Наезд на натоўп у Магдэбургу (2024)
| Наезд на натоўп у Магдэбургу | |
|---|---|
| Месца нападу |
 Магдэбург, Германія |
| Дата |
20 снежня 2024 |
| Спосаб нападу | наезд |
| Загінулыя | 5 |
| Параненыя | больш за 200 |
| Падазраваныя | Талеб Аль-Абдулмахсен |
Увечары 20 снежня 2024 года ў нямецкім горадзе Магдэбург[1] кіроўца BMW наўмысна накіраваў машыну ў бок людзей на калядным кірмашы[2]. Станам на 21 снежня вядома пра пяць загінулых і больш за 200 пацярпелых, сярод якіх каля 40 знаходзіліся ў крытычным стане[3].
Наезд на натоўп у Магдэбургу адбыўся на наступны дзень пасля восьмай гадавіны наезду грузавіка на калядны рынак у Берліне ў 2016 годзе, у выніку таго тэракту, здзейсненага Ісламскай дзяржавай, загінулі 12 чалавек і 56 атрымалі раненні[4].
Кіроўца аўтамабіля быў затрыманы паліцыяй на месцы[5]. Па даных нямецкай газеты Die Welt, за рулём аўтамабіля, узятага напракат, быў Талеб Аль-Абдулмахсен (араб. طالب العبدالمحسن)[6], мужчына 1974 года нараджэння, ураджэнец Саудаўскай Аравіі. У яго меўся від на жыхарства у ФРГ, і ён працаваў лекарам. Паводле інфармацыі нямецкага часопіса Der Spiegel, мужчына, па адукацыі псіхіятр, прыехаў у краіну ў 2006 годзе, а праз дзесяць гадоў змог атрымаць статус бежанца[7].
Паліцыя Магдэбурга заклікала грамадзян заставацца дома. У суседніх гарадах улады рэагавалі па-рознаму: калі Калядны рынак у горадзе Эрфурт быў зачынены, то ў Гале меры бяспекі не ўзмацнілі[8].
Крыніцы
[правіць | правіць зыходнік]- ↑ "При наезде автомобиля на толпу в Магдебурге пострадали 68 человек". РИА Новости. 2024-12-21. Архівавана з арыгінала 2024-12-21. Праверана 2024-12-21.
- ↑ "Что известно о наезде автомобиля на людей в Магдебурге". ТАСС. 2024-12-20. Архівавана з арыгінала 2024-12-20. Праверана 2024-12-20.
- ↑ https://www.washingtonpost.com/world/2024/12/21/germany-christmas-market-attack-suspect-magdeburg/
- ↑ Koopmann, Christoph. Magdeburg: Mindestens zwei Tote und 60 Verletzte bei mutmaßlichem Anschlag auf Weihnachtsmarkt (ням.). Süddeutsche.de (21 снежня 2024). Праверана 21 снежня 2024.
- ↑ Соколенко, Олег (2024-12-20). "Авто въехало в толпу на рождественской ярмарке в Магдебурге". Deutsche Welle. Праверана 2024-12-20.
- ↑ Vasudev, Amit. Who Is Taleb al Abdulmohsen — Ex-Muslim, Doctor, Anti-Immigration Activist Arrested In Germany Car Attack?. Oneindia (21 снежня 2024). Праверана 21 снежня 2024.
- ↑ "В Магдебурге автомобиль врезался в толпу на рождественской ярмарке". Meduza. 2024-12-20. Архівавана з арыгінала 2024-12-20. Праверана 2024-12-20.
- ↑ "Magdeburg: Bundesländer verstärken Polizeipräsenz auf Weihnachtsmärkten". ZEIT ONLINE(ням.). Праверана 2024-12-21.