Désèmber

Désèmber (hurup Arab Gundul: دسمبر) atawa Capjigwé^[1] (hurup Arab Gundul: چفجيݢوى) entu bulan nyang keduabelas atawa sering dianggep sebagé "bulan paling bontot" di almenak Masèhi-Julian èn Grégorian. Ni bulan ada punya 31 ari. Sama baé kaya' bulan-bulan sebelonnya, aslinya, ni bulan punya nama December 'kesepulu' ada dateng deri angka basa Latèn decem 'sepulu', sebab bulan pertamanya pas jaman Romèn^[2] kuna entu bulan Maret.

Biasanya di masarakat, minggu-minggu paling akir di ni bulan digeronya "buntut tahon", sebab èmang udah mao ganti tahon. Orang pada dapet préi bakal jalan-jalan atawa ni'matin préi ama dia punya kulawarga pada. Adapun orang-orang Serani ada ngeraya'in dia pada punya ari raya, nama Natal. Pas tanggal 31 Désèmbernya, pas malemnya, entu biasanya ada keriaan bakal nunggin datengnya pergantian tahon.

Ruju'an

↑ Meilany, Rahayu, W., èn Fèbriana, L. (2014). Kamus Istilah Betawi Bergambar. Dèpok: CV Binamuda Ciptakreasi. h. 73.
↑ Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).

[1] Meilany, Rahayu, W., èn Fèbriana, L. (2014). Kamus Istilah Betawi Bergambar. Dèpok: CV Binamuda Ciptakreasi. h. 73.

[2] Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).

[1]

[2]