| Баі за Хамеру |
|---|
| Асноўны канфлікт: Тыграйскі канфлікт |
| Дата |
9—11 лістапада 2020 |
| Месца |
Хамера, Тыграй, Эфіопія |
| Вынік |
перамога УС Эфіопіі |
| Праціўнікі |
|
|
| Камандуючыя |
|
|
| Сілы бакоў |
|
|
| Страты |
| па меньшей меры 1 забіты і 6 параненых[1]
|
невядомая колькасць забітых, некалькі параненых[1]
| |
| Агульныя страты |
| 46 мірных грамадзян загінулі і 200 паранены[1]
| |
|
Баі за Хамеру — эпізод ваеннага канфлікту ў Тыграі.
9 лістапада з горада былі выведзены сілы спецыяльных аперацый НФВТ, пакінуўшы Хамеру выключна на апалчэнне. Войскі перакінулі на іншыя праблемныя ўчасткі фронту. Ніякіх значных абарончых сістэм не было створана, і большасць сіл паўстанцаў былі размешчаны ўздоўж ракі Тэкэзэ, маючы пры сябе аўтаматы Калашнікава, кулямёты і некаторую колькасць снайперскіх вінтовак[1].
Неўзабаве ў лагеры Хеліган ля эрытрэйскай мяжы пачалася першая перастрэлка, дзе на мосце праз Тэкэзэ быў забіты адзін баец УС Эфіопіі. Яшчэ два вайскоўца атрымалі раненні[1]. Пасля з Хелігана пачаўся артылерыйскі агонь. У выніку абстрэлаў загінулі і былі паранены мірныя жыхары, а таксама пашкоджаны розныя збудаванні. Паводле звестак лекараў бальніцы Кахсай Абера, было паранена каля 200 мірных жыхароў і 46 чалавек загінулі. Многія лекары беглі ў суседнія гарады ці Судан[1]. Некаторыя медсупрацоўнікі перавезлі каля 50 параненых у бяспечны Адэбай[2]. Снарады патрапілі і ў ваенныя мэты, такія як закінутая турма, якая ператварылася ў ваенны лагер спецназа НФВТ[1]. Абстрэлы працягвалася да вечара і аднавілася раніцай наступнага дня[1].
10 лістапада федэральныя войскі захапілі аэрапорт Хамера[3]. У той жа дзень мясцовыя апалчэнцы адкрылі кулямётны агонь па салдатах, якія перасякалі мост Тэкезэ з Эрытрэі ў Эфіопію. Да гэтага часу спецназ паўстанцаў ужо вярнуўся ў горад, абстраляўшы з цяжкага ўзбраення эрытрэйскую тэрыторыю, але потом зноў пакінуў Хамеру і рушыў на цэнтральны Тыграй[1].
Каментуючы бітву за горад, прэзідэнт рэгіёну Тыграй Дэбрэцыан Гебрэмікаэль заявіў, што ў баявых дзеяннях на баку ўрада ўдзельнічае эрытрэйская армія. Аднак урад Эрытрэі адмаўляў свой удзел у вайне[3][4].
11 лістапада мясцовыя апалчэнцы цалкам страцілі кантроль над Хамерай[1][5].
Пасля захопу горада тут адбыліся масавыя забойствы мірных жыхароў. Бежанцы, што далі інтэрв’ю Daily Telegraph, прыпісвалі адказнасць за разню амхарскім апалчэнцам, у тым ліку байцам Фано[6][7] і ўрадавай арміі[8].
29 лістапада Эфіопская вяшчальная карпарацыя заявіла, што недалёка ад аэрапорта Хамера было знойдзена 70 пахавальных ям,. У тэлерэпартажы ананімны ваенны чыноўнік прыпісаў забойствы НФВТ[9].
