Jump to content

Gil L. Gregorio

Magdagdag nin link
Gikan sa Bikol Sentral na Wikipedia, an talingkas na ensiklopedya
Gil Lopez Gregorio
Minundagan (1961-06-24) Hunyo 24, 1961 (edad 63)
Syudad nin Naga, Camarines Sur
AlyasGeopoet, Geoweb
KasibotanEmpleyado
NasyunalidadFilipino
LahìBikolano
Alma materUnibersidad kan Nueva Caceres
GenrePagpalis, drama panradyo, rawitdawit
Bantog na giboA View from Afar Off: A Poetic Legacy from Heaven (2006)

Si Gil Lopez Gregorio (namundag kan Hunyo 24, 1961 sa Syudad nin Naga, Filipinas) sarong kagubay na Bikolanong parasurat asin paratukdô.

Siya na-enganyong magsurat nin rawitdawit sa Ingles magpoon kaidtong 1983 mantang siya sarô sa mga parasurat/parabareta kan Nueva Caceres Bulletin, an opisyal na publikasyon kan Unibersidad kan Nueva Caceres. An saiyang pinaka-enot na libro nin rawitdawit sa Ingles tituladong "A View from Afar Off: A Poetic Legacy from Heaven" (Paglantaw gikan sa Harayoon: Pamanang Rawitdawit gikan sa Langit)[1], na pinagpublisa kan 2006 ni Andrew Byrne kan Carpe Diem Publishing Company-Australia, dangan an saiyang ikaduwang libro sa Ingles na may titulong "Emblems of Light" (Mga Lunyang nin Liwanag) na pinublisa kan 2010 kan Dorrance Publishing Company-Pittsburgh, PA. Sa kaparehong taon, an duwang seryal na mga libro sa Filipino na may titulong, "Isinadula sa Radyo na mga Kuwento ng Pag-ibig, Part 1 & 2" na mga sinurat niyang eskrip para sa drama nin radyo kan siya nagsusurat pa sa Bombo Radyo Philippines sa Naga City. Naipublisa na man an saiyang pulitikal na mga komentaryong Ingles para sa taon 2004-2009 na may titulong "The Lost Filipino: The Blogbook" kan parehong kumpanya nin publikasyon.

Siya nagin tagaambag sa publikasyon na An Tambobong nin Literaturang Bikolnon kun saen naipublikar an nagkapira sa saiyang mga rawitdawit.[2][3][4] Siya myembro kan Parasurat Bikolnon nin Calabanga, Camarines Sur asin Sumaro Bikolnon, Inc. nin Syudad nin Naga na parehong organisasyon nin mga parasurat sa rehiyon Bikol, asin kan World Poets Society[5] nin Gresya. Nagin siyang myembro asin tagasiyasat (auditor) kan Wikimedia Philippines, Inc.[6] asin mahigos na nagdadakit-taramon kan mga artikulo nin Wikipedia gikan sa Ingles pasiring sa Bikol. Siya nagin sarô sa mga paratukdô sa kolehiyo sa Business Administration Department kan WRI Colleges sa Siyudad nin Naga asin Goa, Camarines Sur.

Mga Gibo sa Lengguwaheng Bikol

[baguhon | baguhon an source]

Nagpoon an pagsurat niya sa lengguwaheng Bikol kan saiyang pinunan asin natapos na palison an tolong estandarteng Ingles na libro kan An Simbahan ni Jesukristo nin Mga Banal sa Huring-Aldaw: An Libro ni Mormon, Doktrina asin Mga Tipan, asin an Perlas nin Dakulang Kahalagahan. Habang saiyang pinagpalis an mga tataramong Ingles sa Bikol nagkaigwa siya nin dakulang kamawotan na makapaggibo nin rawitdawit na kaidto bako pang gayo pamilyar na gibohon niya.

