Капашвар

Горад Капашвар Kaposvár Герб Сцяг Краіна Венгрыя Каардынаты 46°22′ пн. ш. 17°47′ у. д. Мэр Карай Сіта Плошча 113,59 км² Вышыня цэнтра 82 м Афіцыйная мова венгерская Насельніцтва 64 872 чалавек (2014) Шчыльнасць 598,80 чал./км² Часавы пояс UTC+1, летам UTC+2 Тэлефонны код (+36) 082 Паштовы індэкс 7500 Афіцыйны сайт kaposvar.hu Капашвар на карце Венгрыі

Медыяфайлы на Вікісховішчы

Панарама Капашвара

Ка́пашвар (венг.: Kaposvár, ням.: Kopisch, Ruppertsberg, Ruppertsburg, турэцк.: Kapoşvar) — горад у Венгрыі, адміністрацыйны цэнтр медзье Шомадзь. Горад стаіць на рацэ Капаш. Насельніцтва 64 872 чал. (2014).

Геаграфія і транспарт

Капашвар размешчаны ў Паўднёва-Задунайскім краі прыкладна за 190 кіламетраў на паўднёвы захад ад Будапешта і за 50 кіламетраў на поўдзень ад возера Балатан. Праз горад праходзіць чыгунка Будапешт — Заграб. Час у дарозе на цягніку да Будапешта — каля 3 гадзін. Аўтадарогі вядуць з горада ў Сігетвар, Печ і Надзьканіжу.

Гісторыя

Горад упершыню ўзгаданы ў дакуменце 1009 года аб заснаванні Печскага біскупства. У XV стагоддзі тут была пабудавана крэпасць. У 1555 годзе Капашвар перайшоў пад уладу туркаў, якія кіравалі горадам да 1686 года. У 1702 годзе па загадзе імператара Леапольда I крапасныя сцены былі разбураны. У 1749 годзе Капашвар стаў цэнтрам камітата.

У XIX стагоддзі праз яго прайшла чыгунка Будапешт — Заграб, што спрыяла росту і развіццю горада. У сярэдзіне XX стагоддзя ў склад горада было ўключана некалькі навакольных вёсак.

У Капашвары нарадзіліся два венгерскія палітыкі, якія прынялі актыўны ўдзел у паўстанні 1956 года — Імрэ Надзь і Бела Кірай.

Славутасці

• Будынак гарадской ратушы (XIX стагоддзе).
• Гарадскі сабор. Пабудаваны ў XVIII стагоддзі, перабудаваны ў XIX стагоддзі ў неагатычным стылі.
• Музей кіно.
• Музей мастака Рыпль-Ронаі.
• Гарадскі музей.
• Галерэя Васары — экспануе творы сучасных венгерскіх мастакоў.
• Універсітэт Капашвара

Спорт

У горадзе базуецца футбольны клуб «Ракацы», які выступае ў наймацнейшым венгерскім дывізіёне. У 2007 годзе клуб заняў 7-е месца ў першынстве. Таксама ў горадзе існуе адзін з наймацнейшых у Венгрыі баскетбольных клубаў. Капашвар лічыцца цэнтрам венгерскага коннага спорту, штогод у сакавіку тут праводзяцца скачкі, а ў кастрычніку — этап Кубка свету па аб’езджванні.

Насельніцтва

Год Колькасць 2013 65 337 2014 64 872 Год Колькасць 2021 59 777 2022 59 397 Год Колькасць 2023 59 270 2024 58 830

Гарады-пабрацімы

•  Glinde^[d], Германія (1990)
•  Saint-Sébastien-sur-Loire^[d], Францыя (2002)
•  Бат, Вялікабрытанія (1989)
•  Дархан, Манголія (1973)
•  Кантхо, В’етнам (2017)
•  Капрыўніца, Харватыя (1995)
•  Меркура-Чук, Румынія (1990)
•  Мостар, БіГ (2008)
•  Раўма, Фінляндыя (1991)
•  Скіа^[d], Італія (1990)
•  Ускюдар^[d], Турцыя (2013)
•  Філах, Аўстрыя (1991)
•  Цвер, Расія (1995)