ཟླ་བ་བཅུ་གཉིས་པ
ཟླ་༡༢ཚེས་༡
༡ སྟབས་བདེའི་བྱ་བར་བསམ་བློ་རྙོག་དྲ་ཚ་པོ་བཏང་ཚེ། ཁྱབ་ཚུལ་གསར་པ་རྙེད་ཐུབ་པ་དང། སྣང་ཚུལ་རྙོག་འཛིང་ཅན་ལ་སྟབས་བདེའི་ལྟ་ཚུལ་འཛིན་ཕྱིན། ཆོས་ཉིད་གསར་པ་རྟོགས་ཐུབ་པའོ། །
༢ ཁྱེད་ཀྱིས་རང་གི་རིན་ཐང་ལ་གཅེས་སྤྲས་བྱེད་འདོད་ན། ཁྱེད་ཀྱིས་འཛམ་གླིང་ལ་རིན་ཐང་གསར་སྐྲུན་ཐུབ་པ་གྱིས་ཤིག། །
ཟླ་༡༢ཚེས་༢
༡ ལོ་རྒྱུས་སྐོར་ཐག་གཅོད་རྒྱུ་ཤིན་ཏུ་དཀའ་མོ་ཞིག་ཡིན། མང་མང་གི་ཁར་རྒྱུན་ལ་ཡིད་རྟོན་མི་རུང་བ་མང་དུ་ཡོད་པར་མ་ཟད། ཡིག་ཚང་དུ་བཀོད་པའི་ལོ་རྒྱུས་ཡིན་ཡང་ཡིད་རྟོན་མི་རུང་བ་མང་དུ་ཡོད། ---དོར་ཞི།
༢ གྲུ་གུ་དང་ལི་ཡུལ་དང་ཡུན་ནན་སོགས་ཀྱང་བོད་ཀྱི་འོག་ཏུ་ལོ་བརྒྱ་ཕྲག་ལྷག་པར་གནས་པ་སོགས། བདེན་པ་རྭ་སྤྲོད་གཏོང་ནུས་པའི་རྒྱལ་རབས་ཀྱི་ཆ་ཤས་བརྗེད་དུ་འཕང་བ་འདི་འདྲ་དག་ཀྱང་། ཐ་ན་ཕྱི་རྒྱའི་མཁས་པ་ལོ་རྒྱུས་སྨྲ་བ་དག་གི་ཁྲོད་ན་ཡང་ཁྱབ་གདལ་དུ་གྲགས་མོད་ཀྱི། རང་ཡུལ་གྱི་མི་རྣམས་ལ་ནི་ཕལ་ཆེར་རྒྱུས་ཡོད་མེད་ཀྱི་ས་མཚམས་སུ་སླེབས། ---དགེ་འདུན་ཆོས་འཕེལ།
༣ གང་ལ་ཡང་སྙིང་བོ་མེད་ཟེར་བའི་ངེས་འབྱུང་ཅན་རྣམས་ཀྱི་ཁ་ལ་མ་ཉན་པར་རིག་པའི་འཚོལ་བའི་ལམ་དུ་འཇུག་པར་གྱིས་ཤིག ---དགེ་འདུན་ཆོས་འཕེལ།
ཟླ་༡༢ཚེས་༣
༡ བློ་མ་ཕམ།གསར་སྐྱེས་ཀྱི་གཞོན་ནུ།རྒྱལ་ཁམས་ཀྱི་ཁ་ན་ཡེ་ཤེས་ཀྱི་སྤྱན་ཡོད་པ་བདེན་དུ་ཆུག་ཀྱང་། ཞལ་ལྕེ་དགའ་གསུམ་དང་འདར་གསུམ་ཡོད་པས། ཁྱེད་ཀྱི་བློ་ཅི་ལ་ཕམ། ---དཔལ་དོན་གྲུབ་རྒྱལ།
༢ བདེ་བ་མྱོང་བ་དེ་ཡང་དོན་ཆུང་མིན།།རིགས་རྒྱུད་བསྐྱེད་པ་དེ་ཡང་དོན་ཆུང་མིན།། ---དགེ་འདུན་ཆོས་འཕེལ།
༣ ཤེས་རབ་ཡོད་ན་ཕྱོགས་གང་ནས་ཀྱང་གནད་ཆེན་པོ་རེ་རྙེད་ནུས་པས། ཧྲིལ་གྱིས་འདོར་བ་དང་ཧྲིལ་གྱིས་ལེན་པ་འདི་གཉིས་ཀ་ཡང་རྣམ་དཔྱོད་ཀྱི་ལམ་མ་ཡིན་ནོ།། ---དགེ་འདུན་ཆོས་འཕེལ།
༤ མཐོང་ན་འཇིགས་པའི་བདེན་པ་གཅེར་བུ་ལ།།རང་མགོ་བསྐོར་བའི་གོས་ཀྱིས་མི་གཡོགས་པ།།འདི་ནི་མཁས་པའི་དམ་ཚིག་དང་པོ་སྟེ།།སྲོག་ལ་བབས་ཀྱང་འབད་པས་བསྲུང་བར་འཚལ།། ---དགེ་འདུན་ཆོས་འཕེལ།།
༥ ལ་རྒྱ་ནི་རང་རའི་བླ་སྲོག་ཡིན་པ་དང་། ང་རྒྱལ་ནི་རང་གི་གཟི་བརྗིད་རེད། ཕ་མས་སྤྲད་པའི་མགོ་བོ་མཐོན་པོ་དེ། གཞན་གྱི་རྐང་འོག་ཏུ་མི་འཇོག་པ་དང་། ཁ་བ་ཅན་གྱི་ལ་རྒྱའི་དཔུང་བ་དེ། གཞན་གྱི་མགོ་ཐོག་ཏུ་བསྒྲེངས་ནུས་ན། རང་རིགས་ཀྱི་གཟི་བརྗིད་དང་། མེས་རྒྱལ་གྱི་ལ་རྒྱ་ཡང་རེད།---དཔལ་དོན་གྲུབ་རྒྱལ།