An pinaka-enot niyang rawitdawit sa Bikol iyo an Buhay Paraoma na an inspirasyon naguno sa mga amigo niyang mga paraoma sa San Jose, Camarines Sur asin man nin huli sa imbitasyon ni Irvin Sto. Tomas na iyo an pangenot na nagpupublikar kan An Tambobong nin Literaturang Bikolnon. An ikaduwa iyo an Panyong Sinublian na ipinagpublikar man sa libro na may titulong, Sagurong: 100 na Kontemporanyong Rawitdawit sa Manlain-lain na Tataramon Bikol.[7] An duwang rawitdawit na ining naipublikar iyo an nakapagtao saiya nin dakulang inspirasyon tanganing ipagpadagos niya an pagsurat sa lengguwaheng Bikol. Madahomon an lengguwaheng Bikol asin dakula an saiyang kangangalasan kan saiyang madiskubre na garo baga kadikiton sana an igwa nin interes na mga Bikolano na magbasa kan sadiri nindang mga literatura.

Nagpoon siyang maghanap nin mga kapwa parasurat asin nakanagbo siya sa mga persona ninda Ramon Olano Jr. asin Irvin Sto. Tomas na mga miyembro kan Sumaro Bikolnon. Si Irvin Sto. Tomas man an nakapag-agyat saiya na magin kaayon sa Wikimedia Philippines, Inc. [8] Kaya an taon 2010, iyo an kapinonan kan pagsurat niya nin rawitdawit o mga prosa asin mga saysay sa lengguwaheng Bikol na pinagkaag niya sa saiyang mga Bikol na blog, asin sa pagsurat niya sa sadiring lengguwahe, pinaghingoha niya na magin siring sa Filipino (Tagalog) an espeling o letra kan mga tataramon na tanganing magin sayon ini sa mga parabasa. Iyo ini an estilo na gusto niyang paurogon sa gabos niyang isinusurat sa Bikol.

Rawitdawit

[baguhon | baguhon an source]

Nagkapira sa mga naisurat niyang rawitdawit naipalagdá sa An Tambobong nin Literaturang Bikolnon:

Bikol

Mga titulo nin rawitdawit na dae pa naipublisa sa imprinta:[15]

Mga Tigsik

[baguhon | baguhon an source]

May nagkapirang tigsik naman siyang sinurat na saiyang pinagpublikar sa saro niyang online blog. An mga titulo iyo an mga minasunod:

Mga Gibo sa Lengguwaheng Ingles

[baguhon | baguhon an source]

An tolo [18] kan saiyang mga naggibong mga rawitdawit sa Ingles an napili kan International Selection Committee of the International Library of Poetry bilang sertipikadong semi-finalist sa Monthly International Open Poetry Contest kan mga bulan nin Mayo asin Abril 2002 na iyo an mga minasunod:


Igwa man siyang nagkapirang mga rawitdawit sa Ingles na pinagpublisa kan The Poet Sanctuary [25] antolohiya na may titulong Muses of the Snow[26] kan Nobyembre 18, 2003 dangan The Blossoms of Creativity [27] na pinagpublisa kan Disyembre 28, 2004. Alagad dae siya nakabakal kan duwang antolohiyang ini nin huli sa pinansyal na kadaehan.

An Ingles niyang rawitdawit na may titulong What is Love? Nakapublisa man ini sa librong A View from Afar Off: A Poetic Legacy from Heaven (ISBN: 0-9775954-8-X/13 Digit ISBN: 978-0-9775954-8-8) under Carpe Diem Publishing Company, South Australia pinagpublisa man kan antolohiya nin rawitdawit Blg. 7 kan Voicesnet International Poetry Publishing.[28]

Pinag-atendiran na Workshops para sa Pagsurat

[baguhon | baguhon an source]

Siya nanombraran bilang saro sa kinseng Writing Fellows kan nakaaging 8th Juliana Arejola-Fajardo Workshop sa Pagsurat-Bikol na may temang, Mapping the Literary Terrain of Kabikolan,na ginibo kan Abril 10-13, 2012 sa Ruby Hall, Crown Hotel, sa siyudad nin Naga. An workshop ginibo na yaon sa lindong kan National Commission for Culture and the Arts (NCCA) na pinapangenotan ni Carlo A. Arejola bilang Convernor/Workshop Director asin Priscilla S. Macansantos, Ph.D. bilang Chair kan National Committee on Literary Arts. [29]

An mga minasunod na rawitdawit iyo an saiyang pinagsumite bilang entra sa workshop:

Kapangganahan sa Pakontest

[baguhon | baguhon an source]

