Субцітры
![](http://upload.wikimedia.org/wikipedia/commons/thumb/c/ca/Subtitle-Example.svg/220px-Subtitle-Example.svg.png)
Субцітры[1][2] (ад фр.: sous-titres — подпісы) — тэкставае суправаджэнне відэа, у выглядзе надпісаў на ніжняй частцы кадра кінафільма ці перадачы. Звычайна змест субцітраў дубліруе гукавую дарожку (часам таксама тэкст і надпісы, якія з'яўляюцца ў кадры) у перакладзе з мовы арыгінала на мову, зразумелую гледачу.
Субцітры прымяняюць, нараўне з сурдаперакладам, калі мэтавая аўдыторыя ўключае глухіх і людзей з парушэннем слыху. У такіх выпадках субцітры робяць на той жа мове, што і гукавую дарожку.
Звычайна субцітры ўтрымліваюць рэплікі персанажаў. Калі субцітры прымяняюць для перакладу фільма, у іх таксама дадаюць надпісы, што з'яўляюцца ў кадры. Часам субцітры змяшчаюць дадатковую інфармацыю пра падзеі, якія адбываюцца на экране, напрыклад, каментарыі да фільма, тлумачэнне складаных тэрмінаў, назваў і да т.п.
Субцітры могуць быць выкарыстаныя таксама ў выпадках, калі пры праглядзе неабходна захоўваць цішыню, ці калі паказ ідзе ва ўмовах павышанага шуму.
Зноскі
Спасылкі
[правіць | правіць зыходнік]На Вікісховішчы ёсць медыяфайлы па тэме Субцітры