Універсітэт Арыстоцеля ў Салоніках
Універсітэт Арыстоцеля ў Салоніках | |
---|---|
грэч. Αριστοτέλειο Πανεπιστήμιο Θεσσαλονίκης | |
![]() | |
![]() | |
Заснаваны | 1925 |
Студэнты | 95 000 |
Краіна | |
Размяшчэнне | Салонікі |
Сайт | auth.gr |
![]() |
Універсітэт імя Арыстоцеля ў Салоніках (грэч. Αριστοτέλειο Πανεπιστήμιο Θεσσαλονίκης, часта завецца па-паспалітаму Арыстоцелеўскі ўніверсітэт) — самая буйная акадэмічная ўстанова як у самой Грэцыі, гэтак і наагул на Балканах, што дзейнічае у Салоніках. Заснаваны ў 1925 годзе па рэкамендацыі тагачаснага прэм’ер-міністра Александраса Папанастасіу ў час Другой Грэчаскай рэспублікі; спачатку зваўся Фесалоніцкі ўніверсітэт. Пераназваны ў 1954 годзе.
Універсітэт носіць імя філосафа Арыстоцеля, а эмблема ўніверсітэта паказвае св. Дзімітрыя Салунскага, які з’яўляецца апекуном горада Салонікі.
Універсітэт налічвае каля 12 факультэтаў. Большасць факультэтаў знаходзіцца на тэрыторыі ўніверсітэцкага гарадка (кампуса), размешчанага ў цэнтральнай частцы горада. Яго тэрыторыя складае каля 230 тыс. м². Іншыя факультэты і лабараторыі размешчаны як у межах горада, гэтак і за яго межамі.
У наш час у ім навучаецца 95 тыс. студэнтаў, у тым ліку 86 тыс. у бакалаўрыяце, 9 тыс. атрымлівае паслядыпломную адукацыю. Апроч таго, выкладчыцкі і навукова-даследчы склад налічвае 2248 чалавек, уключаючы 716 прафесараў, 506 ад'юнкт-прафесараў, 576 дацэнтаў, і 450 лектараў.
Асноўнай мовай навучання з’яўляецца навагрэчаская, у той жа самы час ва ўніверсітэце дзейнічае нямала аддзяленняў для замежных студэнтаў, на якіх выкладанне ажыццяўляецца на англійскай, французскай і нямецкай мовах.
Спасылкі
[правіць | правіць зыходнік]На Вікісховішчы ёсць медыяфайлы па тэме Універсітэт Арыстоцеля ў Салоніках