Jump to content

Ramon Olaño, Jr.

Magdagdag nin link
Gikan sa Bikol Sentral na Wikipedia, an talingkas na ensiklopedya
Ramon Olaño, Jr.
MinundaganHunyo 5, 1946
Syudad nin Naga
AlyasRinger
KasibotanNegosyante, tagahiro pangkultura
NasyunalidadFilipino
LahìBikolano
Alma materAteneo de Naga na Unibersidad

Si Ramon "Mon" O. Olaño, Jr. (namundag sa Syudad nin Naga; Hunyo 5, 1946) sarong Bikolanong negosyante, komentarista sa radyo, kolumnista sa Bicol Mail, tagahiro pangkultura asin kagmuknâ sagkod presidente kan Sumaro Bikolnon.[1] Siya nagtapos nin AB History sa Ateneo de Naga na Unibersidad sa Syudad nin Naga.

Siya sarô sa kaapil kan Kabikolan Cultural Association, sarong kaburonyogan nin mga parasurat asin mga paraadal kan kulturang Bikolnon na itinugdas kan 1969. Ngunyan, siya aktibong myembro kan Centro Naga Business Club[2] asin kan Nueva Caceres Heritage Movement, sarong organisasyon sa Syudad nin Naga para sa pagbantog kan pagpangataman kan pamanang yaman kan Kabikolan.[3] asin saro man na kaayon sa Philippine Chamber of Commerce and Industry, Camarines Sur Chapter.[4]

Siya an tagapadalagan kan programang Boses ni Lolo sa DWRN na minatukar nin manlainlain na isyu sa ekonomiya, politika asin kultura. Kan 2006, nagin siyang kritiko kaiba an iba pang mga Bikolanong parasurat sa Juliana Arejola-Fajardo Workshop sa Pagsurat-Bikol. Sarô man siya sa pinakamahigos na paraambag asin tagatulod kan Bikol Wikipedia poon kan 2007. Sa Premio Tomas Arejola para sa Literaturang Bikolnon kan 2009, sarô man siya sa mga nagin hurado digdi.

Nagluwas an saiyang halìpot na biograpiya ki Clemente Alejandria asin Tirigsikan nin mga Burat sa publikasyon na An Tambobong nin Literaturang Bikolnon sa Ani nin mga Rawitdawit (Marso 2010) asin Mga Yawityawit sa Tig-init (Hulyo 2010).

Si Ramon Olaño, an kagmuknâ asin presidente ngunyan kan Sumaro Bikolnon

Toltolan

[baguhon | baguhon an source]
  1. ↑ Bikol Songs Festival to honor Fr. O’Brien, Adrados Bicol Mail (pighugot 2015-07-03)
  2. ↑ [https://www.facebook.com/centronagabusinessclub/ Kinua 23-03-18
  3. ↑ New heritage society formed Bicol Mail (pighugot 2015-07-03)
  4. ↑ [1] Archived 2018-03-15 at the Wayback Machine.camsurcci.com. Kinua 23-03-2018

Mga panluwas na takod

[baguhon | baguhon an source]


Kinua sa "https://bcl.wikipedia.org/w/index.php?title=Ramon_Olaño,_Jr.&oldid=262357"