Toltolan

[baguhon | baguhon an source]
  1. ↑ A View from Afar Off: A Poetic Legacy from Heaven
  2. ↑ Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  3. ↑ Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  4. ↑ Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  5. ↑ Websityo kan World Poets Society
  6. ↑ Wikimedia Philippines, Inc.
  7. ↑ Santos, Paz Verdades asín Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  8. ↑ Wikimedia Philippines, Inc.
  9. ↑ An Tambobong Nin Literaturang Bikolnon Tomo I Blg. 1 Ani nin mga Rawitdawit (Sumaro Bikolnon/BikolianA 2010, p. 3)
  10. ↑ An Tambobong Nin Literaturang Bikolnon Tomo I Blg. 2 Mga Yawit-yawit sa Tig-init (Sumaro Bikolnon/BikolianA 2010, pp. 36-37)
  11. ↑ Sagurong: 100 na Kontemporanyong Rawitdawit sa Manlain-lain na Tataramon Bikol, A Centennial Publication of De La Salle University, p.53
  12. ↑ An Tambobong Nin Literaturang Bikolnon Tomo I Blg. 2 Mga Yawit-yawit sa Tig-init (Sumaro Bikolnon/BikolianA 2010)
  13. ↑ An Tambobong Nin Literaturang Bikolnon Tomo I Blg. 3 Mga Awit para sa Ina (BikolianA 2011)
  14. ↑ An Tambobong Nin Literaturang Bikolnon Tomo I Blg. 3 Mga Awit para sa Ina (BikolianA 2011)
  15. ↑ Isinumite para sa Juliana Arejola-Fajardo Workshop sa Pagsurat-Bikol, Abril 10-13, 2012 na ginibo sa Ruby Hall, Crown Hotel, sa siyudad nin Naga.
  16. ↑ Isinumite para sa Ikaduwang Saringsing: Paghimukat nin mga Obrang Literatura Palestina na ginibo Pili, Camarines Sur
  17. ↑ Isinumite para sa Ikaduwang Saringsing: Paghimukat nin mga Obrang Literatura Palestina na ginibo Pili, Camarines Sur
  18. ↑ Ipinagpublisa sa antolohiyang Ingles na rawitdawit na may titulong Letters From The Soul (Library of Congress, ISBN-0-7951-6160-8)
  19. ↑ Nakapublisa man ini sa librong A View from Afar Off: A Poetic Legacy from Heaven (ISBN: 0-9775954-8-X / 13 Digit ISBN: 978-0-9775954-8-8) under Carpe Diem Publishing Company, South Australia
  20. ↑ An rawitdawit-Ingles na ini nakapublisa sa antolohiyang may titulo Letters From The Soul (Library of Congress, ISBN-0-7951-5160-8)
  21. ↑ Nakapublisa man ini sa librong A View from Afar Off: A Poetic Legacy from Heaven (ISBN: 0-9775954-8-X / 13 Digit ISBN: 978-0-9775954-8-8) under Carpe Diem Publishing Company, South Australia
  22. ↑ An rawitdawit-Ingles na ini nakapublisa sa antolohiyang may titulo Letters From The Soul (Library of Congress, ISBN-0-7951-5160-8)
  23. ↑ Nakapublisa man ini sa librong A View from Afar Off: A Poetic Legacy from Heaven (ISBN: 0-9775954-8-X / 13 Digit ISBN: 978-0-9775954-8-8) under Carpe Diem Publishing Company, South Australia
  24. ↑ An rawitdawit-Ingles na ini nakapublisa sa antolohiyang may titulo Letters From The Soul (Library of Congress, ISBN-0-7951-5160-8)
  25. ↑ The Poet Sanctuary
  26. ↑ Muses of the Snow Archived 2008-08-20 at the Wayback Machine.
  27. ↑ The Blossoms of Creativity Archived 2008-08-20 at the Wayback Machine.
  28. ↑ The Voicesnet International Poetry Publishing Archived 2012-03-24 at the Wayback Machine..
  29. ↑ Writing Fellows slate NCCA Pagsurat Bikol workshop, Bicolmail Vol. XXVIII No. 43, dated April 5, 2012, p.6
  30. ↑ Gawad Obrang Literaturang Bikolnon para sa bulan nin Mayo 2012
Kinua sa "https://bcl.wikipedia.org/w/index.php?title=Gil_L._Gregorio&oldid=271387"