amt (en) (1831–1918) Bergen County (en) (1919–1971) Hordaland (pt) (1972–2019) Vestland (pt) (2020–)
Poboación
Poboación	291.189 (2023) (3.340,47 hab./km²)
Lingua oficial	lingua norueguesa
Xeografía
Superficie	87,17 km²
Altitude	5 m
Creación	1070
Organización política
• Xefe do goberno	Marit Warncke (en) (2023–)
Membro de	Organización das Cidades do Patrimonio Mundial Rede de cidades creativas (2015–)
Identificador descritivo
Código postal	5003–5098
Fuso horario	UTC+01:00
Outro
Irmandado con	Seattle Mombasa Aarhus Callao Lübeck Turku (1946–) Gotemburgo (municipio) (1946–) Rostock (1965–) Newcastle upon Tyne (1968–)
Sitio web	bergen.kommune.no

Bergen é a segunda cidade máis grande de Noruega. A cidade atópase situada na costa suroeste do país, no condado de Hordaland, cuxo centro está situado entre un grupo de montañas coñecidas como de Syv Fjell ("As Sete Montañas"). A poboación da cidade era de 242.854 habitantes a 1 de abril de 2006, segundo o Instituto Nacional de Estatística de Noruega (Statistisk sentralbyrå).

Bergen está recoñecida como a capital non oficial da rexión coñecida como Noruega occidental, e é coñecida tamén como a porta aos coñecidos fiordes noruegueses e por iso comezou a ser a un dos máis grandes portos cruceirísticos non só de Noruega se non tamén do mundo.

Bergen é a cidade máis chuviosa de Escandinavia con 235 días de precipitación ao ano (2248 mm).

Historia

A cidade de Bergen foi fundada no s.XI polo rei Olav Kyrre no ano 1070. Celebrou o seu 9º centenario en 1970. Foi a capital de Noruega no s.XIII ata 1299. A finais dese século Bergen converteuse nunha das cidades máis importantes da Liga Hanseática. A principal razón da importancia de Bergen foi o comercio do bacallau seco da costa norte de Noruega, comezado sobre o ano 1100.

Os mercadores haseáticos alemáns viviron no seu propio barrio separado da cidades, onde o baixo alemán era a lingua común, gozando de dereitos exclusivos para o comercio cos mariñeiros do norte que cada verán navegaban ata Bergen. Hoxe, aínda se pode apreciar na zona costeira de Bergen chamada Bryggen, declarada Patrimonio mundial pola UNESCO.

En 1349, a peste negra foi introducida en Noruega pola tripulación dun barco inglés que atracou en Bergen. No s.XV a cidade foi varias veces atacada polos Victual Brothers, en 1429 conseguiron queimar o castelo real e gran parte da cidade. En 1536 o rei conseguiu forzar os mercadores alemáns a converterse en cidadáns noruegueses ou volver ao seu país, o que supuxo o declive da influencia alemá. En 1665 o porto da cidade foi o lugar da sanguinolenta batalla de Vågen, entre barcos ingleses por un lado e os barcos holandeses, apoiados polos cidadáns, do outro.

Aínda así durante os ss. XV e XVI Bergen seguiu sendo a cidade máis grande dos países nórdicos, e seguiu sendo a cidade máis grande de Noruega ata 1850, cando foi superada por Oslo. Bergen conservou o monopolio do comercio co norte de Noruega ata 1789.

En 1916 partes do centro da cidade foron destruídas por un devastador incendio, o último de dos moitos que sufriu a cidade ao longo da súa dilatada historia. Durante a segunda guerra mundial a cidade foi ocupada o primeiro día da invasión alemá, o 9 de abril de 1940, despois dunha breve batalla entre os barcos alemáns e a artillaría costeira norueguesa.

En 1972, Bergen uniuse cos concellos veciños (Arna, Fana, Laksevåg e Åsane), adquirindo así as súas actuais fronteiras.

Galería de imaxes

• 
  Håkonshallen
• 
  Bryggen
• 
  Vågsbunnen
• 
  Marken
• 
  Estación de bombeiros
• 
  Nykirken
• 
  Knøsesmuget
• 
  Torgallmenningen
• 
  Vestlandske Kunstindustrimuseum

Predecesor: Weimar

Capital Europea da cultura xunto con Aviñón Praga Boloña Bruxelas Cracovia Helsinqui Reiquiavik Santiago de Compostela 2000

Sucesor: Países Baixos Rotterdam Porto