Сандэрленд

Горад Сандэрленд Sunderland Краіна Вялікабрытанія Графства Тайн-энд-Уір Каардынаты 54°54′00″ пн. ш. 01°22′49″ з. д. Плошча 111,84 км² Вышыня цэнтра 60 м Водныя аб’екты Рака Уір і Паўночнае мора Насельніцтва 174 286 чалавек (2011) Нацыянальны склад англічане Канфесійны склад хрысціянства Тэлефонны код 0191 Паштовы індэкс SR(1-6) Паштовыя індэксы SR1, SR2, SR3, SR4, SR5, SR6 Афіцыйны сайт sunderland.gov.uk (англ.) Сандэрленд на карце Вялікабрытаніі

Медыяфайлы на Вікісховішчы

Са́ндэрленд (англ.: Sunderland; англійскае вымаўленне: ⁱ/ˈsʌndərlənd/) — горад у англійскім графстве Тайн-энд-Уір, цэнтр адміністрацыйнага раёна Сіці-оф-Сандэрленд. Насельніцтва — 174 286 чалавек (2011).

Гісторыя

Першыя паселішчы на месцы сучаснага Сандэрленда вядомыя яшчэ з Новакаменнага стагоддзя і часоў Старажытнага Рыма. У 674 годзе быў заснаваны манастыр Вермаўз энд Джэрау, што паклала пачатак гісторыі горада. У канцы VIII стагоддзя, раён быў захоплены вікінгамі і да сярэдзіны IX стагоддзя манастыр быў закінуты. У пачатку XII стагоддзя на месцы Сандэрленда знаходзілася невялікая рыбацкая вёска. З сярэдзіны XIV стагоддзя пачало развівацца суднабудаванне, а з 1589 года стала перапрацоўвацца харчовая соль. У наш час Сандэрленд — буйны порт, у горадзе размяшчаюцца прадпрыемствы суднабудавання, дрэваапрацоўкі, швейнай прамысловасці, вытворчасці паперы, радыётэхнікі, шкла. Каля горада вядзецца здабыча каменнага вуглю, які вывозіцца праз порт.

Насельніцтва

Паводле перапісу 2001 года, у горадзе пражывае 177739 жыхароў, гэта 26-й па колькасці насельніцтва населены пункт у Англіі. 98,1 % якія пражываюць адносяцца да белай расы. 81,5 % адносяць сябе да хрысціян, 9,6 % — нерэлігійныя, астатнія адносяцца да іншых канфесій ці не назвалі сваё веравызнанне.

Год Колькасць 1971 216 900 1981 195 000 Год Колькасць 1996 294 000 2011 174 286 Год Колькасць 2013 277 000 2018 277 417

Геаграфія і клімат

Сандэрленд размешчаны на ўзбярэжжы Паўночнага мора ў вусці ракі Уір, клімат у горадзе вільготны, ветраны і туманны.

Спорт

Найбольш распаўсюджаны від спорту ў горадзе — футбол. Прафесійны клуб «Сандэрленд» выступае ў Англійскай футбольнай лізе 1, трэцім па значнасці дывізіёне ў сістэме футбольных ліг Англіі. Клуб быў чэмпіёнам Англіі па футболе 6 разоў (апошні раз — у сезоне 1935/36). Стадыён «Сандэрленда» Стэдыум оф Лайт умяшчае каля 49 тысяч гледачоў. Таксама ў горадзе маецца і клуб па жаночым футболе.

У горадзе прысутнічаюць аматарскія клубы па рэгбі і крыкеце.

У 1966 годзе на стадыёне «Рокер Парк» у Сандэрлендзе праходзілі матчы чэмпіянату свету па футболе, у якіх, у прыватнасці, брала ўдзел зборная СССР.

Гарады-пабрацімы

• Эсэн, Паўночны Рэйн-Вестфалія, Германія.
• Сен-Назер, Краіна Луары, Францыя.
• Вашынгтон, Федэральная Акруга Калумбія, ЗША.
• Харбін, Кітай

Вядомыя выхадцы і жыхары

• Лорэн Лаверн (нар.1978) — амерыканская журналістка.
• Кларксан Фрэдэрык Стэнфілд (1793—1867) —— англійскі мастак.
• Джэймс Хэрыят (3 кастрычніка 1916 — 23 лютага 1995, Цёрск (Thirsk), Паўночны Ёркшыр) англійскі пісьменнік, ветэрынар і лётчык, аўтар кніг пра жывёл і пра людзей. Сапраўднае імя — Джэймс Альфрэд (Альфаў) Уайт.
• Джордан Хендэрсан (нар. 17 чэрвеня 1990 года) — англійскі футбаліст, паўабаронца, капітан клуба «Ліверпул», ігрок зборнай Англіі.

Галерэя

• 
  Мост Уірмут
• 
  Сандэрленд у 1989 годзе
• 
  На вуліцы каля стадыёна
• 
  Царква Святой Тройцы

Гл. таксама

• Макем, дыялект англійскай мовы ў Сандэрлендзе і Дарэме

Літаратура

• Сандэрленд // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 148. — 10 000 экз. — ISBN 985-11-0035-8. — ISBN 985-11-0238-5 (т. 14).
• Са́ндерленд // Т. 22. Ремень — Сафи. — М. : Советская энциклопедия, 1975. — С. 558. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Са́ндерленд // Большой словарь географических названий (руск.) / Гл. ред. В. М. Котляков. — Екатеринбург: У-Фактория, 2003. — С. 552. — 832 с. — 10 000 экз. — ISBN 5-94799-148-9.
• Са́ндерленд // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 410. — 592 с. — 210 000 экз. — ISBN 5-85270-057-6.

Спасылкі

• sunderland.gov.uk (англ.) — афіцыйны сайт муніцыпалітэта Сандэрленда